Murli du jour du lundi 7 avril 2025

07-04-2025 praatahmurli om shanti "baapdaada"' madhuban

“meethe bachche - sabse achha daiveegun hai shant rehna, adhik aavaaz mein na aana, meetha bolna, tum bachche abhi talkie se movie, movie se silence mein jaate ho, isliye adhik aavaaz mein na aao''

prashn:- kis mukhya dhaarna ke aadhaar se sarva daiveegun svatah aate jaayenge?

uttar:- mukhya hai pavitrata ki dhaarna। devtaayen pavitra hain, isliye unmein daiveegun hain। is duniya mein koi mein bhi daiveegun nahin ho sakte। raavan raajya mein daiveegun kahaan se aaye। tum royal bachche abhi daiveegun dhaaran kar rahe ho।

geet:- bholenaath se niraala…

om shanti। abhi bachche samajhte hain ki bigdi ko banaane vaala ek hi hai। bhakti maarga mein anekon ke paas jaate hain। kitni teertha yaatraayen aadi karte hain। bigdi ko banaane vaala, patiton ko paavan banaane vaala to ek hi hai, sadgati daata, guide, liberator bhi woh ek hai। ab gaayan hai parantu anek manushya, anek dharma, math, panth, shaastra hone kaaran anek raaste dhoondhate rehte hain। sukh aur shanti ke liye satsangon mein jaate hain na। jo nahin jaate woh maayaavi masti mein hi masta rehte hain। yeh bhi tum bachche jaante ho ki abhi kaliyug ka ant hai। manushya yeh nahin jaante ki satayug kab hota hai? abhi kya hai? yeh to koi bachcha bhi samajh sakta hai। nai duniya mein sukh, puraani duniya mein zaroor duhkh hota hai। is puraani duniya mein anek manushya hain, anek dharma hain। tum koi ko bhi samjha sakte ho। yeh hai kaliyug, satayug past ho gaya hai। vahaan ek hi aadi sanaatan devi-devta dharma tha, aur koi dharma nahin tha। baba ne bahut baar samjhaaya hai, phir bhi samjhaate hain, jo aaye unko nai duniya aur puraani duniya ka farka dikhaana chaahiye। bhal woh kya bhi kahe, koi 10 hazaar varsha aayu kehte hain, koi 30 hazaar varsha aayu kehte hain। anek maten hain na। ab unhon ke paas to hai hi shaastron ki mat। anek shaastra, anek mat। manushyon ki mat hai na। shaastra bhi likhte to manushya hain na। devtaayen koi shaastra nahin likhte। satayug mein devi-devta dharma hota hai। unhon ko manushya bhi nahin kaha ja sakta। to jab koi mitra-sambandhi aadi milte hain to unko baith yeh sunaana chaahiye। vichaar ki baat hai। nai duniya mein kitne thode manushya hote hain। puraani duniya mein kitni vriddhi hoti hai। satayug mein sirf ek devta dharma tha। manushya bhi thode the। daiveegun hote hi hain devtaaon mein। manushyon mein nahin hote hain। tab to manushya jaakar devtaaon ke aage namaste karte hain na। devtaaon ki mahima gaate hain। jaante hain woh svargavaasi hain, ham narkavaasi kaliyugvaasi hain। manushya mein daiveegun ho na sake। koi kahe phalaane mein bahut achhe daiveegun hain! bolo - nahin, daivi-gun hote hi hain devtaaon mein kyonki woh pavitra hain। yahaan pavitra na hone kaaran koi mein daiveegun ho na saken kyonki aasuri raavan raajya hai na। naye jhaad mein daivi gun vaale devtaayen rehte hain phir jhaad puraana hota hai। raavan raajya mein daiveegun vaale ho na sake। satayug mein aadi sanaatan devi-devtaaon ka pravritti maarga tha। pravritti maarga vaalon ki hi mahima gaai hui hai। satayug mein ham pavitra devi-devta the, sannyaas maarga tha nahin। kitni points milti hain। parantu sabhi points kiski buddhi mein rah na sake। points bhool jaati hain isliye fail hote hain। daiveegun dhaaran nahin karte hain। ek hi daiveegun achha hai। jaasti koi se na bolna, meetha bolna, bahut thoda bolna chaahiye kyonki tum bachchon ko talkie se movie, movie se silence mein jaana hai। to talkie ko bahut kam karna chaahiye। jo bahut thoda dheere se bolte hain to samajhte hain yeh royal ghar ka hai। mukh se sadaiv ratna niklen।

sannyaasi athva koi bhi ho to unko nai aur puraani duniya ka contrast bataana chaahiye। satayug mein daiveegun vaale devtaayen the, woh pravritti maarga tha। tum sannyaasiyon ka dharma hi alag hai। phir bhi yeh to samajhte ho na - nai srishti satopradhaan hoti hai, abhi tamopradhaan hai। aatma tamopradhaan hoti hai to shareer bhi tamopradhaan milta hai। abhi hai hi patit duniya। sabko patit kahenge। woh hai paavan satopradhaan duniya। vahi nai duniya so ab puraani hoti hai। is samay sabhi manushya aatmaayen naastik hain, isliye hi hangaamen hain। dhani ko na jaanne ke kaaran aapas mein ladte-jhagadte rehte hain। rachayita aur rachna ko jaanne vaale ko aastik kaha jaata hai। sannyaas dharma vaale to nai duniya ko jaante hi nahin। to vahaan aate hi nahin। baap ne samjhaaya hai, abhi sab aatmaayen tamopradhaan bani hain phir sabhi aatmaon ko satopradhaan kaun banaaye? woh to baap hi bana sakte hain। satopradhaan duniya mein thode manushya hote hain। baaki sab muktidhaam mein rehte hain। brahm tatva hai, jahaan ham aatmaayen nivaas karti hain। unko kaha jaata hai brahmaanda। aatma to avinaashi hai। yeh avinaashi naatak hai, jismen sabhi aatmaon ka part hai। naatak kab shuru hua? yeh kabhi koi bata na sake। yeh anaadi drama hai na। baap ko sirf puraani duniya ko nai banaane aana padta hai। aise nahin ki baap nai srishti rachte hain। jab patit hote hain tab hi pukaarte hain, satayug mein koi pukaarte nahin। hai hi paavan duniya। raavan patit banaate hain, parampita paramatma aakar paavan banaate hain। aadha-aadha zaroor kahenge। brahma ka din aur brahma ki raat aadha-aadha hai। gyaan se din hota hai, vahaan agyaan hai nahin। bhakti maarga ko andhiyaara maarga kaha jaata hai। devtaayen punarjanma lete-lete phir andhiyaare mein aate hain isliye is seedhi mein dikhaaya hai - manushya kaise sato, rajo, tamo mein aate hain। abhi sabki jadajdeebhoot avastha hai। baap aate hain transfer karne arthaat manushya ko devta banaane। jab devta the to aasuri gun vaale manushya nahin the। abhi in aasuri gun vaalon ko phir daiveegunon vaala kaun banaaye? abhi to anek dharma, anek manushya hain। ladte-jhagadte rehte hain। satayug mein ek dharma hai to duhkh ki koi baat nahin। shaastron mein to bahut danta kathaayen hain jo janma-janmaantar padhte aaye hain। baap kehte hain yeh sab bhakti maarga ke shaastra hain, unse mujhe praapta kar nahin sakte। mujhe to svayan ek hi baar aakar sabki sadgati karni hai। aise vaapis koi ja na sake। bahut dhairya se baith samjhaana chaahiye, hangaama bhi na ho। un logon ko apna ahankaar to rehta hai na। saadhu-santon ke saath followers bhi rehte hain। jhat kah denge inko bhi brahmaakumaariyon ka jaadu laga hai। sayaane manushya jo honge woh kahenge yeh vichaar karne yogya baaten hain। mele pradarshani mein anek prakaar ke aate hain na। pradarshani aadi mein koi bhi aaye to use bade dhairya se samjhaana chaahiye। jaise baba dheeraj se samjha rahe hain। bahut zor se bolna nahin chaahiye। pradarshani mein to bahut ikatthe ho jaate hain na। phir kah dena chaahiye - aap kuchh time dekar ekaanta mein aakar samjhenge to aapko rachayita aur rachna ka raaz samjhaayenge। rachna ke aadi-madhya-ant ka gyaan rachayita baap hi samjhaate hain। baaki to sab neti-neti hi karke jaate hain। koi bhi manushya ja na sake। gyaan se sadgati ho jaati phir gyaan ki darkaar nahin hoti। yeh knowledge sivaae baap ke koi samjha na sake। samjhaane vaala koi bujurga hoga to manushya samjhenge yeh bhi anubhvi hai। zaroor satsang aadi kiya hoga। koi bachche samjhaayenge to kahenge yeh kya jaanen। to aise-aise ko bujurga ka asar pad sakta hai। baap ek hi baar aakar yeh knowledge samjhaate hain। tamopradhaan se satopradhaan banaate hain। maataayen baith unko samjhaayengi to khush honge। bolo gyaan saagar baap ne gyaan ka kalash ham maataaon ko diya hai jo ham phir auron ko dete hain। bahut namrata se bolte rehna hai। shiv hi gyaan ka saagar hai jo hamko gyaan sunaate hain। kehte hain main tum maataaon dvaara mukti-jeevanmukti ke gates kholta hoon, aur koi khol na sake। ham abhi paramatma dvaara padh rahe hain। hamko koi manushya nahin padhaate hain। gyaan ka saagar ek hi parampita paramatma hai। tum sab bhakti ke saagar ho। bhakti ki authority ho, na ki gyaan ki। gyaan ki authority ek main hi hoon। mahima bhi ek ki karte hain। vahi oonch te oonch hai। ham unko hi maante hain। woh hamko brahma tan se padhaate hain isliye brahmaakumaar-kumaariyaan gaaye hue hain। aise bahut meethe roop mein baith samjhaao। bhal kitna bhi padha hua ho। dher prashn karte hain। pahle-pahle to baap par hi nishchay karaana hai। pahle tum yeh samjho rachta baap hai va nahin। sabhi ka rachayita ek hi shivbaaba hai, vahi gyaan ka saagar hai। baap, teacher, satguru hai। pahle to yeh nishchaybuddhi ho ki rachta baap hi rachna ke aadi-madhya-ant ka gyaan dete hain। vahi hamko samjhaate hain, woh to zaroor right hi samjhaayenge। phir koi prashn uth na sake। baap aate hi hain sangam par। sirf kehte hain mujhe yaad karo to paap bhasma ho jaaen। hamaara kaam hi hai patit ko paavan banaane ka। abhi tamopradhaan duniya hai। patit-paavan baap bigar koi ko jeevanmukti mil na sake। sabhi ganga snaan karne jaate hain to patit thahre na। main to kehta nahin hoon ki ganga snaan karo। main to kehta hoon maamekam yaad karo। main tum sabhi aashikon ka maashuk hoon। sabhi ek maashuk ko yaad karte hain। rachna ka creator ek hi baap hai। woh kehte hain dehi-abhimaani ban mujhe yaad karo to is yog agni se vikarma vinaash honge। yeh yog baap abhi hi sikhlaate hain jabki puraani duniya badal rahi hai। vinaash saamne khada hai। abhi ham devta ban rahe hain। baap kitna sahaj bataate hain। baap ke saamne bhal sunte hain parantu ekras ho nahin sunte। buddhi aur aur taraph bhaagti rehti hai। bhakti mein bhi aise hota hai। saara din to vesta jaata hai baaki jo time mukrar karte hain, usmein bhi buddhi kahaan-kahaan chali jaati hai। sabka aisa haal hota hoga। maaya hai na!

koi-koi bachche baap ke saamne baithe dhyaan mein chale jaate hain, yeh bhi time vesta hua na। kamaai to nahin hui। baap to kehte hain yaad mein raho, jisse vikarma vinaash hon। dhyaan mein jaane se buddhi mein baap ki yaad nahin rehti hai। in sab baaton mein bahut ghotaala hai। tumko to aankhe banda bhi nahin karni hai। yaad mein baithna hai na। aankhen kholne se darna nahin chaahiye। aankhe khuli hon। buddhi mein maashuk hi yaad ho। aankhe banda karke baithna, yeh kaayda nahin। baap kehte hain yaad mein baitho। aise thode hi kehte hain aankhe banda karo। aankh banda kar, kaandh aise neeche kar baithenge to baba kaise dekhenge। aankhe kabhi banda nahin karni chaahiye। aankhe banda ho jaati hai to kuchh daal mein kaala hoga, aur koi ko yaad karte honge। baap to kehte hain aur koi mitra-sambandhiyon aadi ko yaad kiya to tum sachche aashik nahin thahre। sachcha aashik banenge tab hi oonch pad paayenge। mehnat saari yaad mein hai। deh-abhimaan mein baap ko bhoolte hain, phir dhakke khaate rehte hain aur bahut meetha bhi banna chaahiye। vaataavran bhi meetha ho, koi aavaaz nahin। koi bhi aaye to dekhe - baat kitni meethi karte hain। bahut silence honi chaahiye। kuchh bhi ladna-jhagadna nahin। nahin to jaise baap, teacher, guru teenon ki ninda karaate hain। woh phir pad bhi bahut kam paayenge। bachchon ko ab samajh to mili hai। baap kehte hain ham tumko padhaate hain oonch pad paane। padhkar phir auron ko padhaana hai। khud bhi samajh sakte hain, ham to koi ko sunaate nahin hain to kya pad paayenge! praja nahin banaayenge to kya banenge! yog nahin, gyaan nahin to phir zaroor padhe hue ke aage bhari dhoni padegi। apne ko dekhna chaahiye is samay naapaas hue, kam pad paaya to kalpa-kalpaantar kam pad ho jaayega। baap ka kaam hai samjhaana, nahin samjhenge to apna pad bhrashta karenge। kaise kisko samjhaana chaahiye - woh bhi baba samjhaate rehte hain। jitna thoda aur aahiste bolenge utna achha hai। baba service karne vaalon ki mahima bhi karte hain na। bahut achhi service karte hain to baba ki dil par chadhte hain। service se hi to dil par chadhenge na। yaad ki yaatra bhi zaroor chaahiye tab hi satopradhaan banenge। saja jaasti khaayenge to pad kam ho jaayega। paap bhasma nahin hote hain to saja bahut khaani padti hai, pad bhi kam ho jaata hai। usko ghaata kaha jaata hai। yeh bhi vyaapaar hai na। ghaate mein nahin jaana chaahiye। daiveegun dhaaran karo। oonch banna chaahiye। baba unnati ke liye kisma-kisma ki baaten sunaate hain, ab jo karenge so paayenge। tumko paristaani banna hai, gun bhi aise dhaaran karne hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi se bhi bahut namrata aur dheere se baatcheet karni hai। bolchaal bahut meetha ho। silence ka vaataavran ho। koi bhi aavaaz na ho tab service ki saphalta hogi।

2) sachcha-sachcha aashik ban ek maashuk ko yaad karna hai। yaad mein kabhi aankhe banda kar kaandh neeche karke nahin baithna hai। dehi-abhimaani hokar rehna hai।

vardaan:- sarva khajaanon ko sva ke prati aur auron ke prati use karne vaale akhanda mahaadaani bhav

jaise baap ka bhandaara sada chalta rehta hai, roz dete hain aise aapka bhi akhanda langar chalta rahe kyonki aapke paas gyaan ka, shaktiyon ka, khushiyon ka bharpoor bhandaara hai। ise saath mein rakhne va use karne mein koi bhi khatra nahin hai। yeh bhandaara khula hoga to chor nahin aayega। band rakhenge to chor aa jaayenge। isliye roz apne mile hue khajaanon ko dekho aur sva ke prati aur auron ke prati use karo to akhanda mahaadaani ban jaayenge।

slogan:- sune hue ko manan karo, manan karne se hi shaktishaali banenge।

avyakt ishaare - “combined roop ki smriti se sada vijayi bano''

seva aur sthiti, baap aur aap, yeh combined sthiti, combined seva karo to sada pharishte svarup ka anubhav karenge। sada baap ke saath bhi hain aur saathi bhi hai - yeh double anubhav ho। sva ki lagan mein sada saath ka anubhav karo aur seva mein sada saathi ka anubhav karo।