Murli de Mamma - 016

> > mama murli madhuban

paramatma ka parichay

om shanti ।

sat hai baap, vo hi sat teacher aur sadguru, abhi yeh nasha baitha hai na achhi tarah se ki ham aise sat baap, sat teacher aur satguru jo hai, unke bane hain । unka phir koi baap, teacher, guru hai hi nahin । baaki to sab ka baap, teacher, guru hai hi । iseelie jo behad ka baap hai, uske oopar to koi nahin hai na । creator ka koi krietar nahin, to hamaara krietar, director abhi kaun hai ? woh hai, jiske oopar koi krietar, director ki baat hi nahin hai । to usse abhi practical mein sambandh hai । baaten nahin hai sirf, abhi usse practical relation yaani sambandh joda hai aur woh bhi abhi aae hain aur aa karke hamaare ko apna relation practical mein de raha hai । aur uska kehna bhi hai ki yada yada hi yaani jab-jab aisa time hota hai, tab-tab main aata hoon, to zaroor hai ki kahin se aata hai na , koi thikaane se aata hai । agar yahaan baitha hua hota omneeprejent, to ‘aata hoon kyon kehta ? aata aur jaata, usi cheej ke liye kahne mein aata hai jahaan na hai tabhi kahne mein aata hai 'aata' । agar omneeprejent hai, to phir 'aata' yeh baat banti nahin, to yeh bhi samajhne ki baaten hain na । usne bhi kaha hai ki yada yada hi dharmasya glaanirbhavti bhaarat tab tab main aata, aata kaha hai na, to aata hoon । aaenge to zaroor hai ki koi aur thikaane ka rahvaasi hai, jahaan se aate hain aur ham sab bhi kisi aur thikaane ke rahvaasi hain । ham kahaan ke rahvaasi hain ? niraakaari duniya ke । ham aatmaon ka apna nivaas sthaan hai niraakaari duniya jisko angreji mein incorporeal world kahenge । to uski maana incorporeal world mein aisa nahin hai ki khaali ek hi paramatma rehta hai । agar ek hi rehta to phir world kyon kehte । world maana usmein bahut rehte hain । world shabd aata hi tabhi hai jab bahuton ki baat ho । dekho yahaan itne manushya hain tabhi usko kahaan jaata hai manushyon ki world arthaat duniya । ek aadmi hota to phir usko duniya kehte? duniya nahin kehte na । duniya maana bahut hain to isko bhi world kehte hain, incorporeal bhi world hai । niraakaari bhi duniya hai । niraakaari ek nahin hai, niraakaari duniya hai । to koi bahut niraakaariyon ka rahne ka sthaan hai to bahut niraakaari kaun hai ? aatmaaen । to yeh bhi samajhna hai iseelie hamaara bhi thikaana udhar ka hi hai । lekin ham idhar part bajaane aate hain to ham anek janmon mein chal padte hain । woh aata hai to unko koi anek janmon mein chalne ki aavashyakta nahin । woh koi apna karmon ka shareer nahin lete hain । ham sab aatmaaen apna part apne sanskaar, karma ke hisaab se lete chalte hain aur woh jo hai, unka part phir aisa hai ki unko tempareri shareer lena hai doosre ka, apna koi karma ka shareer nahin lena hai, unka phir hisaab hi aisa hai । uska part samjho aisa hai, temprari pravesh, jisko kaha jaata hai parkaaya pravesh hote hain । isi tarah se aakar ke shareer ka aadhaar lekar ke woh bhi thode time ke liye, unko aakar ke knowledge sunaaya । aise nahin bachche ke shareer mein aave, jaise samajhte hain krishna ke chhote shareer mein to krishna ke chhotepan ke chhote shareer mein kaise baithkar sunaaega । shareer to aisa chaahiye na, jismen baith ke samjhaae to samjhaane mein bhi achha lage । dekho aata hai behad ka baap, woh baith karke bachchon ko samjhaate hain, agar chhote shareer mein aave aur kahe bachche to ye chhote shareer se shobha bhi nahin dega, shobha dega ? vo chhota shareer se kahe bachche main aaya hua hoon. ab chalna hai tumhe paramdham to shobha dega ? chhota bachcha koi yahaan agar baitha hua hai, usmein baith ke paramatma agar kahe bachche to achha lagega ? to jab vo aave to koi bujurga shareer bhi to koi thaau ka hove । jaise dress pahante ho to rehta hai na ki haan bhaai jara phiting theek chaahiye to uske bhi aatma ke mutaabik koi fit chaahiye na shareer । to zaroor koi aisa bujurga shareer ho jismen bachcha kehna achha lage । aur aate hain to hamaare saakaar mein bhi guru, teacher bante hain to kahne mein bhi usko shobha rahe aur saakaar mein bhi milne mein lage ki haan bhaai baap hai । baap to bujurga hote hain na, baaki chhote shareer mein aave aur kahe bachche to shobha bhi nahin dega । iseelie usmein kehte kaise banega iseelie baap aate hain bujurga shareer mein । to yeh sabhi cheejen baithkar ke baap samjhaate hain ki main aata hoon aur main aate hi kaam karta hoon । aisa nahin hai ki pahle chhota hoon to paalna loon peechhe baithkar ke gyaan doon, aise bhi nahin hai । nahin, main aata hoon aur aakar ke apna kaam chaalu karta hoon । mujhe aana hi kaam karne ke liye hai । mujhe koi aa karke tumhaare sadrishya maa ki paalna thodi leni hai, jo main paloon, badhoon, phir baith karke gyaan doon, yeh bhi koi baat nahin hai । mujhe kya paalna lene ki darkaar hai । tum mujhe kya paaloge, vo to baat hi nahin hai na । aise bhi nahin hai ki mujhe koi paalna leni hai ya koi maa ka doodh lena hai । aisa to nahin hai na ki pal kar ke bada hooon । main to aata hi hoon knowledge dene ke liye । knowledge dene ke liye to mujhe bas time par aana hai, knowledge dena hai aur time bhi jab mera poora hota hai main phir chala jaata hoon । aise bhi nahin ki mujhe baith hi jaana hai । iseelie kehte hain ki main aata hi usi time par hoon aur tan bhi aisa leta hoon, jismen sab baaten ho । dekho usmein anubhav. eksapeeriens aadi sab ho । samjhaana ke liye to shareer zara fit chaahiye na, jo ki samjhaane mein bhi sabhi baaten achhi lage । common bhi tum log dress pahante ho to samajhte ho jara theek lage, aise to nahin na । sabka apna dekho rasam rivaaj hai usi anusaar pahante ho na । vo bhi apne rasam anusaar pahnega na । uski rasam kaun si hai, woh bhi apne rasam ka shareer leta hai । kaun sa leta hai, woh baith karke samjhaate hain to main bhi to apni dress loonga, shareer loonga apne rasam ka, apne kaam ka karne laayak । to baithkar ke samjhaate hain ki isi tareeke se aata hoon aur aa karke ye knowledge sunaata hoon aur baithkar ke samjhaata hoon । to us aatma mein bhi kyon aata hoon so bhi baithkar ke samjhaata hoon ki us aatma ka bhi bahut janmon ka chakkar lagaaya hua hai । kaun sa ? aap logon ne ek chitra dekha hoga jismen dikhlaate hain ki vishnu ke naabhi kamal se brahma nikla hai, woh chitra bahut common hai । aajkal to uska bhi dikhlaate hain gaandhi ka । gaandhi ke naabhi se nehru nikla hai, aisa chitra rakha tha aaj kal banaae the । usmein gaandhi vishnu ki tarah se leta pada hai, uski naabhi se nehru ko nikaala tha to aajkal aise banaaye hain । to asal hai vishnu ka । phir vishnu ke naabhi kamal se brahma dikhlaate hain abhi iska bhi rahasya hai ki haan yeh vishnu so brahma, brahma so vishnu । abhi inka hi 84 janma, ye vishnu lakshmeenaaraayan kambaaind hai na to dekho ye vishnu lakshmeenaaraayan kambaaind, ye dekho janma shuru ka tha vishnu, sarvagun sampanna, 16 kala sampoorn, sampoorn nirvikaari phir janma lete lete uska last janma jo hua woh brahma । phir brahma so phir vishnu to abhi inke hi 84 janmon ka, jo manushya pahle aaya, jiska pahle pahle janma hua uska hi jo phir antim janma hai, usi mein main aata hoon । to vishnu ka jo antim janma hai main us mein aata hoon । to vishnu ka antim janma kaun sa hua brahma । vishnu so brahma, brahma so vishnu aur yeh dikhlaaya hai aur isi kaaran gaaya hai brahma ka din, brahma ki raat, geeta mein hai na, abhi vishnu ka din, vishnu ki raat nahin kaha kyonki paramatma jab aata hai, tab aata hai ant mein aur woh aata hai brahma ke shareer mein iseelie brahma ki raat kahne mein aaegi kyonki uski raat poori karke jiski poori karta hai aur jiska din chaalu karta hai to unka hi naam aaega na iseelie vishnu ka din vishnu ki raat nahin parantu brahma ka din aur brahma ki raat kyonki usmein aata hai paramatma aur aakar ke saipling lagaata hai । vishnu se saipling nahin lagti hai, saipling udhar se lagti hai brahma se iseelie jahaan se saipling lagti hai to vahaan se bataaenge na ki unki raat aur unka din jab poora hota hai tab phir main aakar ke raat ke ant mein unka raat ka ant aur din ka phir aarambh karta hoon । to yeh saari cheejen samajhne ki hain, jo baith kar ke baap samjhaate hain । to main aaoonga bhi usmein na, iseelie main brahma ke tan mein aata hoon, doosre kisi ke tan ki baat hi nahin rehti hai । main aata hoon vo vanshaavli banaane ke liye, kaun si? vishnu vaali yaani devi devtaaon ki to ek dharma ek raajya jab tha sansaar mein, to main woh devi-devta dharma sthaapan karne ke liye aata hoon na । kehte to hain geeta gaane vaale batlaate hain ki haan bhaai bhagwan aaya yada yada hi dharmasya jab adharma hua, tab aaya aur dharma sthaapan kiya । parantu kisi se agar poonchha jaae ki bhagwan ne kaun sa dharma sthaapan kiya, bata sakenge? yeh vishnu vanshaavli arthaat shri lakshmi shri naaraayan vanshaavli yeh dharma ki sthaapna paramatma ne ki, yeh koi nahin jaanta hai । unmein bhi jaake phir koi se ponchhe ki bhaai Christ ne kaun sa dharma sthaapan kiya, to Christian log bata denge ki Christ ke dvaara yeh krishchan dharma sthaapan hua । Buddhism vaale se bhi agar poonchhe to kahenge buddha ke dvaara yeh buddha dharma sthaapan hua, musalmaan bhi batla denge sabhi apne-apne dharma sthaapak ke naam se bataaenge ki unheen ke naam se yeh dharma sthaapan hua hai, lekin bhaaratvaasiyon se agar poonchha jaae ki apna dharma kaun sa hai aur svayan geeta ke bhagwan ne khud kaha hai ki jab-jab adharma hota hai tab-tab main aata hoon dharma sthaapan karne ke liye, to woh kaun sa dharma hai, uska naam kaun sa hai, bataae to sahi koi । bhaaratvaasiyon ko apne dharma ka bhi naam ka pata nahin hai । agar sunaate hain to kehte hain hindu । kisi se bhi poochhenge to kehte hain hamaara dharma hindu hai । abhi hindu koi dharma nahin hai, hindu to hindustaan mein rahne ke kaaran apne ko hindavaasi ya hindustaan mein rahne vaale samajhte hain iseelie apne ko hindu kehte hain baaki hindu koi dharma to nahin na । to yeh baaten dekho abhi baap baithkar samjhaate hain । abhi Europe desh mein rahne vaale apne ko european kehte hain, parantu european koi dharma nahin hai unse agar poochhenge ki tumhaara dharma kaunsa hai, vo yeh nahin kahenge european dharma hai woh to Europe mein rehte hain isi liye european hai, baaki dharma poochhenge to Christ ke naam par kahenge Christian dharma । (ek bhaai bola) mama yeh hindu naam jo hai european laingvej mein thaakuron ko bola jaata hai, aapne dekha hoga yeh koi dharma nahin hai । nahin, yeh jab musalmaan log aae the na tabhi, tabhi ke baad woh sab naam pade hain । unko ye phir kaaphir yeh sab jhagde jab hue the tabhi yeh sab naam pade the parantu vaastav mein yahaan koi dharma ki to baat hi nahin hai na । to vahi baith kar ke baap samjhaate hain ki yeh to yahaan ka naam ho gaya, yahaan ke rahne vaalon ka jisne bhi daala musalmaan aae, matlab pada to yahaan deshvaasiyon ke oopar na, yaani desh ke oopar hindustaan ke oopar hindustaan naam daala iseelie woh hindavaasi kahne lage । baaki woh apna koi dharma to nahin hua na iseelie baap kehte hain apna jo sanaatni asul bhaaratvaasiyon ka dharma hai woh koi jaanta nahin hai । bhaaratvaasi bhi nahin jaante hain, koi bhi jaante nahin hai । to yeh sabhi cheejen baithkar ke baap samjhaate hain to hamaara asul aadi sanaatni dharma tha devi devta vishnu kaho, devi devta lakshmi naaraayan । yeh jo raajdhaani sooryavanshi chandravanshi chali hai, ham asul devi devta the parantu aaj devi-devtaaon jaise lakshan nahin rahe hain na iseelie bechaare kahen kaise apne ko devi devta । to devi-devta kahne ka woh qualification chaahiye na । kahen devi devta aur ladte jhagadte marte maarte rehte hain yeh devi-devtaaon ke lakshan hain ? yeh to lakshan hi nahin hai na, parantu asool aisi qualification vaale aur itna hamaare mein bal tha, taakat thi, kabhi ham akaale nahin marte the, kabhi koi rog aadi nahin hota tha, yeh sabhi hamaare karma shreshthata ka hamaare paas bal tha to iseelie baap kehte hain mang aata hoon usi mein aaoonga na jo pahla pahla usi raajdhaani ka king tha । to main aata hoon to usi mein iseelie kaha hai ki vishnu so brahma aur brahma phir so vishnu ham so । vishnu kya kahega ham so aur brahma kahega ham so, ham so ham । to woh hai end ka janma yeh shuru ka janma iseelie paramatma end vaale janma mein aaega na । to abhi vishnu ka 84vaan janma kaun sa hua । vo naabhi se dikhlaata hai na. woh 84vaan last brahma aur phir brahma jaakar ke vishnu bante hain athva shri naaraayan banta hai to yeh cheejen baithkar ke baap samjhaate hain ki yeh inke hi 84 janmon ki knowledge hain । ye naabhi dikhlaate hain na, inke hi 84 janmon chakkar hai । isi chakkar mein sabhi aur dharmon ka baay plat chalta hai । jab iske janma kuchh neeche aate hain, sooryavanshi chandravanshi poore hote hain to peechhe doosre dharma maano chaalu hote hain । peechhe sabhi dharma aur inka bhi jab ant janma hota hai tabhi phir main aata hoon aur phir inke dvaara phir aa karke nai duniya ki saipling lagaata hoon to yeh bhi jaise jhaad hai na । dekho golden, silver copper yeh saara hai maano yeh naabhi hai, yeh hai brahma ki saari knowledge, vishnu so brahma oopar hai ant mein dekho oopar hai na, dekhte ho na? neeche vishnu so brahma, abhi brahma so phir vishnu, vo hai naabhi jaise baitha hai aur woh jaise ant mein । woh form doosra hai pikchar ka, ye jhaad ke soorat mein hai to yeh vishnu aur vishnu ki naabhi se woh brahma to abhi uska 84 vaan janma hai । abhi paramatma ko aana hai aakar ke knowledge dena hai । to kahaan aaega idhar thodi aaega, yeh to usko banaana hai na, aaega udhar iseelie brahma ke tan mein aate hain aur aa karke unko bhi jagaate hain । woh bhi jo 84ven janma mein patit bana hai । unko bhi paavan banaate hain, uske saath uski vanshaavli ko bhi paavan banaate hain । phir vo hi vanshaavli phir doosre janma mein jaakar ke yeh vishnu banta hai aur devi devtaaon ka sooryavanshi raaja mahaaraajaaon ka raajya banta hai to vishnu so brahma, brahma so vishnu । abhi dekho saipling ho rahi hai na, to dekho brahma idhar baitha hai na, idhar bhi baitha hai udhar bhi hai to dekho abhi yeh brahma so vishnu, vishnu so brahma । naabhi mein dikhlaaya hai, yeh idhar isi form mein samjhaaya hua hai to abhi usmein kyon aata hai kyonki inka hi to yeh last janma hai na । in sabhi baaton ko samajhne ka hai iseelie kehte hain last so fast iseelie jo last hai ekdam, kehte hain main last mein aaoonga to last manushyon mein kaun hai aur phir sabse first manushya kaun hai yaani pahla pahla aadmi ya pahla pahla manushya to satayug ka pahla to unko rakhenge aur last mein phir isko rakhenge । to last mein main aakar ke saipling lagaata hoon jisse yeh sabhi chalta hai । baaki beech mein bhi sabhi baay plaant yeh sabhi doosre dharma jo hain woh inke beech mein aate hain । dekho jab copper ej aati hai, shuru hoti hai to yeh sabhi copper ej ke baad shuru hue hain na । dekho ismen bhi lagaaya hai na, yahaan yeh nahin hai silver ej se nahin daar nikli hai, golden ej se nahin nikle hain, ye golden end silver inka hi chala hai devi devtaaon ka । phir jab devi devtaaon ka time poora hua hai unki taakat kam hui hai tab phir doosre kuchh apni-apni taakat ke copper ej mein aae hain jab maano brahma ki raat shuru hui hai । copper ej se raat shuru hui hai na, do yug din ke jab raat shuru hui abhi tab maano doosre aane lage hain phir unka bhi kuchh kuchh apna apna unki bhi dekho golden silver kopar end iron । har ek ka bhi apna-apna time hota hai । pahle unka forsa hota hai, unki taakat ka aisa prabhaav hota hai peechhe unke bhi prabhaav kam padte jaate hain । abhi sab iron aged, dekho sab kaale iron mein hain na, abhi to sab abhi iron ej hai aur unki bhi iron ej hai last iseelie kehte hain main is iron ej vaale mein aaoon ya usmein aaoon, kismen aaoon, kyonki inko daal to nahin banaana hai na, banaana hai phir ye saipling ye phaaundeshan iseelie mujhe phaaundeshan vaale mein aana padta hai to kai kehte hain ki kyon nahin, koi Christian dharma vaale mein ya koi buddha dharma vaale mein ya koi aur dharma vaale mein । aur mein kisme, kyonki yeh dharma aate hi peechhe hain to yeh jo dharma peechhe aate hain to inko peechhe vaale dharmon ko to sthaapan nahin karna hai na, unko karna hai woh pahle vaala, iseelie pahle vaale dharma ko sthaapan karne ke liye unke pahle vaale mein aana padega na soul mein । to yeh sabhi hisaab samajhne ka hai iseelie kaha hai vishnu so brahma aur brahma so vishnu, yeh hai chitra mein, dekho yeh chitra koi hamaara banaaya hua nahin hai na brahma vishnu ka । aapko batlaaya na vo dikhlaate hain kamal ke phool se aur kahaan dikhlaate bhi hain vo lakshmi baithkar ke chaapi kar rahi hai baithi aur vo vishnu uske naabhi se brahma nikla hua hai, to aisa aisa chitra dikhlaate hain parantu yeh sabhi chitrakaaron ne banaae hain । pitaashri humein sunaate hain ki jab hamne ye chitra dekha tha ki lakshmi baithe vishnu ko pair dabaati hain to kaha ye to stri jaati ka apmaan hai to mainne chitra vaalon ko kaha ki ye lakshmi ko kaat ke, jaise photo se kisi ko nikal dete hain jaise aapne lakshmi ko nikaal diya tha na, to baba kehte the ki hamne usko kaha ki lakshmi ko hata ke chitra se khaali vishnu rakh do kyonki baba bhakti maarga mein vishnu ka bhakta tha na vo to bhakti maarga mein bahuton ka hota hai na jaise kisi ka krishna mein prem kisko raam mein prem to baba ko vishnu mein bada prem tha । jabhi bhakta tha to bahut uska poojan karta tha to usko vishnu ka chitra bahut achha laga lekin lakshmi daasi bani baithi thi to vo baba ko achha nahin laga । to kaha lakshmi ko nikaal do, usko mukta kar do khaali ham ko vishnu ka photo bana kar do uska poojan karta tha । to vo bhagat vishnu ka tha dekho usko us samay to pata hi nahin tha ki main hi vishnu hoon, main hi vishnu tha abhi main hi antim janma mein aaya hoon, aur bhakti karta hoon । kehte hain jo bahut gira vo aape hi poojya aape hi pujaari dekho bana na । to unka bahut poojan karta tha । baba apna history mein sunaate hain main jaata tha apne dukaan par, train mein hota tha, kahaan unko doosri jagah jaana padta to train mein bhi uska chitra woh ,poket mein rehta tha, ghadi-ghadi dekhta tha, ghadi ghadi dekhta tha aise jaise us chitra ko jaise koi paagal dekhta hai na vaise itna prem tha usmein, parantu yeh to pata hi nahin tha ki yeh koi main hi hoon, mere hi janma ka kuchh yeh hai usko pata hi nahin tha । itna prem tha uska chitra pocket mein rakhta tha bahut vishnu ke chitra banaaen ek takiye ke neeche raat ko soe to dekh ke soe, jab khatiya par aae to ek khatiya par rakha hua hota tha, ek pocket mein rakha hota, ek dookaan par rakha hota tha to jahaan jahaan jaate vahaan vahaan vishnu ka chitra, to jahaan-jahaan jaae vahaan vishnu hi vishnu aisa to bhakta tha to yeh sabhi cheejen baithkar ke baap abhi samjhaate hain । abhi vo niraakaar paramatma baithkar ke samjhaate hain ki ye tu tha lekin bahut janma lete lete abhi tumhaara yeh last janma hai to last janma to koi doosra hoga na iseelie kehte hain uska naam pahle tha lakheeraaj peechhe jab mainne aakar ke gyaan diya edopta kiya na usko apna banaaya to mainne uska naam rakha hai brahma । brahma abhi naam pada hai nahin to vaise to saadhaaran jaise kiska kuchh naam hai to unko lakhiraaj kehte the । to yeh sabhi baaten baithkar ke baap samjhaate hain ki main iseelie unke tan mein aata hoon kyonki ye vahi aatma hai jo apne janma lete lete abhi iska ye 84vaan janma hai to usi mein aakar ke main phir sepling laga raha hoon । phir vo hi vishnu athva sooryavanshi chandravanshi raajya ke adhikaari bante hain to yeh hai apna bhaarat ka jo praacheen apna dharma tha aur ham jis dharma vaale the woh abhi saipling baap laga rahe hain iseelie kehte hain abhi jo doosre dharma hain abhi unka end aur doosre dharma vaale bhi maante hain musalmaan bhi maante hain ki hamaari chaudahveen sadi mein kayaamat hogi unka bhi abhi-abhi hisaab poora hota hai । unka 1382 ya 83 kuchh aisa time hai uske bhi 15-16 varsha hisaab hai aur Christian bhi kehte hamaari seegreegeshan 2000 varsha ki hai । ham jab hospital gae the to ek badi nurse thi । woh kuchh dharma ki knowledge ko achha jaanti thi to usne hamse bhi baat ki । hamne kaha aapka, aapke iska kitna ej hai Christianity ka? kaha 2000 varsha । mainne kaha abhi to 1964 to abhi to aapke baaki thodi varsha hain । kaha haan abhi seegreegeshan hoga unka । to woh maante hain ki hamaare is Christianity ki 2000 varsha ki aayu hai । usmein abhi us samay 1964 tha to usne kaha ki bas baaki abhi thode varsha hain to hamne kaha ki chalo phir aapki krishcheniti ka end, to phir kya hoga to usne kaha woh to god jaane, god noj । woh bechaari bahut to nahin bata saki na lekin god noj, jo god janta hai vo abhi batlaate hain ki kya khabar hai ab main bataata hoon ki krishcheniti ki bhi seegreegeshan aur musalmaanon ki bhi kayaamat aur hindu bhi to pralay maante hain na to hindu dharma ki bhi abhi pralay । phir vo hi devi devta aadi sanaatni dharma jo ek dharma aur ek raajya abhi unka apna chalne ka hai to woh baithkar ke baap samjhaate hain ki sabhi dharmon ka phir end hon hai iseelie ye destruction ki taiyaariyaan hai ki isi mein ye jo itni jansankhya itne dharma kaise nashta honge to uske liye koi bhaari destruction chaahiye na, baat bhi koi bhaari chaahiye na iseelie uski yeh sab taiyaariyaan hain jismen itni manushya srishti ki ye sankhya abhi dekho 500-550 karod ki sankhya yeh bhi nashta honi chaahiye na । kaise ho, uska koi tareeka bhi achha chaahiye na । to achha kya hoga, khaali atomic bam se bhi kaam nahin, kuchh natural calamities bhi kaam karenge iseelie baap kehte hain meri natural calamities bhi apne achhi tarah se forsa mein kaam karegi aur yeh bombsa se phir civil war ke jarie isi isi tareeke se in jansankhya ka in dharmon ka abhi nashta ho karke, abhi saath-saath phir saipling bhi laga raha hoon kyonki saipling bhi saath-saath chaahiye na । destruction ke time par hi to chaahiye । aise thodi ho jaaega peechhe se, nahin uske saath kyonki ye anaadi srishti hai na to saipling saath hi chaahiye puraane mein hi saipling chaahiye iseelie kehte hain main puraane mein, ati puraane ke time par aata hoon au abhi aata hoon to sepling ka bhi kaam chal raha hai udhar destruction ki taiyaariyaan ho rahi hai । abhi destruction bhi hoga aur saipling ka kaam bhi poora hoga aur saipling majboot ho jaaegi to destruction । iseelie geeta mein bhi hai ki mere is yagya ke bal se yeh vinaash jvaala prajvalit hoti jaaeg । jitna jitna ham taakat mein aate jaaenge gyaan aur yog ke utna utna uski power se ye vinaash jvaala prajvalit hoti jaaegi kyonki unko destruction karna hai na to usi se yeh duniya ka ant ho karke phir ye nai duniya banegi । to yeh sabhi cheejen baithkar ke baap samjhaate hain ki bachche abhi yeh time woh hai iseelie is time par apna indeevijuali kya karne ka hai yeh to hai god ka plan aur god baithkar ke samjhaate hain ki mera plan kya hai aur main kis tarah se is plan ko act mein laata hoon । usmein har ek ko indivijuali abhi kya karna hai woh indivijuali baith karke samjhaate hain ki tum bhi apne mein nai duniya ki saipling lagaao arthaat apne ko pure banaao । pure duniya ke liye to pure chaahiye na । purity ko apnaaenge tabhi pure duniya mein aaenge purity nahin apnaaenge to pure duniya mein kaise aaenge, impure thodi pure duniya mein aaega । nahin, duniya koi doosri nahin hai yahi duniya hai lekin change mein aati hai to apne mein hi change laani hai na, baaki koi duniya aur nahin duniya yahi hai lekin duniya badalti hai to badalti hai to pahle apne ko indeevijuali badalna hai na । kaise badalna hai, badalna baith karke sikhaate hain to abhi dekho ham badal rahe hain na । ham pahle badal rahe hain hamaare badalne se phir duniya badlegi to abhi kaise badalte ho, badalte ja rahe ho na । change maaloom hoti hai ki ham change hote ja rahe hain । change mein koi badi change nahin hogi, soul impyoreephaaeed se pyoreephaaeed mein soul ko aana hai to pyoreephaaeed soul banta hai iseese ham pyoreephaaeed bante jaate hain to yeh hai hamaari change । sanskaar ko change karna hai jaisa jaisa sanskaar vaisa vaisa janma milta hai । to hamko janma kis aadhaar par milta hai sanskaaron ke aadhaar se to ham pahle sanskaar bana rahe hain na apna aatma sanskaar ko leti hai banaati hai phir woh jaakar ke jaisa sanskaar vaisa janma milta hai । to hamko abhi apni aatma ke sanskaaron ko badalna hai to abhi badal rahe hain ham badal rahe hain duniya badlegi zaroor iseelie paramatma abhi baap kehte hain abhi badlo, apne ko change karo to abhi change karna hai aur change bhi change thoda change nahin thoda change to phir thode change ke hisaab se thoda beech mein aaenge chandrvanshi mein aur phir unke kam kala mein aaenge nahin to phir chandravanshi ke bhi last mein aaenge । phir jaldi puraani duniya mein jaana padega iseelie kehte hain jitna jitna apne ko kampleet banaaenge to kampleet aaenge । pahli-pahli new world nae ghar mein arthaat jab poora sukh hai tabhi aaenge to abhi kampleet change । to yeh kampleet change mein phaayda hai ki aaen bhi nai duniya mein aur phir hamko jaane mein bhi dande nahin khaane padenge dharmaraaj ke । nahin to phir hamko ant mein isi sabhi janmon ka phir apna bhogna padega sajaaen jaise svapna mein bhi dekho kai svapan aate hain na phir bahut duhkh mahsoos hota hai । samajhte hain aadmi koi mar gaya ya hamko kisi ne kashta diya usi samay hai to svapan parantu bhaasta to hai na, to isi tarah se to hamko bhi bhale shareer to abhi lena nahin hain kyonki shareeron ki to end hai kyonki abhi destruction hai to is destruction mein shareer ko naash hona hai । lekin aatma ke karmon ke hisaab ko naash karne ka kaun sa tareeka hai to phir woh phir sajaaon ke dvaara to un sajaaon se andar aatma ko peeda rahegi । jitne-jitne bure karma kie honge na vo bhogenge vo mahsoos karenge ki main bahut duhkhi hoon । isliye baap kehte hain usi duhkh se chhootne ke liye main tumko abhi gyaan yog ka bal deta hoon to woh bhi tumhaare paap nashta ho jaae । tum aatma dharmaraaj ki sajaaen bhi na khaao tumko peeda bhi na bhogna pade iseelie jaane ke samay mein bhi tum achhi tarah se sukh se jaao aur aane ke samay par bhi tum sukh mein aao । iseelie yeh tumhaara jaane aur aane ka raasta saaph karta hoon । to yeh saaph karna chaahiye na aane ki jaane ke raaste ko । to abhi jaana aur aana saaph raaste se chaahiye woh baith kar ke baap samjhaate hain । nahin to kehte hain sajaaen khaate jaaenge । phir usi se saaph hona sajaao se woh bahut kadi hai । abhi ka duhkh shareer ka bhogna aur bhi kuchh sukh ka hai kyonki abhi gyaan hai na । kuchh duhkh hota hai to kehte hain ki bhaai karma bhog hai itni uski peeda nahin hai । parantu vo sajaao ki peeda bahut kadi hai isliye baap kehte hain ki abhi uska khyaal rakhne ka hai । to isi sabhi baaton ko baithkar ke baap samjhaate hain ki inheen sabhi sajaaon se chhootna hai aur phir aana bhi ijjat se hai ise kehte hain with honour paas hona, woh hai disaonar, sajaaen to khaate jaaenge । bhaai sajaaen bhi na khaaen aur aaen bhi ham achhi stage par to yeh tab hoga jab abhi isi gyaan aur yog se ham apne paapon ko dagdha karenge to yeh hai with honour paas hona। jo with honour paas ho jaaenge vo achhi duniya mein aaenge ya pahle time mein aaenge aur jo dis honour se honge vo peechhe peechhe aaenge jaana to dekho sabko hai na, raam gayo raavan gayo jek saabu parivaar kehte hai na jaana to sabko hai aise nahin hamko bhi koi baith jaana hai । jaana to hai lekin har ek jaane ka apna hai na, ham with honour koshish kar rahe hain with honour paas ho jaae aur jo dis honour hokar ke jaaenge vo phir dis honour world mein aaenge, time par peechhe aaenge aur jo with honour jaaenge vo phir onarphuli aaenge neeche bhi peechhe onarphuli duniya mein aaenge aur vo time apna sukh ka paas karenge । to yeh saari cheejen hain jisko humein samajhna hai to world ko bhi samajhna hai apne life ke janmon ko bhi samajhna hai aur usi anusaar hamko abhi kya praapta karna hai isko jaan karke usi ka purushaartha rakhna hai to yeh sabhi baaten hain na jisko samajhna hai achhi tarah se। to gyaan ka matlab hi hai samajh। samajh ka matlab yeh nahin hai ki khaali shaastra, granth, ved baithkar ke samajhna। nahin, hamko apna knowledge, what em aai apne rachta ka knowledge hamaare sabhi janmon ka knowledge aur usmein achhe janma kaun se hain uska knowledge aur yeh sab kaise banaaen uska knowledge isko gyaan kaha jaata hai। baaki aise nahin ham vidvaan ved padhkar ke vidvaan ya shaastra padhkar shaastri bana to gyaani ho gaya, nahin gyaani meensa ham ko in cheejon ka gyaan aur practical mein usi cheej ko ham apnaaen, is ko kaha jaata hai gyaan, iseelie baap kehte hain woh practical banaana aur practical ka knowledge main deta hoon iseelie gyaan ka saagar bhi main hoon aur phir banaata bhi main hi aakar ke hoon । kaise banaata hoon, to dekho ban rahe ho na, practical dekhte ja rahe ho kaise banaata hai । ismen koi question poonchhane ki kya baat hai, kaise banaata hai, bhagwan ne duniya kaise rachi, ab dekh lo na to apne ko rachna mein la kar dekh lo kaise rachi, aise rachi। baaki aise nahin ki kabhi manushya tha hi nahin, jo baithkar ke putla banaaya । abhi dekho yeh bana rahe hain kaisa bana rahe hain aatma mein bhi purity phoonk raha hai to dekho yeh pamp kar raha hai na । to dekho isi tareeke se baaki aise nahin hava phoonki jaise usmein hava phoonkate hain saaikil mein ya motor mein koi aisa baithke to hava nahin phookna hai na jo baithke svaans phoonka । ye aise jaise abhi dekho purity phoonk rahe hain hamaare mein purity dhaarna ka de rahe hain usse ham phir purity mein aa kar ke phir apne generation isi tareeke se paate hain । to bhagwan ne duniya kaise rachi woh abhi dekho practical uski rachna mein aakar ke dekho ki bhagwan ne duniya kaise rachi । baaki kaise rachi khaali poochhne vaale to koi kahega usko ki pahle to duniya aag ka laal gola thi । pahle bandar hi bandar the phir bandar se manushya bana, phir bhagwan ne manushya ko bandar kar diya aisa manushya ko racha vaah! । pahle bandar achhe rahe to pahle bandar peechhe manushya vaah! nahin, baap kehte hain aisi baaten hi nahin hai । manushya anaadi hai । aise nahin kahenge ki manushya kabhi the hi nahin । haan, sankhya kabhi thodi hai kabhi bahut hoti hai iska diphrens padta hai । sankhya badhti hai ghatti hai iska change hota hai । change hota hai lekin manushya tha hi nahin, nahin manushya anaadi hai lekin phir usko aa karke nyoomain banaate hain to zaroor oldamain hoga usko nyoomain banaaenge na । nyoomain ka matlab hi kya hai, uska maana oldamain hai, man to zaroor hai na । khaali old hai usko new banaate hain , nyoomain ka matlab yeh nahin mainn hi nahin hai yaani manushya hi nahin hai । nahin, nyoomain ka matlab hai ki old yaani tamo pradhaan hai aur duhkhi ho gae hain, unheen ko aakar ke nyoomain banaate hain arthaat unmein nai life athva sukh ka yeh sab bharte hain । woh kaise bharte hain iseelie usko krietar kehte hain yeh saari cheejon ko samajhna hai aur isi baat ko baith kar ke baap spashta reeti se samjhaate hain to abhi samajhte ho na achhi tarah se ki paramatma kaun aur paramatma ne duniya kaise rachi । us duniya ke pahle pahle manushya kaun hain to pahli rachna jo direct usne rachi unhon ko kya kahenge brahman mukhvanshaavli jisko baithkar mukh se racha । mukh se aise nahin ki aadmi nikal aaenge, ham aise koi mukh se thodi nikal aae hain saare ke saare, nahin । ham mukh ke dvaara jo knowledge sunaaya hai usi knowledge se ham dekho prakat hue hain yaani usi samajh se gyaan se ham pyoriphaaid bane hain to ham ho gae uski mukh vanshaavli parantu kai bichaare vo brahman hai na, brahman log woh kahenge haan, ham brahma ki mukhvanshaavli । unhon se poochhenge to kahenge aisa, parantu kahenge mukh vanshaavli kaise rachi woh unko pata thodi hai kuchh bata nahin sakenge । lekin nahin, woh to ek jaat ka naam rakh diya nahin to asal mein abhi practical mein yeh ham braamhan athva brahmaniyaan hain । yeh hain prajaapita brahma isko kaha jaata hai prajaapita, yaani isi manushya dvaara baith kar ke yeh nae manushyon ki rachna karte hain । woh paramatma to niraakaar hai na । niraakaar bhi rachega to woh manushya srishti rachta hai to manushya ke through hi to rachega na । to through brahma vo baith kar ke dekho rachna isi tarah se baith kar ke ham braahmanon ko phir so devta banaate hain । to brahma so vishnu to ham bhi brahman so devta । vishnu vansh mein aaenge na । vishnu kul mein aaenge, devi devta pad paaenge to brahma so vishnu ham bhi phir brahman so devta । isi tareeke se fee devi-devtaaon pad pa karke rahenge phir sada sukh paaenge to abhi aise laayak banna hai aur apna aisa purushaartha karna hai । kehte hain paramatma jaani jaananhaar hai to jo jaani jaankaar hai vahi to hamko sab jaan pahchaan sunaaege na । jaani jaananhaar ka matlab kai aise samajhte hain woh jaante hain ki uske andar kya chal raha hai, kya bekri yaad hai ya dukaan yaad hai ya kya yaad hai woh read kare । woh thought reader thodi hai woh khaali baithkar thought read karega, usse kya । aise to thought readers bahut hai thought read karte hain iske andar kya thought hai, vo ek knowledge hai, vidya hai jo vo bhi seekhte phir vo thought read kar sakte hain aise bahut hain parantu vo koi thought reader nahin hai । god ki jo mahima hai to iska matlab yeh nahin ki vo thought read karta hain । koi chor hai usko andar chori ka khyaal chal raha hai, main abhi jaaunga, aisa chori karoonga, to kya hai usko agar kisi ne jaana । agar bhagwan jaanta hai iske andar mein yeh chal raha hai to usse phaayda kya hua, to kya chor to chori kar leta hai । jaante bhi woh to kar raha hai na, khuni khoon kar raha hai aur phir woh jaanta hai, woh jaanta hai, aise hi muphta ka vo jaanta rahe aur chor chori karta rahe to uski jaanne se phaayda hi kya hua । uske jaanne ka to koi mahatva hi nahin hua na । nahin, uske jaanne se koi mahatvata ka kartavya hua ho tabhi to kahen bhaai vo jaani jaananhaar hai vo baat usi par hai ki vo hamaari saari karmagti ko jaanta hai ki tum kahaan the oonche aur kahaan se gire ho vo hamaare isi karmagti ko jaanta hai । khud baithkar samjhaata hai aur phir ham ko ooncha banaata hai iseelie usko kehte hain, dekho vo hamaari oonchi stage ko jaanta hai aur kehte hain ki tum kaise ho oonchi stage par chadho to hamko dekho, abhi chadha raha hai na । to hamaare ko kuchh ooncha uthaaya hai tabhi to uska naam hai, baaki ham chori karte rahe, ham paap karte rahe aur woh jaanta hai, to jaanta hai to apne ghar mein rakhe jaankar, hamaara kya phaayda hua । hamko kuchh phaayda diya hua hota tab to ham uski mahima kare na । to ham uski mahima karte hain isi aadhaar par ki woh hamaari giraavat aur hamaari chadhaavat donon ko jaanta hai iseelie abhi aa karke hamko chadhaata hai । hamaare karmon ko shreshtha banaata hai iseelie usne baithkar ke ham ko uthaaya hai tabhi ham uski mahima karte hain aur kehte hain ki dekho yeh hamaari jaanne vaala hai aur tab ham mahila karte hain tu jaani jaannaahaar hai tu aisa hai tu aisa hai । kiski bhi stuti karte hain to kabhi usne kuchh kiya hai tabhi na, parantu khaali stuti nahin karne ka baap kehte hain ki abhi stuti karte-karte, pata nahin hai khaali stuti karte ho na, usse kya hua abhi dekho pata bhi padta hai aur abhi phir dekho practical mein aao to practical mein jo tum eksans mein aaenge usse mera show karenge to bachche hain to bachchon ka kaam hai practical mein baap ka show karna kehte hain na san shows father stoodent shows master to abhi ba kehte hain ki abhi mera show karo apni padhaai se aur apna follow kar karke, follow karo father ko achhi tarah se to isse mera show karenge bhaai bachcha kiska hai koi bachcha achha kaam karta hai to kehte hain yeh kiska bachcha hai bachcha aisa hai to baap kya hoga to automatic baap ki show ho jaati hai na to stuti ho gai na woh kehte hain ki meri stuti aise karo practical mein baaki aise nahin tu aisa, tu aisa, main paapi, tu aisa aisa, main neeche, main kapti, main daas aadi apne ko neeche kehna aur uski khali mahima hi karna, usse kya hua । agyaan mein bhi agar koi bachcha ho na, kahe mera baap bahut achha achha, main to bahut khuni hoon, daaku hoon aisa hoon, baap ke saamne baith kar ke khaali baap ki stuti karen aur apne ko aisa kahe to baap kya kahega, naalaayak bachcha tu meri ijjat ganvaate ho, nahin kahega ? to kahega ekdam, to baap bhi kehte hain tum khaali meri aise hi stuti karte ho, isse kya hua । aisi stuti se phaayda hi kya । tu practical mein ekshans ko sudhaar, prektikal mein apni activity ko theek kar to usse phir meri stuti aape hi hogi tumko karne ki darkaar nahin hai । tumhaare activity se sab kahenge ki haan bhaai ye kiska bachcha hai, kisne padhaaya isko, yeh kaun hai, isko kisne sikhaaya to usse apne aap hoga, khaali kahne ki kya baat hai । to yeh sab baap baith ke abhi prektikal mein samjhaate hain aur kehte hain ki abhi practical apne mein aisi change le aao, to phir duniya bhi change rahegi, samjha abhi, in baaton ko samajhte ho na achhi tarah se । achha abhi aaj sande hai, haan isko bichaare ko toli de do । to aisa baap jo behad ka baap hai, woh baith karke abhi hamko yeh knowledge de raha hai । to aise baap se aisi knowledge ko dhaaran karke aur apne ko ham bhi to dekho master knowledgeful, woh hamaare father hai knowledgeful aur ham hain master knowledgeful, master bachche ko kaha jaata hai, to ham hain master knowledgeful to ham bhi koi kam thodi hi hai । hamko bhi abhi baap ne baithkar ke jo knowledge di hai usse hamaari aankh khul gai hai to ham bhi abhi master knowledgeful bane hain aur phir bane hain to hamko bhi isi gyaan se apna poora adhikaar paane ka aur paakar ke sada sukh ko praapta karna hai ham apne sukh ke liye hi to karte hain na । sukh kahaan se hota hai kaise hoga is baaton se duhkh hai manushya bichaare jaante hi nahin hain । khaali duhkh hota hai to duhkhi hokar ke rota hai ya chillaata hai ya he bhagwan, he bhagwan aise-aise pukaarta hai । yeh bichaare jaante nahin hai itna ki khaali he bhagwan kahne se to kuchh nahin hai na । duhkh kahaan se hua, kis baat se hua uska gyaan hona chaahiye na । abhi dekho apne saath roshni hai ki ye paanch vikaar hain, vikaaron ke kaaran hamaare karma jo hai bure hue hain aur buraai ke kaaran hamaara duhkh bana hai । abhi duhkh hamko hota hai jabhi rog hota hai, koi akaale marta hai, ladaai jhagde hote hain, nirdhanta hoti hai yeh sabhi baaten hamko duhkh deti hain । abhi yeh duhkh ki baaten hamaari bani kahaan se, ham nirdhani kahaan se bane ya hamaare mein rog kahaan se aaya, kisne banaaya, kya bhagwan ne banaaya? nahin, hamne apne bure karmon mein banaaya । to abhi hamko knowledge hona chaahiye ki ham bure karma mein na karen, jisse hamaara rog bane । to rog banaane vaala athva nirdhani apne ko banaane vaala, akaale mrityu mein aane vaala, ham apne ko aape hi apne ko banaaya । yeh bhagwan ne nahin diya hai woh kai samajhte hain bhagwan ne rog bhi bhagwan ne diya hai, yeh sab bhagwan karte hain, yeh sab to bhagwan ke oopar dosh hai । bhagwan kehte hain main bachchon ko duhkhi thode hi karoonga । main kaise । laukik baap bhi hota hai na, to kabhi bachchon ko duhkhi rakhne ka khyaal bhi nahin karta । aap pita ho, aap apne bachchon ko kabhi duhkh dene ka sonchate ho haan main isko duhkh doonga aisa karoonga, kabhi khyaal karte ho? kabhi nahin । jab aap laukik pita bhi nahin karte ho to woh to paarlaukik pita hai । yeh to mahima hi karte ho tu sada sukh daata, tu duhkhaharta sukhkarta, mahima karte ho na । aise thodi kehte ho he bhagwan tu duhkhakarta, tu sukhkarta kabhi mahima karte ho aise? kabhi nahin karte ho । aap usko kehte ho duhkhaharta, harne vaala hai tabhi to duhkh mein usko yaad karte ho na । agar duhkh dene vaala ho to yaad kyon karte ho । aise thodi hai duhkh deta ho to usko kahen tu duhkhaharta nahin, duhkh hamne apni bhool se, apne vikaaronvash ho karke banaaya isliye baap kehte hain, ab inheen sabhi baaton ko samajh karke in vikaaron ka sang chhodo to phir tumhaare duhkh chhoot jaaenge samjha । to abhi usse kaise chhooten, uska upaay kya hai iseelie kehte hain duhkh chhudaane vaala tu duhkhaharta kyonki uski tarkeeb tum batlaate ho, tumhaare paas uski tarkeeb hai । ham to phans gae, abhi usse ham chhooten kaise ho vo tarkeeb tum hi jaante ho, god noj iseelie kehte hain tum jaante ho । uski sachchi-sachchi baat tum bataaenge । kehte hain god is truth, bhaai tum uski sachchi baaten kya hai, woh yathaartha tum bataaenge । abhi bataao to ham chhooten usse iseelie ham yaad karte hain usko । to abhi baap aaya hai, batlaate hain ki kis tarah se tum in dukhon se chhuto aur apne ko sukhi banaao woh baith karke samjha rahe hain । to abhi banna chaahiye na, seekhna chaahiye aur sada sukh paana chaahiye, samjha । aati hai kuchh samajh mein baaten ? achha । abhi bahut samajhdaar bante jaate ho na, to abhi samajhdaar, ham samajhdaar baap ke samajhdaar bante hain to samajhdaar khaali aisa nahin samajhdaar bane hain parantu samajhdaar ke oopar bahut rispaansibiliti hai । jitne bachche bade hote hain to rispaansibiliti aati hai sar par to abhi rispaansibal rehna hai । kaunsi rispaansibiliti ki ham bane hain to abhi doosre ko bhi banaana hai aur aise nahin ki ban karke bhi unse koi bhool hoti hai na to uske oopar aur dand padta hai । samajhdaar koi bura kaam karta hai na to kehte hain abhi tum itna achha samajhdaar tumne aisa kaam kiya to uske oopar aur hi mehnat padegi iseelie samajhdaar bante ho to koi buri baat phir karne ki nahin hai । agar karen to phir uske oopar nailat yaani uski saja bhaari ho jaaengi, double ho jaaegi । pahle single thi abhi double hogi iseelie sambhalna hai to inheen sabhi baaton ko achhi tarah se samajhte ab chalo । achha aisa baap aur daada, abhi dekha na abhi baapdaada ko samajhte jaate ho na achhi tarah se, to baap daada aur maa ki meethe-meethe bahut achhe samajhdaar bachchon prati yaad pyaar aur good morning । achha abhi toli do । kaun dega? achha । aaj karuna ko tarna nahin milta hai na, sande ka hi milta hai to khilaao । badi thaali hai to uthaane ki mehnat hai । shiv baba ko yaad karte ho? pahle to yaad nahin tha । thanks kya karni hai, kitni thanks karenge, bataao । yaad karo aur yaad karte, dete jaao aur drishti bhi dete jaao maano yaad karaate jaao । dekho apna yog kaisa hai? attention dekho jaise kisi ko kaha jaata na attention, jo drill teacher hote hain to kehte hain attention । attention kahaan? attention kahaan ? aise nahin attention hamaare mein , budhhi baap ki yaad mein, attention । to attention, to yeh bhi apna yog mein bithaate hain to attention khinchavaane ke liye, usmein aankhe band nahin, attention ho aur aankhen kyon band karen, andar thodi kuchh dekhne ka hai । band nahin, khula । to apne sab kaayde, kabhi ubaasi nahin dena, kabhi-kabhi class mein baithe-baithe koi ubaasi dete hain na, to samajhte hain shaayad yeh padhne mein susta hai । jo is padhaai bhi chusta hote hain na woh kabhi ubaasi nahin lete । school mein bachcha jaae aur ubaasi dete rahe to kya kahenge usko yeh susta hai, nahin chusta, yeh padhaai ka hai to padhaai mein bade chusta rehna chaahiye aur kabhi jhuthke nahin, woh neend ke jhutke, ismen to aankhen khul jaani chaahiye । padhaai hai na, knowledge hai to aankhen khul jaani chaahiye aur ubaasi bhi nahin, yeh bhi nahin, yeh bhi sabhi jaise dance karta hai । hamaare baba hamaare paas madhuban mein aaenge na to kisi ne ubaasi de di class ke samay to kahenge ki yeh koi kaam ka nahin hai, isko kamaai ka shauk nahin hai khaali khaane vaala hai aise hi, kamaai karke nahin jaane ka hai । jo kamaai vaale hain uski to neend khul jaati hai aur susti vusti chali jaati hai to ham batla dete hain ki phir aaenge udhar to phir achhi tarah se sab manners aur sab baaten dhyaan mein rakhni hain । roohaani manners aur ye sabhi baaten apne ko oonchi-oonchi utha deti hain na aur royal manners rakhne hain, abhi ham bahut royal bante hain । abhi baap padhaane vaala hamko baap, ham kis ke student hain, koi aise vaise common teacher ke nahin hain, hamaara teacher world almighty authority hai, knowledge full god ham kehte hain । to abhi jab ham uske student hai to ham ko kitna nasha hona chaahiye aur is padhaai ki status kitni oonchi hai to aisi leni chaahiye na । sabko diya ? koi bhoola hai, koi bhoola ho to haath uthaae । kyon ismen hamko chane vane nahin diya hai daadi ne । daadi ke chane khalaas ho gae । daadi degra thoda banaati hai, achha, ham thoda de dete hain, daadi… daadi kya haal tera hua aaj? apna le aai hai, abhi usko chalne vaala dena hoga । kuchh to hamesha jyaada banaana chaahiye, jyaada cheej hoe phir din hai na to kaam mein aa jaaenge । peechhe bachega to kaam mein aaega bhaai raat ka hai to doosre din khaane mein jara ho jaata hai । bacha to bhi kya hua phir doosri baar khaana hai kya hai ismen । jyaada bana liya to kya, badi dil karni chaahiye, chhoti dil nahin । dekho, hamko bada baap mila hai na, achha! nahin bechaari mehnat kari hai, chhota degra banaaya hai, bada bada banaane mein vo jara bada- bada karna padta hai na, ghumaana padta hai । hamaare paas madhuban mein to dekho paune chaar sau ikatthe rehte the । paune chaar sau ka khaana ikattha, to unke liye kitna chadhaana padta, chaaval chadhaana pade to dekho kitna aur paune chaar sau ka chaaval kitna banega bataao aur daal chadhaane ke liye kitna to itne-itne itne-itne, tava itna maani roti pakaane ka, jismen das-das baarah-baarah roti aae phir woh thoda jaldi-jaldi pakaae aise, to woh practice hain na । in bichaaro ko bade bade thaanv se banaane ki practice nahin hai na । to chhote thaanv mein do jani baithti hai aur khaana banaane ki practice hai । nahin to bade-bade ki to thak jaae । aur banaana hai apne haath se । udhar to vo beemaar pad jaaega vo hard worker ka । vo dekho hamaari ek hi bhandaari hai shuru se chali aati hai, bholi aaenge na madhuban, ham dikhlaaenge, yahaan pahle hirdya thi parantu yeh bhi madadgaar thi bahut samay se, bahut samay se chali aai hai । abhi tak bhi chalti rehti hai aur itna itna deg banaati hai uska roj ka kaam hai jaise ghar mein shaadi hoti hai na, shaadi mein bade-bade thaanv mein banaae to hamaare paas roj shaadi । baba kehte hamko bahut kanyaaen hai, in sab ki shaadi karaani hai na shivbaaba se । uske saath usko sagaai to hamaare paas roj shaadi hai । roj ham sabki sagaai karaate hain shiv baba se, usse apna connection tod diya hai woh uska hathiyaala baandhate hain, roj uska buddhi lagaao, buddhi baandhana usse ya haanth baandhana to haanth aisa nahin baandhana, uska to haath hi nahin hai na to baandhana hai buddhi to isliye buddhi ka connection jutaana hai to ham to roj shaadiyaan karte hain bachchon ki buddhi lagaao, buddhi lagaao, buddhi ka hathiyaala baandhate hain, hamaare paas roj shaadi to roj degiyaan chadhti hain iseelie dekho apna roj shaadiyaan । abhi yeh sachchi ismen se kabhi hamaara koi duhkh nahin । shaadi maana shaadmaana shaadi maana duhkh ka thodi । woh to bichaari jaati hai vikaaron mein girti hai phir usko kehte hain haneemoon । haneemoon hai, haneemoon maana vikaar mein girna aur paap ka bhaagi banna usko thodi haneemoon kahenge । haneemoon to dekho vo devtaaen the jinka sach-sach pavitrata ke bal se santaan paida karte the । unki santaan pavitrata ke bal se iseelie to unhon ke paas kabhi koi duhkh akaal mrityu ye sab nahin tha । abhi to hai hi vikaaron se । yeh hai bhogbal ki duniya, woh hai yog bal ki duniya, pavitra duniya । achha khaao ।