Murli du jour du dimanche 6 avril 2025

06-04-25 praatahmurli om shanti ''avyakt-baapdaada'' revise 15-12-2004 madhuban

'baapdaada ki vishesh aasha - har ek bachcha duaayen de aur duaayen le"

aaj baapdaada apne chaaron or ke bephikra baadshaahon ki sabha ko dekh rahe hain। yeh raaj sabha saare kalpa mein is samay hi hai। roohaani fakhur mein rehte ho isliye bephikra baadshaah ho। savere uthte hain to bhi bephikra, chalte phirte, karma karte bhi bephikra aur sote ho to bhi bephikra neend mein sote ho। aise anubhav karte ho na! bephikra hain? bane hain va ban rahe hain? ban gaye hain na! bephikra aur baadshaah ho, svaraajya adhikaari in karmendriyon ke oopar raajya karne vaale bephikra baadshaah ho arthaat svaraajya adhikaari ho। to aisi sabha aap bachchon ki hi hai। koi phikra hai? hai koi phikra? kyonki apne saare phikar baap ko de diye hain। to bojh utar gaya na! phikar khatma aur bephikra baadshaah ban amoolya jeevan anubhav kar rahe ho। sabke sir par pavitrata ke light ka taaj svatah hi chamakta hai। bephikra ke oopar light ka taaj hai, agar koi phikar karte ho, koi bojh apne oopar utha lete ho to maaloom hai sir par kya aa jaata hai? bojh ke tokre aa jaate hain। to socho taaj aur tokre donon saamne laao, kya achha lagta? tokre achhe lagte ya light ka taaj achha lagta? bolo, teachers kya achha lagta hai? taaj achha lagta hai na! sabhi karmendriyon ke oopar raajya karne vaale baadshaah ho। pavitrata light ka taajdhaari banaati hai isliye aapke yaadgaar jad chitron mein double taaj dikhaaya hai। dvaapar se lekar baadshaah to bahut bane hain, raaje to bahut bane hain lekin double taajdhaari koi nahin bana। bephikra baadshaah svaraajya adhikaari bhi koi nahin bana kyonki pavitrata ki shakti maayaajeet, karmendriyaan jeet vijayi bana deti hai। bephikra baadshaah ki nishaani hai - sada svayan bhi santushta aur auron ko bhi santushta karne vaale। kabhi bhi koi apraapti hai hi nahin jo asantushta ho। jahaan apraapti hai vahaan asantushtata hai। jahaan praapti hai vahaan santushtata hai। aise bane ho? check karo - sada sarva praapti swaroop, santushta hain? gaayan bhi hai - apraapta nahin koi vastu devtaaon ke nahin lekin braahmanon ke khazaane mein। santushtata jeevan ka shreshtha shrringaar hai, shreshtha value hai। to santushta aatmaayen ho na!

baapdaada aise bephikra baadshaah bachchon ko dekh khush hote hain। vaah mere bephikra baadshaah vaah! vaah! vaah! ho na! haath uthaao jo bephikra hain। bephikra? phikar nahin aata? kabhi to aata hai? nahin? achha hai। bephikra banne ki vidhi bahut sahaj hai, mushkil nahin hai। sirf ek shabd ki maatra ka thoda sa antar hai। woh shabd hai - mere ko tere mein parivartan karo। mera nahin tera, to hindi bhaasha mein mera bhi likho aur tera bhi likho to kya farka hota hai, me aur te ka? lekin farka itna ho jaata hai। to aap sab mere-mere vaale ho ya tere-tere vaale ho? mere ko tere mein parivartan kar liya? nahin kiya ho to kar lo। mera-mera arthaat daas banne vaala, udaas banne vaala। maaya ke daas ban jaate hain na to udaas to honge na! udaasi arthaat maaya ke daasi banne vaale। to aap maayaajeet ho, maaya ke daas nahin। to udaasi aati hai? kabhi-kabhi taste kar lete ho, kyonki 63 janma udaas rahne ka abhyaas hai na! to kabhi-kabhi woh emerge ho jaati hai isliye baapdaada ne kya kaha? har ek bachcha bephikra baadshaah hai। agar abhi bhi kahaan kone mein koi phikar rakh diya ho to de do। apne paas bojh kyon rakhte ho? bojh rakhne ki aadat pad gai hai? jab baap kehte hain bojh mere ko de do, aap light ho jaao, double light। double light achha ya bojh achha? to achhi tarah se check karna। amritvele jab utho to check karna ki vishesh vartamaan samay subconscious mein bhi koi bojh to nahin hai? subconscious to kya svapna maatra bhi bojh ka anubhav nahin ho। pasanda to double light hai na! to vishesh yeh hom work de rahe hain, amritvele check karna। check karna to aata hai na, lekin check ke saath, sirf check nahin karna change bhi karna। mere ko tere mein change kar dena। mera, tera। to check karo aur change karo kyonki baapdaada baar-baar suna rahe hain - samay aur svayan donon ko dekho। samay ki raphtaar bhi dekho aur svayan ki raphtaar bhi dekho। phir yeh nahin kehna ki hamko to pata hi nahin tha, samay itna tej chala gaya। kai bachche samajhte hain ki abhi thoda dheela purushaartha agar hai bhi to ant mein tej kar lenge। lekin bahutkaal ka abhyaas ant mein sahayogi banega। baadshaah banke to dekho। bane hain lekin koi bane hain, koi nahin bane hain। chal rahe hain, kar rahe hain, sampanna ho jaayenge…। ab chalna nahin hai, karna nahin hai, udna hai। abhi udne ki raphtaar chaahiye। pankh to mil gaye hain na! umang-utsaah aur himmat ke pankh sabko mile hain aur baap ka vardaan bhi hai, yaad hai vardaan? himmat ka ek kadam aapka aur hajaar kadam madad baap ki, kyonki baap ka bachchon se dil ka pyaar hai। to pyaar vaale bachchon ki baap mehnat nahin dekh sakte। muhabbat mein raho to mehnat samaapta ho jaayegi। mehnat achhi lagti hai kya? thak to gaye ho। 63 janma bhatakte, bhatakte mehnat karte thak gaye the aur baap ne apni muhabbat se bhatakne ke bajaae teen takhta ke maalik bana diya। teen takhta jaante ho? jaante kya ho lekin takhta nivaasi ho। akaaltakhta nivaasi bhi ho, baapdaada ke diltakhta nasheen bhi ho aur bhavishya vishwa raajya ke takhta nasheen bhi ho। to baapdaada sabhi bachchon ko takhta nasheen dekh rahe hain। aisa parmaatma diltakhta saare kalpa mein anubhav nahin kar sakenge। kya samajhte hain paandav? baadshaah hain? haath utha rahe hain। takhta nahin chhodna। deh bhaan mein aaye arthaat mitti mein aa gaye। yeh deh mitti hai। takhta nasheen bane to baadshaah bane।

baapdaada sabhi bachchon ke purushaartha ka chart check karte hain। chaar hi subject mein kaun-kaun kahaan tak pahuncha hai? to baapdaada ne har ek bachche ka chart check kiya ki baapdaada ne jo bhi khazaane diye hain woh sarva khazaane kahaan tak jama kiye hain? to jama ka khaata check kiya kyonki khazaane baap ne sabko ek jaise, ek jitna diya hai, koi ko kam, koi ko jyaada nahin diya hai। khazaane jama hone ki nishaani kya hai? khazaane ka to maaloom hi hai na, sabse bada khazaana hai shreshtha sankalp ka khazaana। sankalp bhi khazaana hai, to vartamaan samay bhi bahut bada khazaana hai kyonki vartamaan samay mein jo kuchh praapta karne chaahe, jo vardaan lene chaahe, jitna apne ko shreshtha banaane chaahe, utna abhi bana sakte hain। ab nahin to kab nahin। jaise sankalp ke khazaane ko vyartha ganvaana arthaat apne praaptiyon ko ganvaana। aise hi samay ke ek second ko bhi vyartha ganvaaya, saphal nahin kiya to bahut ganvaaya। saath mein gyaan ka khazaana, gunon ka khazaana, shaktiyon ka khazaana aur har aatma aur paramatma dvaara duaaon ka khazaana। sabse sahaj hai purushaartha mein “duaayen do aur duaayen lo।'' sukh do aur sukh lo, na duhkh do na duhkh lo। aise nahin ki duhkh diya nahin lekin le lo to bhi duhkhi to honge na! to duaayen do, sukh do aur sukh lo। duaayen dena aata hai? aata hai? lena bhi aata hai? jisko duaayen lena aur dena aata hai woh haath uthaao। achha - sabhi ko aata hai? achha - double foreigners ko bhi aata hai? mubaarak hai, dene aata hai lene aata hai to mubaarak hai। sabhi ko mubaarak hai, agar lene bhi aata aur dene bhi aata phir aur chaahiye kya। duaayen lete jaao duaayen dete jaao, sampanna ho jaayenge। koi bad-dua deve to kya karenge? lenge? bad-dua aapko deta hai to aap kya karenge? lenge? agar bad-dua maanon le liya to aapke andar svachchhata rahi? bad-dua to kharaab cheez hai na! aapne le li, apne andar sveekaar kar li to aapka andar svachchha to nahin raha na! agar zara bhi defect raha to perfect nahin ban sakte। agar kharaab cheez koi deve to kya aap le lenge? koi bahut sundar phal ho lekin aapko kharaab hua de deve, phal to badhiya hai phir le lenge? nahin lenge na ki kahenge achha to hai, chalo diya hai to le len। kabhi bhi koi bad-dua de to aap man mein andar dhaaran nahin karo। samajh mein aata hai yeh bad-dua hai lekin bad-dua andar dhaaran nahin karo, nahin to defect ho jaayega। to abhi yeh varsha, abhi thode din pade hain puraane varsha mein lekin apne dil mein dridh sankalp karo, abhi bhi kiski bad-dua man mein ho to nikaal do aur kal se dua denge, dua lenge। manjoor hai? pasanda hai? pasanda hai ya karna hi hai? pasanda to hai lekin jo samajhte hain karna hi hai, kuchh bhi ho jaaye, lekin karna hi hai, woh haath uthaao। karna hi hai।

jo snehi sahayogi aaj aaye hain woh haath uthaao। to jo snehi sahayogi aaye hain, baapdaada unhon ko mubaarak de rahe hain kyonki sahayogi to ho, snehi bhi ho lekin aaj ek aur kadam uthaake baap ke ghar mein va apne ghar mein aaye ho, to apne ghar mein aane ki mubaarak hai। achha jo snehi sahayogi aaye hain woh bhi samajhte hain ki duaayen denge aur lenge? samajhte ho? himmat rakhte ho? jo snehi sahayogi himmat rakhte hain, madad milegi, lamba haath uthaao। achha। phir to aap bhi sampanna ho jaayenge, mubaarak ho। achha jo godly student regular hain, chaahe brahman jeevan mein baapdaada se milne pahli baar aaye hain lekin apne ko brahman samajhte hain, regular student samajhte hain woh agar samajhte hain ki karna hi hai, woh haath uthaao। dua denge, dua lenge? karenge? teachers utha rahi hain? yeh cabin vaale nahin utha rahe hain। yeh samajhte hain ham to dete hi hain। abhi karna hi hai। kuchh bhi ho jaae, himmat rakho। dridh sankalp rakho। agar maanon kabhi bad-dua ka prabhaav pad bhi jaave na to 10 guna duaayen jyaada de karke usko khatma kar dena। ek bad-dua ke prabhaav ko 10 guna duaayen deke halka kar dena phir himmat aa jaayegi। nuksaan to apne ko hota hai na, doosra to bad-dua deke chala gaya lekin jisne bad-dua sama li, duhkhi kaun hota hai? lene vaala ya dene vaala? dene vaala bhi hota hai lekin lene vaala jyaada hota hai। dene vaala to albela hota hai।

aaj baapdaada apne dil ki vishesh aasha suna rahe hain। baapdaada ki sabhi bachchon ke prati, ek-ek bachche ke prati chaahe desh, chaahe videsh mein hain, chaahe sahayogi hain kyonki sahayogiyon ko bhi parichay to mila hai na। to jab parichay mila hai to parichay se praapti to karni chaahiye na। to baapdaada ki yahi aasha hai ki har bachcha duaayen deta rahe। duaaon ka khazaana jitna jama kar sako utna karte jaao kyonki is samay jitni duaayen ikatthi karenge, jama karenge utna hi jab aap poojya banenge to aatmaon ko duaayen de sakenge। sirf abhi duaayen aapko nahin deni hai, dvaapar se leke bhakton ko bhi duaayen deni hain। to itna duaaon ka stock jama karna hai। raaja bachche ho na! baapdaada har ek bachche ko raaja bachcha dekhte hain। kam nahin। achha।

baapdaada ki aasha underline ki? jisne ki woh haath uthaao, kar li। achha। baapdaada ne 6 maas ka hom work bhi diya hai, yaad hai? teachers ko yaad hai? lekin yeh dridh sankalp ki result ek maas ki dekhenge kyonki naya varsha to jaldi shuru hone vaala hai। 6 maas ka hom work apna hai, yeh ek maas dridh sankalp ki result dekhenge। theek hai na? teachers ek maas theek hai? paandav theek hai? achha - jo pahli baari madhuban mein pahunche hain, woh haath uthaao। bahut achha। dekho, baapdaada ko sada naye bachche bahut pyaare lagte hain। lekin naye bachche jaise vriksha hota hai na, usmein jo chhote-chhote patte nikalte hain woh chidiyon ko bahut pyaare lagte hain, aise naye-naye jo bachche hain to maaya ko bhi naye bachche bahut pyaare lagte hain isliye har ek jo naye hain, woh har roz apne naveenta ko check karna, aaj ke din apne mein kya naveenta laai? kaun sa vishesh gun, kaun si shakti apne mein vishesh dhaaran ki? to check karte rahenge, svayan ko paripakva karte rahenge to safe rahenge। amar rahenge। to amar rehna, amar pad paana hi hai। achha!

chaaron or ke bephikra baadshaahon ko, sada roohaani fakhur mein rahne vaale shreshtha aatmaon ko, sada praapta hue khajaanon ko jama khaate mein badhaane vaale teevra purushaarthi aatmaon ko, sada ek samay mein teenon prakaar ki seva karne vaale shreshtha sevaadhaari bachchon ko baap-daada ka yaadapyaar, padam-padam-padamguna yaadapyaar aur namaste।

vardaan:- sarva shaktiyon ko order pramaan apna sahayogi banaane vaale prakriti jeet bhav

sabse bade te badi daasi prakriti hai। jo bachche prakritijeet banne ka vardaan praapta kar lete hain unke order pramaan sarva shaktiyaan aur prakriti roopi daasi kaarya karti hai arthaat samay par sahayog deti hain। lekin yadi prakritijeet banne ke bajaae albelepan ki neend mein va alpakaal ki praapti ke nashe mein va vyartha sankalpon ke naach mein masta hokar apna samay gavaate ho to shaktiyaan order par kaarya nahin kar sakti isliye check karo ki pahle mukhya sankalp shakti, nirnay shakti aur sanskaar ki shakti teenon hi order mein hain?

slogan:- baapdaada ke gun gaate raho to svayan bhi gunmoorta ban jaayenge।

avyakt ishaare - “combined roop ki smriti se sada vijayi bano''

combined seva ke bina saphalta asambhav hai। aisa nahin ki jaao seva karne aur lauto to kaho maaya aa gai, mood oph ho gaya, disturb ho gaye isliye underline karo - seva mein saphalta ya seva mein vriddhi ka saadhan hai sva ki seva aur sarva ki combined seva।