Murli de Mamma - 020

> > mama murli madhuban

vinaash se pahle poora varsa lene ki vidhi or bhagwan ki shreemat kya hai

bachchon ke liye sukh shanti ki duniya banaaoonga, to woh to apne vaaydon ko poora karne ka part baja raha hai, aikta kar raha hai ki aaya hai aur bachchon ke liye sukh shanti ki duniya banaane ka kaam chaalu kiya hai । kiya hai na kaam chaalu । aur dukh ashaanti ki duniya ko naash karne ka bhi kaam chaalu kiya hai। dikhaai padte hain achhi tarah se? chaaron or najar phira karke dekho achhi tarah se ki duniya ki haalaat bhi kandeeshan bhi abhi saaf hai ki ye duniya abhi duhkh ashaanti ki or ja rahi hai aur isko hi kaha jaaega dharma glaani ka sama । duniya aisa nahin samajhti hai woh samajhti hai kalayug to abhi bachcha hai। abhi to isko bahut hajaaron laakhon varsha pade hain javaan hoga , buddha hoga , abhi to aur iski aayu hai। parantu nahin, yeh unki last stage hai baaki kuchh thode samay ki hai yeh abhi apan jaante hain । to iseelie to baap kehte hain ki manushyon ne ek-do ki buddhi ko mere se aur mere kartavya se ki main kis time aa karke ye kaam karta hoon usse buddhi ko door hata diya hai। aur main aa kar ke phir apni sabhi baaton ka apna, apne kartavya ka aur apne time ka sab batlaata hoon ki bachche bahut kaal nahin hai abhi, samay bahut nahin hai । abhi bachcha nahin hai kalayug, abhi buddha hai। iski aayu abhi poore hone par hai । isko abhi kaha jaaega jadajdeebhoot avastha। manushya srishti roopi vriksha jo hai woh abhi jadajdeebhoot avastha ko praapta hua hai। abhi jadajdeebhoot avastha vaale ki to mrityu ki stage hai na। iseelie abhi vo time aaya hua hai tab to yeh mrityu ke liye taiyaariyaan hai na । aise thodi hai ki yeh cheejen koi bahut hajaaron laakhon varsha chalti rahengi। aaj vo cheejen bhi bani hai na agar koi cheejon se bhi andaaj lagaae na ki yeh cheejen koi ab se laakho varsha tak rakhi rahen aur yeh laakho baras tak rahne ki cheejen ho, aisa hai hi nahin। yeh cheejen apna kaam karke hi rahengi । isliye aaj jo itne atomic bomb haaidrojan bomb yeh misaail yeh sabhi cheejen jo bani hai ye cheejen hi aisi kisma ki hain ki agar aisa samjhe ki aaj se laakhon varsha tak karodon varsha ya aur bhi aage tak rakhi rahen aur chalti rahe aur iski invention aise hi badhti rahe to badhti kya khaali invention badhti rahe to usse kya isko khaami karna hai na। cheej to aa gai hai baahar। kaise duniya ka naash ho ab iske upaay khojne ki to koi darkaar nahin। abhi woh cheej to aa gai hai baaki kaam mein laani hai। thodi eksaperiment jo bhi hai uski woh abhi kar rahe hain thoda refine । dekho hiroshima mein trial ki na। yeh trial ki to dekha ki ismen bahut bichaare manushya beemaar pad gae , rogi ho gaya hai phir usko hospital mein abhi tak bhi koi koi beemaar pade hain to samajhte hain । nahin to aise ho jaae to jaldi se ho jaae sab, par phir beemaaron ko kaun sambhaalega । uske liye bhi phir hospitals doctors chaahiye na । yeh to aisa chaahiye ki ekdam khatma, jo peechhe ye bhi na rahe jinke liye bechaaron ko kuchh unke liye ilaaj ka rakhna pade। to vo refine kar rahe hain aur abhi refine hota hi ja raha hai aur samajhte hain aaj aisi cheejen koi itne laakhon karodon varsha thodi hi chalengi aur sankhya se bhi ham andaaja laga sakte hain yeh sankhya badhti ja rahi hai । to aisa nahin hai ki sankhya bhi badhti hi rahegi। badhte badhte aakhir end bhi to aani chaahiye na । aur dekho sankhya ki speed bichaare khud bhi sambhaal nahin pa rahe hain । samajhte hain aise badhte jaae to woh bichaare nahin samajh pa rahe hain ki kis tarah se in ko sambhaala ja sakega । to yeh sabhi baaten dikha rahi hai yeh maamle abhi-abhi kriet hote ja rahe hain na jor se to yeh sab itna kaise hoga to abhi yeh sab haalaat dikhaai padte hain । aise mat samjho koi idhar bhi koi aisa na ho ki samjhe ki nahin abhi to kaaphi time pada hai jaise doosre vikaar mein pade hain to aisa nahin। ab time bahut nikat aata ja raha hai iseelie is samay ko poori tarah se samajhte aur duniya ki haalaat aur yeh kandeeshan abhi aasaar bhi chinha jisko kahenge abhi dikhaai de rahe hain। yeh duniya ke ant ka samay hai। aur aise bhi nahin hai ki yeh manushya srishti ka chakkar koi arbon varshon ka chala hua hai । agar arbon varsha ka hota na to aaj pata nahin kitni sankhya hoti। yeh to kehte hain abhi yeh Christ aaya na , Christ ko dekho 1965 hua abhi to woh kehte hain Christ ke before yaani aage us samay laakhon ke andaaj mein world ki sensas thi । sensas bhi lete hain na kitne varshon se duniya ki kitni sensas rahi। to woh batlaate hain ki Christ se pahle duniya ki sensas bahut thodi thi laakhon mein ginte the । to Christ ki pahle ki itni thi abhi 2000 varsha mein abhi jaakar ke karodon mein lagi hai agar yeh arbon varshon ka hota to hisaab lagaane ki baat hai ki kitni honi chaahiye । phir to itna jitna time hua hai itne time ke andaaj ke anusaar to bahut sankhya badh jaati , pata nahin kya ho jaata , abhi hi khaane ke liye bechaare tang ho gae hain to tab to na maaloom kya ho jaata। to aise nahin hai ki yeh chakkar koi arbon varshon ka chala aaya hai । yeh hai hi 5000 varsha ka jo baithkar ke baap samjhaate hain ki 2000 varsha mein bhi yeh Christ ke pahle ki baat hai 2020 mein jab itni sankhya karodon ke andaaj mein aa chuki hai to sochne ki baat hai agar yeh arbon aur laakhon varshon ka kalpa hota to kya hota abhi baithne ki jagah tak kam pad gai hai khaane ke liye tang pad gae hain abhi har baaton mein tang pad gae hain । na maaloom abhi kitni sankhya aur aage hoti to aise nahin hai yeh 5000 varsha ka hi chakkar hai aur history bhi hamko koi itni arbon varshon ki ya karodon varshon ki koi history bhi nahin milengi aur hai hi nahin history । bas aage mein achhe se achhe manushyon ki history yeh devtaaon ki milti hai aur devtaaon ke time ko agar ginte hain to bhi 5000 varsha ki baat hai baaki iske aage koi doosri duniya thi ya aise kahin kuchh na kuchh apna samajhte hain par aisi baat hi nahin hai। agar aage ki aage history bhi lenge to yeh devtaaon ki milegi aur devtaaon ki life se hi pata lagta hai ki pahle life sansaar ki oonchi thi। yeh jo kai samajhte hain ki pahle life neeche thi aur abhi phir yeh civilized duniya hoti gai hai to yeh abhi duniya bahut oonchi chadhi hai to yeh aise nahin hai । woh aage duniya oonchi thi jismen sansaar sukhi thi, kabhi rog nahin, kabhi akaale mrityu nahin, yeh sabhi baaten thi hi nahin, to usko hi to ooncha kahenge na jismen manushya ever healthy, ever velthi, ever happy the। to yeh sabhi cheejen baithkar ke baap samjhaate hain iseelie kehte hain bachche abhi phir se vo time aa raha hai । iseelie aise nahin samjho ki yeh duniya koi bahut kaal ka hai। nahin, 5000 varsha ka hai abhi uska time bhi aa karke poora hua hai। to duniya nahin jaanti hai, na iske shuru ka time, na is ke ant ka time । vo shuru samajhte hain to bhi pata nahin kitne arbon laakhon karodon varshon mein le gae hai । koi shuru samajhte hain to bhi samajhte hain pata nahin koi janaavar pahle the। bandaron se phir manushya hue hain ya koi kaise samajhte hain koi kaise jaise jisko aaya । to na is srishti ke aadi ko jaante hain na madhya ko jaante hain। ant hi nahin jaana to uski biography saari kaise yeh vriddhi ko paati hai yeh manushya nahin jaan sakte। iski aadi aur iska ant main aa karke bataata hoon। iseelie baap baith karke samjha rahe hain bachche saari srishti ka rachta to main hoon na to main hi jaan sakta hoon ki inki shuruaat aur ant kaise hota hai aur madhya mein yeh kaise hoti hai, sabhi dharmon ka aana shuru tabhi se hota hai in sabhi cheejon ko main jaanta hoon isliye baap kehte hain bachche jo jaanta hai vahi to samjhaaega na । agar mere paas koi aur adhik manushya se samajh na hoti to phir mujhe kyon kehte ki woh knowledgeful, phir to kaho sab knowledge full hain। to mujhe kyon aage rakhte ho, meri mahima kyon sabse shreshtha karte ho tu gyaan ka saagar hai, tu hi patit ko paavan karne vaala hai, tu hi aisa hai, tu hi aisa hai, meri mahima karte ho, kyon karte ho। zaroor mere paas adhik hai । tum manushyon se main adhik jaanta hoon। jo baat tum nahin jaante ho woh main jaanta hoon tabhi to kehte hain na ham nahin jaante tum jaante ho aur baap ne bhi kaha hai arjun ko kaha hai na tumhaare sabhi janmon ko main jaanta hoon। arjun ko bhi geeta mein kaha tum nahin apne janmon ko jaante ho, janma -maran mein aane vaale tum ho lekin tum nahin jaante ho main tumhaare sabhi janmon ko jaanta hoon kyonki main janma maran mein nahin aane vaala hoon, to jo nahin aane vaala hai vahi to jaanega na, baaki tu to aane vaala hi hai janma maran mein to jo janmega marega woh kaise jaanega। nahin usko to chakkar mein neeche hi chalna hai । use to bhool jaata hai na। isliye baap kehte hain bachche tum to bhool hi jaate ho aur tumko bhoolna hi hai kyonki tumko chakkar mein chalna hai। main chakkar mein hi nahin aata hoon to main bhoolta bhi nahin hoon isliye mere paas knowledge sabki rehti hai ki sabhi kaise-kaise nambarvaar, kaun kaun sa dharma pahle peechhe nambarvaar yeh sabhi kaise aate hain in sab baaton ko main jaanta hoon। iseelie baap kehte hain bachche jo jaanega vahi batlaaega na । zaroor mere paas jaankaari hai in cheejon ki tabhi mujhe kehte ho gyaan ka saagar, shanti ka saagar, sukh ka saagar । in cheejon se main aakar ke sukh shanti batlaata hoon aur deta hoon iseelie mera gaayan karte ho । to yeh sabhi cheejon ko samajhna hai na iseelie baap kehte hain gaphlat mein nahin rehna hai। duniya to gaphlat mein hai aur ham bhi pahle gaphlat mein the। aisa nahin hai ki ham koi oopar se aae hain ham bhi yahaan ke hi aise hi the । jaise abhi duniya samajhti hai ham bhi aise hi samajhte the pahle । lekin abhi jab baap ne roshni di hain to abhi usi roshni ke aadhaar se jaante hain yathaartha baaton ko । to abhi jab baap yathaartha baaton ko suna raha hai to uske oopar attention dena hai । sunte aur samajhte bhi aur phir gaphlat mein rehna yeh to phir mahaamoorkha vaali baat batlaai na, moorkha bhi nahin mahaamoorkha। to aisa nahin banna hai ki samajhte jaante aur phir ham, moorkha to the hi parantu abhi samajhte bhi agar moorkha raha to usko kahenge mahaamoorkha। to aisa to nahin banne ka hai na iseelie aise mahaamoorkha athva jaante samajhte apna na kuchh karna iseelie baap kehte hain bachche in sabhi baaton ko achhi tarah se samajhte apna purushaartha rakhte raho kyonki time abhi thoda hai iseelie thode mein bhi thoda hota ja raha hai। jitne jitne din katte hain utna utna jaise manushya hota hai na bhakti maarga mein bhi misaal dete hain ki manushya samajhta hai ki main bada hota jaata hoon parantu yeh nahin jaante hain ki aayu kam hoti jaati hai। yeh bhakti maarga main bhi misaal hote hain woh samajhte hain main bachche se bada hua, bade se abhi buddha hooonga woh samajhte hain main bada hota jaata hoon parantu yeh nahin samajhte hain ki aayu kam hoti jaati hain to chhota hota jaata hai yaani aayu kam padti jaati hai। to bhakti maarga mein bhi misaal dete hain ki dekho manushya kitne moorkha hai। woh samajhte hain ki main bada hota jaata hoon parantu yeh nahin samajhte hain ki aayu chhoti hoti jaati hai । jitna bada hota jaaega to aayu chhoti hoti jaaegi na। to isi tarah se yeh bhi baap baithkar ke samjhaate hain ki bachche jitne din beette ja rahe hain, time thoda rehta ja raha hai to aise nahin samajhna ki abhi bahut time pada hai । din to katte ja rahe hain na, samay beetta ja raha hai iseelie aise samay ka poora-poora khabardaar rehna hai aur saavdhaan rehna hai aur us vinaash se pahle koi apna hi na vinaash ho jaae to bhi chhota padega na। to khyaal rakhna hai ki jitna jitna ham apne jeevan mein bana rahe hain, itna preepeyar rehna hai ki bhale aaj saans nikal jaae to apne ko dekhna hai ki main ready hoon । aisa hai ki mainne kuchh kamaai kar li hai, main jaaoon abhi, abhi mera svaans nikal jaae to mere paas kya hai, mainne kamaai ka stock kya jama kiya hai to apna stock sambhaalo। abhi svaans nikal jaae to mere paas kya hai, main kya le jaaoonga kyonki abhi aise to nahin hai na ki maroonga phir janma loonga phir bada ho karke phir thoda gyaan loonga, itna time nahin hai iseelie baap kehte hain abhi lena hai to is jeevan mein lena hai । aise bhi nahin hai abhi marega phir kahaan janmega to bhi zaroor thoda bada ho pandrah-solah baras ka jab thoda gyaan achhi tarah se sun sake, samajh sake nahin to chhota bachcha hoga woh kya samajh sakega । to abhi itne baras thodi hain aa karke gyaan le phir usko dhaaran kare phir itna karmaateet avastha banaae, to mehnat chaahiye na । hamko bhi dekho 28 baras lete ho gaya hai gyaan mein tabhi bhi kehte hain abhi bhi purushaartha karte hain purushaarthi hain । to dekho mehnat hai na, kuchh to mehnat hai jismen hamko 28 baras lagte bhi abhi kehte hain purushaartha karte hain । to phir lag kar ke bhi time chaahiye na, aise thodi bas aaya ek din mein chal padega । nahin, usmein bhi phir time chaahiye, apni karmaateet avastha banaae jo paapon ka bojha hai aatma par bahut janmon ka usko saaph karna to abhi itna to time nahin raha hai na ki woh mare phir janma leve phir bada hove phir aave phir itna time dekar ke gyaan leve phir apni karmaateet avastha banaave itna time kahaan hai? itna samay nahin hai iseelie baat kehte hain ki ye antim janma hai । yeh last janma hai tumhaare gyaan lene ka to ismen tumko pripeyar rehna hai ki kahin us vinaash ke pahle mera hi vinaash ho jaae to mere jeevan mein itna stock hai ki main jaaoon to apna jo baap se poora lene ka adhikaar hai woh pa loonga । to paane ka to abhi samay ho gaya na, iseelie baap kehte hain bachche yeh lene ka yeh antim janma hai iseelie purushaartha apna achha karo aur achhi tarah se purushaartha mein dhyaan dekar ke baap se jo apna adhikaar paane ka hai woh paao । to usmein achhi tarah se karo, gaphlat mein nahin aao । gaphlat mein duniya padi hai parantu baap ne to hamko abhi sujaag kiya hai na, jagaaya hai, aankh kholi hai, to hamko thodi phir neend mein soe rehna hai । ham jaage hain to jaakar ke baap se poora poora adhikaar, iseelie baap kehte hain ki bachche jo jaage ho, jisko baith jagaaya hai jinki aankh khuli hai abhi, teesra netra jinhonne dhaaran kiya hai, jinke paas yeh sab roshni hai unko bahut khabardaar rehna hai aur aisa ko to khabardaar rehna hi chaahiye to yeh sabhi baaton ko achhi tarah se samajhte aur apna purushaartha achha rakho to achhe purushaartha ka phal bhi zaroor achha hi paaenge । karega achha paaega nahin, aisa kabhi hoga? nahin । achha karega achha paaega, bura karta hai to bura hi paaega to abhi achchhaai aur buraai ka gyaan to buddhi mein achha hai na । buraai kisko kehte hain, achchhaai kisko kehte hain inki saari abhi roshni hai iseelie ab buraaiyon ko nikaalo aur achchhaai uski jagah par rakho । purified karo । dekho kal gaye the na to dekha bhaai water pyooreephaai kaise kiya jaata hai । paani ko saaph karna to woh water ko saaph karna ho gaya, yeh soul pyoreephaaeed karna hai । pahla to soul chaahiye na । vahaan dekho impyoreephaaeed water se jeevaanu jaaenge, bhaai manushya beemaar padenge tabhi to paani ko saaph karke hamko peene ke liye abhi kaam mein lagaane ke liye milta hai । to dekho saaph karte hain na, agar ganda hi paani aa jaae to phir beemaar pad jaae iseelie unko saaph karne ka dekho kitni masheenen, kitni stepsa karte hain, kitne stejis se paani ko nikalte hain, iska paani ismen phir ismen ka ismen phir uska paani doosre mein aise vo saaph karte hain । to yeh bhi sab hamaari bhi stage hai na, to baap kehte hain yeh soul ko bhi purified karna hai, ganda nahin chalega, usse kaam nahin banega । to isko purified karo । abhi uski machinery kaun si hai - yeh gyaan aur yog । bada easy, iske liye dekho kuchh kharcha hai ? us paani ke liye dekho unhon ko kitna kharcha lagaana padta hai iske liye koi kharcha hai? bigar kharche cheej milti hai, jisse hamaari sab purified hoga । takhta bhi purified ho jaaega prithvi, jal, agni sab । takhta aadi bhi order mein aa jaaega sab kuchh । aisi cheej baap hamko de raha hai bina kharche । to dekho bina kharcha aur bina koi bahut bhaari mehnat nahin hai, lekin aisi easy cheej aur baap de raha hai jisse jad se hamaari soul purified hone se hamaara sab kuchh pyooreephaayar ho jaaega to aisi cheej lene mein kyon itni dheele pade ho, kya sasti mili hai bahut tabhi? kehte hain na, koi bahut badi cheej hoti hai jo kehte hain bhaai bahut oonchi hai, woh koi bahut saste mein mil jaae to value nahin rehti hai । to yahaan bhi shaayad bahut easy mila hai na to tabhi shaayad value nahin dete ho iseelie dheele-dhaale aur susta lazy aur aise chalte hain jaise ki bhagwan ko garaj hai, inko garaj hi nahin hai, aise chalte hain । aise nahin chalna hai, nahin, hamaari garaj hai na । to apni garaj ko poorn reeti se chalaana chaahiye ki yeh hamaare liye hai iseelie bahut easy mili hai na, parantu nahin yeh bhale baap hai na to baap bachchon se kya mehnat karaaega । doosron ne to bahut mehnat ke raaste batlaae lekin hona phir bhi usse kuchh nahin tha । woh to faaltu yaani phaaltu ka matlab yeh nahin, maana jo cheej lene ki hai usmein phaaltu, baaki thoda bahut phir bhi eeshvar ke prati karte the na, to bhagwan kehte mere prati ulti bhi karte ho na kuchh mehnat to bhi uska phal de deta hoon alpakaal ke liye । uska vyartha nahin jaata hai, bhale ulte bhi karte the, hanumaan ko bhagwan samjha to bhi theek phir bhi bhagwan samjha na । chalo, phir uska bhi de deta hoon kuchh na kuchh manokaamna poorn kar deta hoon parantu jo yathaartha gati sadgati praapti hai woh nahin deta hoon । woh to mere dvaara milegi na uske liye to jo yathaartha purushaartha hoga, uske liye to chaahiye poora paapon ka dagdha । to poore paapon ka naash karne ke liye pahle mere se jab bal lenge tabhi to tum gati sadgati ko paaenge na । uske liye to chaahiye poori pyoreephikeshan, to poora purified chaahiye na । to poora purified to sivaay mere gyaan aur yog ke ban nahin sakte iseelie mujhe banaane ke liye aana padta hai । to iseelie baap kehte hain poori poori baaton ko samajh kar ke abhi uska purushaartha rakho aur usse apni soul ko purified karo । to soul ko polish karo, koi kuchh kehte hain koi kuchh kehte hain lekin hai kaise karen kaise vapo tarkeeb sivaay ek ke aur koi nahin bataaega । bhale kehte bahut hai ki soul ko purified ya kai to kehte hain soul to hai hi nyaari, lep chhep nahin lagta hai uske oopar । aur lagta hi to saara lep chhep uske oopar hi । aise thodi hai ki soul ke oopar na lagta ho to soul kyon bhogti hai, bhogti to aatma hai na । aatma hi to ek shareer chhodkar ke doosre shareer mein jaati hai na to kaun bhogti hai । risposibal jo hai vahi to jaata hai na । agar aatma rispaansibal nahin hai to phir shareer jaae na, phir aatma kyon jaati hai, phir to shareer ko jaana chaahiye । to yeh sabhi cheejen baithkar ke baap samjhaate hain iseelie kehte hain bachche in sab baaton ko achhi tarah se samajh karke aur baap se apna poora-poora janmasiddha adhikaar le lo । aur abhi time hai, abhi na liya to abhi khoya maana sada ke liye khoya । drama mein iski noondh hi nahin rahegi na to aisa mat karo । ab ka khoya maana sada ke liye khoya aur ab ka paaya maana sada ke liye paaya । kalpa-kalpa paate rahenge । to aise paane ke liye poora purushaartha rakhkar ke baap se apna janmasiddha adhikaar paane ka poora purushaartha rakhna hai । achha, aaj to guruvaar bhi hai aur hamaare bhi jaane ka aaj ka hi din hai, kal to chale jaane ka vidaai ka din hoga, chhutti lene ka । aaj last de hai, kal jaane ka din ginti mein aaega । dekho hamaare lene vaala bhi aaya hai poone se, to abhi sangam ho gaya na, le jaane vaale aur aap logon se chhutti lene vaale, to abhi sangam par pahunch gae hain jaane aane ke sangam par । abhi vahaan phir pune vaalon ke yahaan aane ki taiyaariyaan hain yahaan jaane ki taiyaari hai, dekho yahi to aana aur jaana, srishti ke niyam ka chakkar hai । yeh sab hai had ki baaten, woh hai behad ka aana jaana । to abhi ham aatmaon ko bhi yeh chakkar poora karke abhi apne behad baap ke ghar ko jaana hai usi ka dhyaan rakhna । iseelie baap kehte hain bachche usko khyaal rakhte apna purushaartha rakho । achha jisko baithna hai baitho । vichaaron ko chhutti to nahin hai isliye time par chhodna achha hai । aise behad baap se apna poora poora varsa paane ka poora purushaartha rakho । aur achhi tarah se baap se jo kuchh mil raha hai usi khajaane se pocket bharte jaao । yeh pocket nahin, ye pocket, to is pocket ko bharo । jitna bharenge utna yeh pocket chalega, yeh pocket nahin chalega, yeh pocket to chhodna hoga । iseelie baap kehte hain yeh pocket jo man buddhi sahit aatma hai, aatma man buddhi ke to saath mein hi rahega na to usmein jo bharenge woh le jaaenge । to agar bharna hai pocket mein to buddhi roopi pocket mein bharo sanskaar। to sanskaar to aatma le jaati hai na । buddhi se kya banta hai sanskaar। jo jo ham karte hain uska sanskaar banta hai। to aatma sanskaar sahit hai to woh jaati hai apne sanskaar le jaati hai। to agar hamko pocket bhar kar jaana hai to pocket sanskaar se, shuddh sanskaar to usse ham jitna bharenge woh hamaara pocket chalega । to ham tan ko, man ko, dhan ko bharkar le ja sakte hain parantu dhan aise nahin koi nae paise haanth mein chalenge, nahin, parantu uska ham jo karenge vo apne kartavya se woh bharte hain। dekho koi saahookaar ke ghar mein janma leta hai, to haath mein to dhan nahin lekar aata hai na । lekin aise ghar mein janma usko milta hai । lekin woh kaise le aaya, agle janma mein kuchh achha kaam kiya hai, karmon ka to dekho dhan le aaya na । vo apna hak le aaya na । usko aise ghar mein janma milta hai to dhan uska pahle se hi taiyaar hai । le aata hai to le aae na parantu aise seedha nahin lekar aata hai haanth mein paise lekin woh karmon se apna banaate hain । to ham bhi apne karmon ko shreshtha karte hain to apne tan man dhan ko purified leve । to kahaan ? nai duniya mein, sukh ki duniya mein । to yeh sabhi kyonki is puraani duniya mein lene mein dhan mein maja nahin hai । abhi dhan vaalon ka haal poochho na iseelie kehte hain is duniya ka hamko dhan bhi nahin chaahiye, is duniya ka hamko martaba bhi nahin chaahiye is duniya ka hamko kuchh bhi nahin chaahiye। is duniya se to hamaari dil bhar gai hai । ham kehte hain hamko mile to nai duniya mein, jismen maja ho na, aanand ho, khushi ho aur sab kuchh paane mein mauj ho । dhan bhi ho to mauj ka ho na, shareer bhi ho to phir mauj ka, aise nahin shareer ko to phir rogi ho, dhan ho to kit-kit ho, aisi koi baat hi, nahin ho sab sukh, iseelie abhi uska purushaartha rakh rahe hain । to aise purushaartha mein apne ko achhi tarah se rakhte aur apne ko aage badhaate chalo । achha, chalo, chalo sabki yaad pyaar bhi dena aur hamaari yaad pyaar vidaai lena, theek । chalo, chalo ke baba ke paas । yeh bechaari ko prem aata hai ki aaj mama ke saath hamaara antim mulaakaat hai । koi baat thodi hi hai, ham to mile hain na abhi । abhi to mile hain, abhi vidaai thodi hoti hai hamaari । hamaari vidaai thodi hai । vidaai hui thi pahle, ham ek do se bichhad gae the, abhi to mile hain । dekho kahaan-kahaan se, yeh kahaan ka, woh kahaan ka, ham jaante hain aapko? dekho koi hai kalpa pahle ka sambandh tabhi to dekho aakar ke mile ho na, yeh baap se hak lene ke liye ab aae ho । to yeh milan abhi thodi khatma hoga, yeh milan abhi janma-janma ka chalne ka hai kyonki yeh ab ham baap se hak le rahe hain na vo apne praalabdha mein phir milkar bhaagenge, to abhi usi mein ham status oonchi paaen, uska abhi ye purushaartha rakhna hai । to abhi to hamaara milan hua hai na abhi vidaai thodi hoti hai । abhi to vidaai poori hui, vidaai ho gai thi, ham chhoot gae the ek do se, koi kahaan, koi kahaan, koi kahaan, abhi to mile hain to abhi ham koi bichhadte thodi hain । vidaai nahin hai hamaari, abhi milan hi milan hai । sabhi milkar rahenge । is janma mein mile hain anek janmon ke sambandh mein milte rahenge iseelie apna milna hi milna hai samjha । achha chalo baba ke paas, baba kahega ye dekho kya, achha shaabaash , chalo bhaago, (record baja- ikmaat sahaayak bandhu sakha) baba ko yaad karo । koi dehdhaari ko thodi yaad karna hai baba ko yaad karo । ye baba ke dhan ko yaad rakhti hai bechaari, samajhti hai na haan baba ka khajaana, hamko baba mama se khajaana milta hai, to khajaane ka lobh to sabko rehta hai na । yeh to bada khajaana hai । isse to ham bade saahookaar bante hain । jismaani, roohaani donon taakat milti hai lekin khajaana to phir dekho murliyon mein aap logon ko milta hai lekin woh hai thoda thoda paarukha ho jaata hai, woh director taste aur hota hai sunne ka aur woh jaise roti pakaai jaae taaji-taaji khaai jaae, usi samay nikle aur use khaaen to garam-garam ka svaad achha hota hai aur phir roti ko thoda rakh do to woh paarooti ho jaati hai to woh aapko murli mein daal ke likh kar ke bhejte hain vo jara paaruti hoke aati to paarooti ka svaad aur taazi ka svaad ka pharka to hota hi hai, itna pharka to zaroor padta hai lekin haan phir bhi jo taste lene vaale hain, taaji khaane vaale, bhaagna, chale aana, taaji roti khaane ke liye vahaan, usi se nikle usi samay khaao, garam garam । aur bata dena koi aae mama ka kal hai programme anusaar, sab samaachaar to apne aap hi sunaana chaahiye, chalo! achha aisa baap daada aur maa ke meethe-meethe bahut achhe sapoot sayaane aur samajhdaar bachchon ko yaad pyaar aur good morning ।

________________________________________