Murli de Mamma - gyan-sitar-02

१२.१२.५८

pavitrata ka sambandh karmayog se hai, mukti se shreshtha karmayog hai

sabhi manushyaatmaayen dharma-adharma, sukh-duhkh, gyaan-agyaan, right-rang— yeh shabd to kehti hain। parantu iski asli knowledge kya hai, isse anjaan hain। dharma ki sthaapna va adharma ka vinaash karne paramatma ko aana padta hai। yeh vinaash, sthaapna ka kartavya ek paramatma hi kar sakta hai। jabki yeh kaam paramatma hi karte hain to zaroor dharma-adharma, gyaan-agyaan ko jaanne vaala bhi woh hoga।

srishti ke niyam anusaar ham jaante hain ki karmon ke aadhaar par hi srishti ka chakra bana hua hai। aatma ko karmon mein aana hai। karma anaadi hi hai। isliye paramatma ne bhi karma-yog ko siddha kiya hai। unko jaanna hai। us asli shreshtha karma ko na jaanne ke kaaran hi viyog ho gaya hai, gire padte hain। paramatma ne aakar ke shreshtha karma karna sikhaaya hai। saari srishti par dharma sthaapna kar adharma vinaash kiya, woh bhi karma se na । aur vahi karma sthaapna kiye jisse saari srishti pavitra-sukh-shaantimay bani । paramatma ne siddha kiya karmayog ko, na ki karma sannyaas ko । right aur rang karma ki knowledge honi chaahiye । yeh jo kehte hain ki mukta ho jaana achha hai, phir to karma ki baat hi nahin hai । bhagwan ne to karmayog sikhaaya hai ki is part mein hote in karmon ke aadhaar se manushyon ki aisi sarvottam avastha rah sakti hai । saari manushya srishti ki hi baat hai । agar mukti shreshtha hoti to paramatma karmayog ko shreshtha kyon rakhta ?

phir to kehte – karma-akarma se jo nyaari cheez hai vahi praapta karni chaahiye । paramatma ne to raajayog siddha kiya hai। paramatma ke sab mahaavaakya pravritti ko hi siddha karte hain । is rachna mein woh pravritti kaisi chaahiye jismen pavitrata, sukh aur shanti ho ? 'pavitrata' shabd hi karmayog ke saath taaluk rakhta hai । aise nahin ki mukta ho jaane ko pavitrata kaha jaata hai । vahaan to na pavitrata hai, na apvitrata hai । aatma aai hi hai is karmakshetra par part bajaane ।

karmayog, pravritti – ye manushya srishti ki baat hai । baaki mukta to sab honge hi । paramatma ne manushyon ko hi samjhaaya hai ki kaise pavitra, apvitra bane hain ? manushya srishti ke khel par hi yeh shabd hai । dharma-adharma akshar hi part ke saath hain । samajhte hain – kaise part mein hote pravritti ko pavitra rakho । karmon ki hi baat hain । aatma sadaiv nyaari bhi nahin rah sakti hai । manushya ke liye hi purushaartha hai – apni pravritti ko pavitra banaana । mukta ho jaae to phir khel ki baat hi nahin isliye paramatma ne bhi karmayog ko shreshtha kiya hai । shreshtha karmon se praarabdha bhi shreshtha banti hai । shreshtha karma is sahaj gyaan aur sahaj yog se hi bante hai । yeh hai antim janma। karmabandhan ki jo pravritti hai usse hamko hisaab-kitaab chuktu karna hai, badalna hai । is janma ke liye hi kehte hain – pavitra bano । phir to rahoge bhi practical pavitra jeevan mein। duniya pavitra chali hai na । unho ke yaadgaar kaayam hai । sab kuchh pravritti chali hui hai । nirvikaarta gaai hui hai । nahin to pavitra-apvitra shabd den hi nahin। amar srishti ka niyam hi hai vikaar mein jaana to phir apvitrata akshar kyon kaha hai ? yeh samajhne ki baat hai। ab ham woh purushaartha karte hain jisse pavitra pravritti bane।

ab karmaateet avastha dhaaran karni hai। woh duniya hi is duniya se nyaari hai। woh nyaari duniya paramatma dvaara hi rachi jaati hai। manushya samajhte hain--jaise is manushya srishti ki vriddhi hoti aai hain aise hi hoti rahegi। paramatma kehte hain-- main jo pavitra srishti rachta hoon, usmein praarabdha bhi main abhi deta hoon। nirvikaareepne se hi srishti ki vriddhi hoti hai। vahaan vikaar ki baat hi nahin rehti। pavitrata ke aadhaar se srishti ki vriddhi chali hai। paramatma anaadi pravritti, anaadi karma ko siddha karte hain। yeh hai hi karmakshetra। achhe aur bure karma ko jaanna hai। puraane karmabandhan se chhootna hai, isliye ham purushaartha kar rahe hain। phir to hai hi praarabdha। phir yeh prashn nahin uthega ki srishti ki vriddhi kaise hogi, srishti pavitra kaise rahegi ? woh to rachayita hi jaante hain na। paramatma ne kaha hai— yeh vikram hai। vikram se srishti ki jo vriddhi hoti hai unka nateeja to dekh rahe hain। paramatma ki tarkeeb zaroor nyaari hogi na। duniya vaalon ki buddhi mein yeh sankalp bhi nahin aa sakta ki aisi bhi duniya ban sakti hai।

baap samajhte hain— meri srishti hi pavitra hai। vahaan karma, akarma hote hain। tamoguni buddhi to yeh mahsoos nahin kar sakti ki pavitra pravritti kaise chali hai। part se nyaara hona, woh koi stage nahin hai। pravritti ki srishti hi oonch gai hui hai। yeh samajhna manushyon ke liye mushkil ho gaya hai। tab to girte aae hain। duhkh ka hisaab-kitaab duhkh taraf kheenchata hai, sukh ka hisaab-kitaab sukh taraf kheenchata hai। yeh contrast samajhna hai। srishti ke vriddhi ki to ab baat hi nahin hai। ab to vaapas lautna hai। karmabandhan se chhootne ke liye poori pavitrata dhaaran karni hai।