Murli du jour du samedi 5 avril 2025

05-04-2025 praatahmurli om shanti "baapdaada"' madhuban

“meethe bachche - tumhein abhi naam roop ki beemaari se bachna hai, ulta khaata nahin banaana hai, ek baap ki yaad mein rehna hai''

prashn:- bhaagyavaan bachche kis mukhya purushaartha se apna bhaagya bana dete hain?

uttar:- bhaagyavaan bachche sabko sukh dene ka purushaartha karte hain। mansa-vaacha-karmana koi ko duhkh nahin dete hain। sheetal hokar chalte hain to bhaagya banta jaata hai। tumhaari yeh student life hai, tumhein ab ghutke nahin khaane hain, apaar khushi mein rehna hai।

geet:- tumheen ho maata-pita…

om shanti। sabhi bachche murli sunte hain, jahaan bhi murli jaati hai, sab jaante hain ki jiski mahima gaai jaati hai woh koi saakaar nahin hai, niraakaar ki mahima hai। niraakaar saakaar dvaara abhi sammukh murli suna rahe hain। aise bhi kahenge abhi ham aatma unhein dekh rahe hain! aatma bahut sookshm hai, in aankhon se dekhne mein nahin aati। bhakti maarga mein bhi jaante hain ki ham aatma sookshm hain। parantu poora rahasya buddhi mein nahin hai ki aatma hai kya, paramatma ko yaad karte hain parantu woh hai kya! yeh duniya nahin jaanti। tum bhi nahin jaante the। abhi tum bachchon ko yeh nishchay hai ki yeh koi laukik teacher va sambandhi bhi nahin। jaise srishti mein aur manushya hain vaise yeh daada bhi tha। tum jab mahima gaate the tvamev maataashcha pita...... to samajhte the oopar mein hai। abhi baap kehte hain mainne ismen pravesh kiya hai, main vahi ismen hoon। aage to bahut prem se mahima gaate the, dar bhi rakhte the। abhi to woh yahaan is shareer mein aaye hain। jo niraakaar tha woh ab saakaar mein aa gaya hai। woh baith bachchon ko sikhlaate hain। duniya nahin jaanti ki woh kya sikhlaate hain। woh to geeta ka bhagwan shreekrishna samajhte hain। kah dete hain - woh raajayog sikhlaate hain। achha, baaki baap kya karte hain? bhal gaate the tum maat-pita parantu unse kya aur kab milta hai, yeh kuchh nahin jaante। geeta sunte the to samajhte the shreekrishna dvaara raajayog seekha tha phir woh kab aakar sikhlaayenge। woh bhi dhyaan mein aata hoga। is samay yeh vahi mahaabhaarat ladaai hai to zaroor shreekrishna ka samay hoga। zaroor vahi history-geography repeat honi chaahiye। din-pratidin samajhte jaayenge। zaroor geeta ka bhagwan hona chaahiye। barobar mahaabhaarat ladaai bhi dekhne mein aati hai। zaroor is duniya ka ant hoga। dikhaate hain paandav pahaad par chale gaye। to unki buddhi mein yeh aata hoga, barobar vinaash to saamne khada hai। ab shreekrishna hai kahaan? dhoondhate rahenge, jab tak tumse sunen ki geeta ka bhagwan shreekrishna nahin, shiv hai। tumhaari buddhi mein to yeh baat pakki hai। yeh tum kabhi bhool nahin sakte। koi ko bhi tum samjha sakte ho geeta ka bhagwan shreekrishna nahin, shiv hai। duniya mein to koi bhi nahin kahega sivaae tum bachchon ke। ab geeta ka bhagwan raajayog sikhlaate the to zaroor isse siddha hota hai nar se naaraayan banaate the। tum bachche jaante ho bhagwan hamko padhaate hain। barobar nar se naaraayan banaate hain। in lakshmi-naaraayan ka svarga mein raajya tha na। abhi to woh svarga bhi nahin hai, to naaraayan bhi nahin hai, devtaayen bhi nahin hain। chitra hain jisse samajhte hain yeh hokar gaye hain। abhi tum samajhte ho inhon ko kitne varsha hue? tumko pakka maaloom hai, aaj se 5 hazaar varsha pahle inhon ka raajya tha। abhi to hai ant। ladaai bhi saamne khadi hai। jaante ho baap hamko padha rahe hain। sabhi centres mein padhte bhi hain to padhaate bhi hain। padhaane ki yukti badi achhi hai। chitron dvaara samjhaani achhi mil sakegi। mukhya baat hai geeta ka bhagwan shiv va shreekrishna? pharka to bahut hai na। sadgati daata svarga ki sthaapna karne vaala athva aadi sanaatan devi-devta dharma ki phir se sthaapna karne vaala shiv ya shreekrishna? mukhya hai hi 3 baaton ka phainsala। is par hi baba jor dete hain। bhal opinion likhkar dete hain ki yeh bahut achha hai parantu isse kuchh bhi phaayda nahin। tumhaari jo mukhya baat hai us par jor dena hai। tumhaari jeet bhi hai ismen। tum siddha kar batlaate ho bhagwan ek hota hai। aise nahin ki geeta sunaane vaale bhi bhagwan ho gaye। bhagwan ne is raajayog aur gyaan dvaara devi-devta dharma ki sthaapna ki।

baba samjhaate hain - bachchon par maaya ka vaar hota rehta hai, abhi tak karmaateet avastha ko koi ne paaya nahin hain। purushaartha karte-karte ant mein tum ek baba ki yaad mein sadaiv harshit rahenge। koi murjhaais nahin aayegi। abhi to sir par paapon ka bojha bahut hai। woh yaad se hi utrega। baap ne purushaartha ki yuktiyaan batlaai hain। yaad se hi paap katte hain। bahut buddhu hain jo yaad mein na rahne kaaran phir naam-roop aadi mein phans padte hain। harshitmukh ho kisko gyaan samjhaayen, woh bhi mushkil hain। aaj kisko samjhaaya, kal phir ghutka aane se khushi gum ho jaati hai। samajhna chaahiye yeh maaya ka vaar hota hai isliye purushaartha kar baap ko yaad karna hai। baaki rona, peetna va behaal nahin hona hai। samajhna chaahiye maaya paadar (joota) maarti hai isliye purushaartha kar baap ko yaad karna hai। baap ki yaad se bahut khushi rahegi। mukh se jhat vaani niklegi। patit-paavan baap kehte hain ki mujhe yaad karo। manushya to ek bhi nahin jisko rachta baap ka parichay ho। manushya hokar aur baap ko na jaanen to jaanvar se bhi badtar hua। geeta mein shreekrishna ka naam daal diya hai to baap ko yaad kaise karen! yahi badi bhool hai, jo tumko samjhaani hai। geeta ka bhagwan shivbaaba hai, vahi varsa dete hain। mukti-jeevanmukti daata woh hai, aur dharma vaalon ki buddhi mein baithta nahin। woh to hisaab-kitaab chuktu kar vaapis chale jaayenge। pichhaadi mein thoda parichay mila phir bhi jaayenge apne dharma mein। tumko baap samjhaate hain tum devta the, abhi phir baap ko yaad karne se tum devta ban jaayenge। vikarma vinaash ho jaayenge। phir bhi ulte-sulte dhandhe kar lete hain। baba ko likhte hain aaj hamaari avastha murjhaai hui hai, baap ko yaad nahin kiya। yaad nahin karenge to zaroor murjhaayenge। yeh hai hi murdon ki duniya। sabhi mare pade hain। tum baap ke bane ho to baap ka pharmaan hai - mujhe yaad karo to vikarma vinaash ho jaaen। yeh shareer to puraana tamopradhaan hai। pichhaadi tak kuchh na kuchh hota rahega। jab tak baap ki yaad mein rah karmaateet avastha ko paayen, tab tak maaya hilaati rahegi, kisko bhi chhodegi nahin। jaanch karte rehna chaahiye ki maaya kaise dhakka khilaati hai। bhagwan hamko padhaate hain, yeh bhoolna kyon chaahiye। aatma kehti hai - hamaara praanon se pyaara woh baap hi hai। aise baap ko phir tum bhoolte kyon ho! baap dhan dete hain, daan karne ke liye। pradarshani-mele mein tum bahuton ko daan kar sakte ho। aapehi shauk se bhaagna chaahiye। abhi to baba ko taakeed karni padti hai, (umang dilaana padta hai) jaakar samjhaao। usmein bhi achha samjha hua chaahiye। deh-abhimaani ka teer lagega nahin। talvaaren bhi anek prakaar ki hoti hain na। tumhaari bhi yog ki talvaar badi teekhi chaahiye। service ka hullaas chaahiye। bahuton ka jaakar kalyaan karen। baap ko yaad karne ki aisi practice ho jaae jo pichhaadi mein sivaae baap ke aur koi yaad na pade, tab hi tum raajaai pad paayenge। antakaal jo alaph ko simre aur phir naaraayan ko simre। baap aur naaraayan (varsa) hi yaad karna hai। parantu maaya kam nahin hai। kachche to ekdam dher ho padte hain। ulte karmon ka khaata tab banta hai jab kisi ke naam roop mein phans padte hain। ek-do ko private chitthiyaan likhte hain। dehdhaariyon se preet ho jaati hai to ulte karmon ka khaata ban jaata hai। baba ke paas samaachaar aate hain। ulta-sulta kaam kar phir kehte hain baba ho gaya! are, khaata ulta to ho gaya na! yeh shareer to paleet hai, unko tum yaad kyon karte ho। baap kehte hain mujhe yaad karo to sadaiv khushi rahe। aaj khushi mein hain, kal phir murde ban padte hain। janma-janmaantar naam-roop mein phansate aate hain na। svarga mein yeh beemaari naam-roop ki hoti nahin। vahaan to mohjeet kutumba hota hai। jaante hain ham aatma hain, shareer nahin। woh hai hi aatma-abhimaani duniya। yahaan hai deh-abhimaani duniya। phir aadha kalpa tum dehi-abhimaani ban jaate ho। ab baap kehte hain deh-abhimaan chhodo। dehi-abhimaani hone se bahut meethe sheetal ho jaayenge। aise bahut thode hain, purushaartha karaate rehte hain ki baap ki yaad na bhoolo। baap pharmaan karte hain mujhe yaad karo, chart rakho। parantu maaya chart bhi rakhne nahin deti hai। aise meethe baap ko to kitna yaad karna chaahiye। yeh to patiyon ka pati, baapon ka baap hai na। baap ko yaad kar aur phir doosron ko bhi aapasmaan banaane ka purushaartha karna hai, ismen dilchaspi bahut achhi rakhni chaahiye। serviceable bachchon ko to baap naukri se chhuda dete hain। circumstance dekh kahenge ab is dhandhe mein lag jaao। em object to saamne khadi hai। bhakti maarga mein bhi chitron ke aage yaad mein baithte hain na। tumko to sirf aatma samajh paramatma baap ko yaad karna hai। vichitra ban vichitra baap ko yaad karna hai। yeh mehnat hai। vishwa ka maalik banna, koi maasi ka ghar nahin hai। baap kehte hain - main vishwa ka maalik nahin banta hoon, tumko banaata hoon। kitna maatha maarna padta hai। sapoot bachchon ko to aapehi ona laga rahega, chhutti lekar bhi service mein lag jaana chaahiye। kai bachchon ko bandhan bhi hai, moh bhi rehta hai। baap kehte hain tumhaari sab beemaariyaan baahar niklengi। tum baap ko yaad karte raho। maaya tumko hataane ki koshish karti hai। yaad hi mukhya hai, rachta aur rachna ke aadi-madhya-ant ka gyaan mila, baaki aur kya chaahiye। bhaagyavaan bachche sabko sukh dene ka purushaartha karte hain, mansa, vaacha, karmana kisi ko duhkh nahin dete hain, sheetal hokar chalte hain to bhaagya banta jaata hai। agar koi nahin samajhte hain to samjha jaata inke bhaagya mein nahin hai। jinke bhaagya mein hai woh achhi reeti sunte hain। anubhav bhi sunaate hain na - kya-kya karte the। ab maaloom pada hai, jo kuchh kiya usse durgati hi hui। sadgati ko tab paayen jab baap ko yaad karen। bahut mushkil koi ghanta, aadha ghanta yaad karte honge। nahin to ghutka khaate rehte hain। baap kehte hain aadha-kalpa ghutka khaaya ab baap mila hai, student life hai to khushi honi chaahiye na। parantu baap ko ghadi-ghadi bhool jaate hain।

baap kehte hain tum karmayogi ho। woh dhandha aadi to karna hi hai। neend bhi kam karna achha hai। yaad se kamaai hogi, khushi bhi rahegi। yaad mein baithna zaroori hai। din mein to phursat nahin milti hai isliye raat ko samay nikaalna chaahiye। yaad se bahut khushi rahegi। kisko bandhan hai to kah sakte hain hamko to baap se varsa lena hai, ismen koi rok nahin sakta। sirf government ko jaae samjhaao ki vinaash saamne khada hai, baap kehte hain mujhe yaad karo to vikarma vinaash honge। aur yeh antim janma to pavitra rehna hai isliye ham pavitra bante hain। parantu kahenge woh jinko gyaan ki masti hogi। aise nahin ki yahaan aakar phir dehdhaari ko yaad karte rahen। deh-abhimaan mein aakar ladna-jhagadna jaise krodh ka bhoot ho jaata hai। baba krodh karne vaale ki taraph kabhi dekhte bhi nahin। service karne vaalon se pyaar hota hai। deh-abhimaan ki chalan dikhaai padti hai। gul-gul tab banenge jab baap ko yaad karenge। mool baat hai yeh। ek-do ko dekhte baap ko yaad karna hai। service mein to haddiyaan deni chaahiye। braahmanon ko aapas mein ksheer-khanda hona chaahiye। loonpaani nahin hona chaahiye। samajh na hone ke kaaran ek-do se naphrat, baap se bhi naphrat laate rehte hain। aise kya pad paayenge! tumko saakshaatkaar honge phir us samay smriti aayegi - yeh hamne gaphlat ki। baap phir kah dete hain takdeer mein nahin hai to kya kar sakte hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nirbandhan banne ke liye gyaan ki masti ho। deh-abhimaan ki chalan na ho। aapas mein loonpaani hone ke sanskaar na hon। dehdhaariyon se pyaar hai to bandhanmukta ho nahin sakte।

2) karmayogi bankar rehna hai, yaad mein baithna zaroor hai। aatma-abhimaani ban bahut meetha aur sheetal banne ka purushaartha karna hai। service mein haddiyaan deni hai।

vardaan:- shreemat se manmat aur janmat ki milaavat ko samaapta karne vaale sachche sva kalyaani bhav

baap ne bachchon ko sabhi khajaane sva kalyaan aur vishwa kalyaan ke prati diye hain lekin unhein vyartha taraph lagaana, akalyaan ke kaarya mein lagaana, shreemat mein manmat aur janmat ki milaavat karna - yeh amaanat mein khyaanat hai। ab is khyaanat aur milaavat ko samaapta kar roohaaniyat aur raham ko dhaaran karo। apne oopar aur sarva ke oopar raham kar sva kalyaani bano। sva ko dekho, baap ko dekho auron ko nahin dekho।

slogan:- sada harshit vahi rah sakte hain jo kahin bhi aakarshit nahin hote hain।

avyakt ishaare - “combined roop ki smriti se sada vijayi bano''

“baba aur ham'' - combined hain, karaavanhaar baba aur karne ke nimitta main aatma hoon - isko kehte hain asoch arthaat ek ki yaad। shubhchintan mein rahne vaale ko kabhi chinta nahin hoti। jaise baap aur aap combined ho, shareer aur aatma combined hai, aapka bhavishya vishnu svarup combined hai, aise sva-seva aur sarva ki seva combined ho tab mehnat kam saphalta jyaada milegi।