Murli du jour du lundi 2 février 2026

02-02-2026 praatahmurli om shanti "baapdaada"' madhuban

“shiv bhagvaanuvaach - meethe bachche, tum mujhe yaad karo aur pyaar karo kyonki main hi tumhein sada sukhi banaane aaya hoon''

prashn:- jin bachchon se gaphlat hoti rehti hai unke mukh se kaun se bol svatah nikal jaate hain?

uttar:- takdeer mein jo hoga woh mil jaayega। svarga mein to jaayenge hi। baba kehte yeh bol purushaarthi bachchon ke nahin। oonch martaba paane ka hi purushaartha karna hai। jab baap aaye hain oonch martaba dene to gaphlat mat karo।

geet:- bachpan ke din bhula na dena…

om shanti। meethe-meethe roohaani bachchon ne geet ki line ka arth samjha। abhi jeete ji tum behad ke baap ke bane ho। saara kalpa to had ke baap ke bane ho। abhi sirf tum brahman bachche behad baap ke bane ho। tum jaante ho behad ke baap se ham behad ka varsa le rahe hain। agar baap ko chhoda to behad ka varsa mil nahin sakega। bhal tum samjhaate ho parantu thode mein to koi raazi nahin hota। manushya dhan chaahte hain। dhan ke sivaae sukh nahin ho sakta। dhan bhi chaahiye, shanti bhi chaahiye, nirogi kaaya bhi chaahiye। tum bachche hi jaante ho duniya mein aaj kya hai, kal kya hona hai। vinaash to saamne khada hai। aur koi ki buddhi mein yeh baaten nahin hain। agar samjhen bhi vinaash khada hai, to bhi karna kya hai, yeh nahin samajhte। tum bachche samajhte ho kabhi bhi ladaai lag sakti hai, thodi chingaari lagi to bhambhat mach jaane mein deri nahin lagegi। bachche jaante hain yeh puraani duniya khatma hui ki hui isliye ab jaldi hi baap se varsa lena hai। baap ko sadaiv yaad karte rahenge to bahut harshit rahenge। deh-abhimaan mein aane se baap ko bhool duhkh uthaate ho। jitna baap ko yaad karenge utna behad ke baap se sukh uthaayenge। yahaan tum aaye hi ho aisa lakshmi-naaraayan banne। raaja-raani ka aur praja ka naukar chaakar banna - ismen bahut farka hai na। abhi ka purushaartha phir kalpa-kalpaantar ke liye kaayam ho jaata hai। pichhaadi mein sabko saakshaatkaar hoga - hamne kitna purushaartha kiya hai? ab bhi baap kehte hain apni avastha ko dekhte raho। meethe te meetha baba jisse svarga ka varsa milta hai, unko ham kitna yaad karte hain। tumhaara saara madaar hi yaad par hai। jitna yaad karenge utna khushi bhi rahegi। samjhenge ab nazdeek aakar pahunche hain। koi thak bhi jaate hain, pata nahin manzil kitna door hai। pahunche to mehnat bhi saphal ho। abhi jis manzil par tum ja rahe ho, duniya nahin jaanti hai। duniya ko yeh bhi pata nahin ki bhagwan kisko kaha jaata hai। kehte bhi hain bhagwan। phir kah dete thikkar-bhittar mein hai।

abhi tum bachche jaante ho ham baap ke ban chuke hain। ab baap ki hi mat par chalna hai। bhal vilaayat mein ho, vahaan rehte bhi sirf baap ko yaad karna hai। tumko shreemat milti hai। aatma tamopradhaan se satopradhaan sivaae yaad ke ho na sake। tum kehte ho baba ham aapse poora varsa lenge। jaise hamaare mama baba varsa lete hain, ham bhi purushaartha kar unki gaddi par zaroor baithenge। mama baba, raaj-raajeshvari bante hain to ham bhi banenge। imtahaan to sabke liye ek hi hai। tumko bahut thoda sikhaaya jaata hai sirf baap ko yaad karo। isko kaha jaata hai sahaj raajayog bal। tum samajhte ho yog se bahut bal milta hai। samajhte hain ham koi vikarma karenge to saza bahut khaayenge। pad bhrashta ho padenge। yaad mein hi maaya vighna daalti hai, gaaya jaata hai satguru ka nindak thaur na paaye। woh to kehte guru ka nindak..... niraakaar ka kisko pata nahin hai। gaaya bhi jaata hai bhakton ko phal dene vaala hai bhagwan। saadhu-santa aadi sab bhakta hain। bhakta hi ganga snaan karne jaate hain। bhakta bhakton ko phal thode hi denge। bhakta bhakton ko phal den to phir bhagwan ko yaad kyon karen। yeh hai hi bhakti maarga। sab bhakta hain। bhakton ko phal dene vaala hai bhagwan। aise nahin ki jaasti bhakti karne vaale thodi bhakti karne vaale ko phal denge। nahin। bhakti maana bhakti। rachna, rachna ko kaise varsa denge! varsa rachayita se hi milta hai। is samay sab hain bhakta। jab gyaan milta hai to phir bhakti khud ba khud chhoot jaati hai। gyaan jindaabaad ho jaata hai। gyaan bigar sadgati kaise hogi। sab apna hisaab-kitaab chuktu kar chale jaate hain। to ab tum bachche jaante ho vinaash saamne khada hai। uske pahle purushaartha kar baap se poora varsa lena hai।

tum jaante ho ham paavan duniya mein ja rahe hain, jo brahman banenge vahi nimitta banenge। brahma mukh vanshaavli brahman banne ke bigar tum baap se varsa le nahin sakte। baap bachchon ko rachte hi hain varsa dene ke liye। shivbaaba ke to ham hain hi। srishti rachte hain bachchon ko varsa dene liye। shareerdhaari ko hi varsa denge na। aatmaayen to oopar mein rehti hain। vahaan to varse va praalabdha ki baat hi nahin। tum abhi purushaartha kar praalabdha le rahe ho, jo duniya ko pata nahin hai। ab samay nazdeek aata ja raha hai। bombs koi rakhne ke liye nahin hain। taiyaariyaan bahut ho rahi hain। abhi baap hamko pharmaan karte hain ki mujhe yaad karo। nahin to pichhaadi mein bahut rona padega। raaj-vidya ke imtahaan mein koi naapaas hote hain to jaakar doob marte hain gusse mein। yahaan gusse ki to baat nahin। pichhaadi mein tumko saakshaatkaar bahut honge। kya-kya ham banenge woh bhi pata pad jaayega। baap ka kaam hai purushaartha karaana। bachche kehte hain baba ham karma karte hue yaad karna bhool jaate hain, koi phir kehte hain yaad karne ki phursat nahin milti hai, to baba kahenge achha samay nikaalkar yaad mein baitho। baap ko yaad karo। aapas mein jab milte ho to bhi yahi koshish karo, ham baba ko yaad karen। milkar baithne se tum yaad achha karenge, madad milegi। mool baat hai baap ko yaad karna। koi vilaayat jaate hain, vahaan bhi sirf ek baat yaad rakho। baap ki yaad se hi tum tamopradhaan se satopradhaan banenge। baap kehte hain sirf ek baat yaad karo - baap ko yaad karo। yogbal se sab paap bhasma ho jaayenge। baap kehte hain manamnaabhav। mujhe yaad karo to vishwa ka maalik banenge। mool baat ho jaati hai yaad ki। kahaan bhi jaane ki baat nahin। ghar mein raho, sirf baap ko yaad karo। pavitra nahin banenge to yaad nahin kar sakenge। aise thode hi hai sab aakar class mein padhenge। mantra liya phir bhal kahaan bhi chale jaao। satopradhaan banne ka raasta to baap ne batlaaya hi hai। yoon to centre par aane se nai-nai points sunte rahenge। agar kisi kaaran se nahin aa sakte hain, barsaat padti hai, curfew lagta hai, koi baahar nahin nikal sakte phir kya karenge? baap kehte hain koi harja nahin hai। aise nahin hai ki shiv ke mandir mein loti chadhaani hi padegi। kahaan bhi rehte tum yaad mein raho। chalte phirte yaad karo, auron ko bhi yahi kaho ki baap ko yaad karne se vikarma vinaash honge aur devta ban jaayenge। akshar hi do hain - baap rachta se hi varsa lena hai। rachta ek hi hai। woh kitna sahaj raasta bataate hain। baap ko yaad karne ka mantra mil gaya। baap kehte hain yeh bachpan bhool nahin jaana। aaj hansate ho kal rona padega, agar baap ko bhulaaya to। baap se varsa poora lena chaahiye। aise bahut hain, kehte hain svarga mein to jaayenge na, jo takdeer mein hoga... unko koi purushaarthi nahin kahenge। manushya purushaartha karte hi hain oonch martaba paane liye। ab jabki baap se oonch martaba milta hai to gaphlat kyon karni chaahiye। school mein jo nahin padhenge to padhe ke aage bhari dhoni padegi। baap ko poora yaad nahin karenge to praja mein naukar-chaakar jaakar banenge, ismen khush thode hi hona chaahiye। bachche sammukh refresh hokar jaate hain। kai baandheliyaan hain, harja nahin, ghar baithe baap ko yaad karti raho। kitna samjhaate hain maut saamne khada hai, achaanak hi ladaai shuru ho jaayegi। dekhne mein aata hai ladaai jaise ki chhidi ki chhidi। radio se bhi saara maaloom pad jaata hai। kehte hain thoda bhi gadbad kiya to ham aisa karenge। pahle se hi kah dete hain। bombs ki magroori bahut hai। baap bhi kehte hain bachche ajun yogbal mein to hoshiyaar hue nahin hain। ladaai lag jaae, aise drama anusaar hoga hi nahin। bachchon ne poora varsa hi nahin liya hai। abhi poori raajdhaani sthaapan hui nahin hai। thoda time chaahiye। purushaartha karaate rehte hain। pata nahin kis samay bhi kuchh ho jaaye, aeroplane, train gir padti। maut kitna sahaj khada hai। dharti hilti rehti hai। sabse jaasti kaam karna hai earthquake ko। yeh hile tab to saare makaan aadi giren। maut hone ke pahle baap se poora varsa lena hai isliye bahut prem se baap ko yaad karna hai। baba aapke bigar hamaara doosra koi nahin। sirf baap ko yaad karte raho। kitna sahaj reeti jaise chhote-chhote bachchon ko baith samjhaate hain। aur koi takleeph nahin deta hoon, sirf yaad karo aur kaam chita par baith jo tum jal mare ho ab gyaan chita par baith pavitra bano। tumse poochhte hain aapka uddeshya kya hai? bolo, shivbaaba jo sabka baap hai woh kehte hain maamekam yaad karo to tumhaare vikarma vinaash honge aur tum tamopradhaan se satopradhaan ban jaayenge। kaliyug mein sab tamopradhaan hain। sarva ka sadgati daata ek baap hai।

ab baap kehte hain sirf mujhe yaad karo to kat utar jaayegi। yeh itna paigaam to de sakte ho na। khud yaad karenge tab doosre ko yaad kara sakenge। khud yaad karte honge to doosre ko roochi se kahenge, nahin to dil se nahin niklega। baap samjhaate hain kahaan bhi ho jitna ho sake, sirf yaad karo। jo mile unko yahi shiksha do - maut saamne khada hai। baap kehte hain tum sab tamopradhaan patit ban pade ho। ab mujhe yaad karo, pavitra bano। aatma hi patit bani hai। satayug mein hoti hai paavan aatma। baap kehte hain yaad se hi aatma paavan banegi, aur koi upaay nahin hai। yeh paigaam sabko dete jaao to bhi bahuton ka kalyaan karenge aur koi takleeph nahin dete। sab aatmaon ko paavan banaane vaala patit-paavan baap hi hai। sabse uttam se uttam purush banaane vaala hai baap। jo poojya the vahi phir pujaari bane hain। raavan raajya mein ham pujaari bane hain, raamraajya mein poojya the। ab raavan raajya ka ant hai, ham pujaari se phir poojya bante hain - baap ko yaad karne se। auron ko bhi raasta bataana hai, budhiyon ko bhi service karni chaahiye। mitra-sambandhiyon ko bhi sandesh do। satsang, mandir aadi bhi anek prakaar ke hain। tumhaara to hai ek prakaar। sirf baap ka parichay dena hai। shivbaaba kehte hain maamekam yaad karo to tum svarga ka maalik banenge। niraakaar shivbaaba sarva ka sadgati daata baba aatmaon ko kehte hain mujhe yaad karo to tum tamopradhaan se satopradhaan ban jaayenge। yeh to sahaj hai na samjhaana। budhiya bhi service kar sakti hain। mool baat hi yeh hai। shaadi muraadi par kahaan bhi jaao, kaan mein yeh baat sunaao। geeta ka bhagwan kehte hain mujhe yaad karo। is baat ko sabhi pasanda karenge। jaasti bolne ki darkaar hi nahin hai। sirf baap ka paigaam dena hai ki baap kehte hain mujhe yaad karo। achha, aise samjho bhagwan prerna karte hain। svapna mein saakshaatkaar hote hain। aavaaz sunne mein aata hai ki baap kehte hain mujhe yaad karo to tum tamopradhaan se sato-pradhaan ban jaayenge। tum khud bhi sirf yeh chintan karte raho to beda paar ho jaayega। ham practical mein behad ke baap ke bane hain aur baap se 21 janmon ka varsa le rahe hain to khushi rahni chaahiye। baap ko bhoolne se hi takleeph hoti hai। baap kitna sahaj batlaate hain apne ko aatma samajh baap ko yaad karo to aatma satopradhaan ban jaayegi। sab samjhenge inhon ko raasta to barobar right mila hai। yeh raasta kabhi koi bata na sake। agar woh kahen shivbaaba ko yaad karo to phir saadhuon aadi ke paas kaun jaayenge। samay aisa hoga jo tum ghar se baahar bhi nahin nikal sakenge। baap ko yaad karte-karte shareer chhod denge। antakaal jo shivbaaba simre...... so phir naaraayan yoni val-val utre, lakshmi-naaraayan ki dynasty mein aayenge na। ghadi-ghadi raajaai pad paayenge। bas sirf baap ko yaad karo aur pyaar karo। yaad bigar pyaar kaise karenge। sukh milta hai tab pyaar kiya jaata hai। duhkh dene vaale ko pyaar nahin kiya jaata। baap kehte hain main tumko svarga ka maalik banaata hoon isliye mujhe pyaar karo। baap ki mat par chalna chaahiye na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) khushi mein rahne ke liye yaad ki mehnat karni hai। yaad ka bal aatma ko satopradhaan banaane vaala hai। pyaar se ek baap ko yaad karna hai।

2) oonch martaba paane ke liye padhaai par poora-poora dhyaan dena hai। aise nahin jo takdeer mein hoga, gaphlat chhod poora varse ka adhikaari banna hai।

vardaan:- had ki jimmevaariyon ko behad mein parivartan karne vaale smriti swaroop nashtomoha bhav

nashtomoha banne ke liye sirf apne smriti swaroop ko parivartan karo। moh tab aata hai jab yeh smriti rehti hai ki ham grihasthi hain, hamaara ghar, hamaara sambandh hai। ab is had ki jimmevaari ko behad ki jimmevaari mein parivartan kar do। behad ki jimmevaari nibhaayenge to had ki svatah poori ho jaayegi। lekin yadi behad ki jimmevaari ko bhool sirf had ki jimmevaari nibhaate ho to use aur hi bigaadte ho kyonki woh pharja, moh ka merge ho jaata hai isliye apne smriti swaroop ko parivartan kar nashtomoha bano।

slogan:- aisi teevra udaan bharo jo baaton roopi baadal second mein cross ho jaaen।

ye avyakt ishaare - ekta aur vishvaas ki visheshta dvaara saphalta sampanna bano

kisi bhi kaarya ki saphalta ki do shreshtha bhujaayen hainh 1- aapsi vishvaas aur 2- ekta, jahaan sangathit roop mein sabhi ki ekmat hai, aapas mein ek do ke prati vishvaas hai, vahaan saphalta gale ka haar hai। sanskaar bhinna-bhinna hain aur rahenge bhi lekin agar koi ka sanskaar takraane vaala hai to doosra taali nahin bajaave। har ek apne ko change kar le to ekta kaayam rah sakti hai।