Murli de Mamma - gyan-sitar-18

Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.

Comment est produit le Hinglish ?

Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.

Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.

Exemples d’écriture courante
HindiHinglish
आत्माaatma
शान्तिshanti
मैंmain
हूँhoon

29/4/1959

yaad ka aadhaar gyaan hai, saakshaatkaar nahin

abhi ham aatmaon ko paramatma ke dvaara paroksha aur aproksha saakshaatkaar hota ja raha hai। apni aatma ke svadarshan - chakra ka pata padta ja raha hai। aatma ke pate ke saath, paramatma ka bhi pata aa jaata hai। isko kaha jaata hai aatma ko sva ka saakshaatkaar। yeh hai chakra। aatma aadi-madhya-ant ka chakra kaise lagaati hai, woh knowledge se bhi jaante aur saakshaatkaar dvaara bhi। jo anubhvi hain woh kah sakte hain – knowledge se jaan sakte hain ki aatma kaise apna chakra lagaati hai। bhal saakshaatkaar ho bhi parantu knowledge nahin hai to saakshaatkaar koi kaam ka nahin hai। mukhya hai knowledge par। isliye yeh aash bhi nahin rakhna ki jab saakshaatkaar ho tab ham lakshya ko pakad saken ।

yaad ka tailuk gyaan se hai। gyaan se hi ham unke saare karttavya ko jaante hain। to ham jaanne se hi yaad kar sakte hain। aise nahin, sirf saakshaatkaar mein dekhkar us moorta ka dhyaan karna hai। uski buddhi mein knowledge chaahiye । jitna aatma-paramatma ki knowledge poora buddhi mein baithti jaayegi utna yaad svatah rahegi । dekhne ka aadhaar yaad se nahin hai। dhyaan lagaane ki baat nahin। jitna knowledge buddhi mein ghoomegi utna woh yaad kheenchegi। dhyaan mein jaane ki baat hi nahin। saara svadarshan - chakra ghumaana hai। aatma ko apna knowledge bhi rehta hai, paramatma ka bhi karttavya, occupation buddhi mein rehta hai। to yeh hai hi buddhiyog । jitni knowledge ki dhaarna utna yaad ki sthiti kaayam rahegi। bigar knowledge sirf dekhne se kuchh nahin hoga।

bahuton ko rehta hai – ham jyotirbindu paramatma ka saakshaatkaar karen to buddhiyog mein sahaj baithega । ham jaante hain - woh hamaara baap, teacher, guru hai। unke karttavya sahit saara occupation hamaari buddhi mein hai । yeh knowledge nahin hogi to yaad rahegi nahin । saakshaatkaar se connection nahin। mukhya hai gyaan । yaad athva yog bhi tab badhta hai jab knowledge buddhi mein ghoomti hai। knowledge buddhi mein hai to yaad kheenchati rahegi। yaad ko kheenchana hai knowledge ki taakat se । saara raaj buddhi mein ghoomta rahega । usko hi svadarshan chakra kaha jaata hai । knowledge se hi yeh chakra ghoomega । tailak iska hai hi knowledge se । tab aatma-paramatma ka saakshaatkaar ho hi jaata hai। to saara madaar hai gyaan par। bhal saakshaatkaar hota hai, theek hai, parantu koi jaruri nahin। hamaari unnati gyaan aur yog se hoti hai। hamaare paas poori knowledge hai।

samajh na hone se woh cheej jaise dekhi na dekhi। hamko soorat par dhyaan nahin lagaana hai। unki yaad mein knowledge ki hi darkaar rehti hai। buddhi unke saath jutaani hai jo gyaan ka saagar hai। kaha hi jaata hai buddhiyog ।