Murli de Mamma - gyan-sitar-38

२५.९.६२

baap ki aagya hai - apvitrata ke khaate ko samaapta kar pavitra bano aur banaao

om shanti। bhakta bhagwan ki shukriya gaate hain। parantu shukriya kahne ki to baat hi nahin hai। hamko to ab bhagwan baap practical mein mila hai, unki ham santaan bane hain। to varsa paane ka yatna (purushaartha) karna hai। hamko jo unka pharmaan aur aagya hai, us par kadam-kadam chalna hai। jaise sapoot bachche baap ki aagya ka paalan karte hain। aagya bhi kaunsi hai? pavitra rahkar pavitra banaao। pavitrata ko bhi ham jaante hain ki pavitrata kitne tak hai ? jaise apvitrata hamko gahraai mein le gai hai jisse karma ka khaata bhi aise hi ban gaya hai।

ab phir us apvitrata ke khaate ko kaatna hai। paanch vikaar jo karmon mein chale gaye hain unko nikaalna hai। vikaaron ko sirf chhodna nahin hai, parantu unse jo khaata ban chuka hai unko bhi saaph karna hai।

vikaaron ne saara apna bana liya hai। vikaaron ka raajya hai। usko paltaana hai। sirf brahmacharya ka paalan karna - yeh koi badi baat nahin। parantu un vikaaron se jo khaata bana hai unko khatma karna hai। sanyaasi bhal chhodkar gaye lekin pichhla vikarmon ka khaata unko chhodta nahin। bhal jo karte hain unka ujoora milta hai - jo janma lekar phir bhi sanyaasiyon ke sang mein chale jaate hain। parantu naate ko kaatte nahin hain। woh to phir bhi vikaariyon ke paas janma lete rehte hain।

parantu ab to ham baap dvaara karmo ki gati ko jaante hain। hamko double kaam karna hai। bhavishya ka bhi aisa khaata banaana hai jo pichhle karma ka kuchh rahe nahin। ek taraph banaana bhi hai aur phir pichhle bane hue ko bhi saaph bhi karna hai। hamaari praalabdha iseelie oonchi hai। isliye is purushaartha mein samay lagta hai। parantu sarva samartha baap mila hai to sab sahaj kar deta hai। baap kehte hain ki meri yaad mein raho। yaad se bhi bal milta hai, pavitrata se bhi bal milta hai। phir jo kuchh milta hai woh daan bhi karna hai। to daan se bhi bal milta hai। is prakaar bal ko jama karna hai। aur phir jitna ham practical mein in sab baaton ko laayenge to yeh hui unki shukriya। baaki mahima ki to koi baat nahin hai। mahima bhi karttavya ke oopar hai। usne aisa ooncha part bajaaya hai। woh apna karttavya karte hue baap, baap hai। aise nahin ki ham bhi woh karttavya karte hain to ham bhi baap ho gaye। nahin। bhal apne karma se ham oonche bante hain। baaki manushya to in baaton mein moonjhe hain। unke gun aur karttavya ko hi mila diya hai। aise nahin ki woh kab bigadta hai aur phir banta hai। lekin ham hi bigadte aur bante hain। woh to sada bana hua hai। unke bigadne ki kya baat hai ? ab in baaton mein moonjhana nahin hai।

maaya ke kabhi vighna aate hain - yeh bhi pichhla khaata hai। use ya to chuktu karna hai ya to sahaj gyaan-bal se kaatna hai। iske liye to ham purushaartha kar rahe hain। jab tak yeh shareer hai, is shareer ka hona maana hisaab-kitaab hai।

phir yeh shareer nahin rahega। ham karma ki gati ko bahut vistaar se jaante hain ki kis karma se akarma aur vikarma banta hai। yeh hamaara daivi braahmanpan ka sambandh hai। woh hamaara pichhle khaate ka sambandh hai। braahmanon ka mahatva bhi karma ke oopar hai ki aise karma karne hain aur aisi dhaarna rakhne se purushaartha achha hota hai।

yeh bhi khyaal rakhna hai ki vahi dharmaraaj hai jiske paas saare hisaab-kitaab ka khaata hai। achhe karma karaakar oonchi praalabdha banaana unka kaam hai। achhe ka achha phal dene vaala – chaahe alpakaal ke liye, chaahe sadaakaal ke liye – dene vaala woh ho gaya। woh chaitanya rup mein ab upasthit hai। abhi pichhla khaata minus aur bhavishya ka khaata plus ho sakta hai। ab kuchh riyaayat ho sakti hai। lekin baap ki haisiyat mein bhi to sapoot bankar apna pharja paalan karna hai। ab ham jo bhi man-vachan-karma se kadam utha rahe hain, to ham jaante hain is karma se kya hoga aur usse kya hoga ? vistaar sahit baap ne hisaab-kitaab bataaya hai। ५ vikaar bhi kya hai ? pahla-pahla vikaar hai deh-abhimaan । vahi sarva shatruon ka head hai। isliye kehte hain dehi-abhimaani hone se aur shatru nahin aayenge। dehi-abhimaani mein vikaar hain nahin। phir smriti rahegi ki ham unki santaan hain, to vikaar nahin aayenge। shuddh ahankaar rahega । manushya to sirf kehte hain - jaisa karma vaisa phal । lekin karte nahin hain। ab shareer ko kuchh hota hai to ham jaante hain ki yeh deh-abhimaan-vash hai। to ham phir body-conscious mein aakar aise na karen ।

hamaari buddhi mein hai ki yeh drama hai। bhale gaali dete hain lekin unka bhi yeh gaali dene ka part hai। hamko phir unhein sahi raaste par laane ka purushaartha karna hai। koi upadrav aata hai to bhi ham jaante hain ki yeh upadrav aana hi hai। ismen 'haay-haay !' mein aaven, duhkh mein aaven - to vikarma ho jaayega। isliye ham sada khush aur sada harshit rehte hain। to aisi dhaarna ko buddhi mein rakhna hai। yeh hai karma ki gati ka gyaan। ek baat ko uthaane se sab baaten aa jaati hain। kisi vyakti mein moh hai to woh bhi pichhle karmabandhan ka khaata ho gaya । baap dvaara karmon ki gati ko jaan kar abhi sambhalte rehna hai। achha ।