Murli de Mamma - gyan-sitar-42

१५.१०.६२

ahinsak banna hai to paanch vikaaron ko jeeto, sva par aur karma par raajya karo

om shanti । abhi ham sabki buddhi paramatma ki taraph hai। unko hi dil mein basaana hai। parantu basaane ka arth yeh nahin hai ki paramatma sarvavyaapi hai। lekin paramatma ne samjhaaya hai ki “jahaan maaya ५ vikaar hain, jahaan duhkh-ashaanti hai - aise apvitra sthaan par main kaise baithoonga ? mere baithne ki jagah to svachchha chaahiye। main to apne thaanv (ghar) vaala hoon।” gurunaanak ne bhi mahima ki hai ki tera ooncha thaanv hai। aise nahin ki main sarvavyaapi hoon, mera koi neeche thaanv hai । lekin mera naam hi shiv hai, main apne naam, thaanv aur kartavya vaala hoon। agar paramatma ki baithak sabke paas ho, to unka rup hi badal jaae। isliye paramatma ko fertile rup samajh liya hai। jaise yeh aakaash hai। andar baahar fertile aakaash hai। lekin paramatma koi aisi cheej thode hi hai।

kai kehte hain ki paramatma akhanda jyoti tatva hai। lekin paramatma koi yeh tatva nahin hai। paramatma to jyoti-svarup aakaar vaala hai, usmein hi chaitanyata hai। baaki fertile light mein koi chaitanyata nahin hai। jaise yeh aakaash tatva jad hai na। ismen ham jab aatmaayen shareer ke saath hain, tab yahaan rah sakti hain। parantu aatma jab shareer bigar hai, to unko rahne ka sthaan bhi aisa chaahiye, jo hua chhatha tatva । to rahne ka sthaan aur rahne vaala alag-alag hain। ham aur yeh aakaash ek hi thode hi kahenge। bhagwan kehte hain ki mera bhi rup hai। jaise ham ab bolte hain to us bolne ka bhi rup hai। jaise tarange banti hain, to unko phir aujaaron ke jariye catch karte hain। vaise to aavaaj bahut ho rahe hain lekin kiske particular aavaaj ko pakadte hain। sookshm instrument hota hai jo usko pakadta hai। to paramatma ko bhi divya-drishti va divya-netra se dekh sakte hain।

paramatma ne teen rupon (brahma, vishnu, shankar) dvaara sthaapna, vinaash aur paalna karaai hai। baaki yeh koi ३ sir nahin hain। trimoorti bhi niraakaar paramatma ko kaha jaata hai। lekin niraakaar ko ३ sir kaise denge ? isliye brahma ko ३ sir de diye hain । devtaayen bhi do aankh, do bhuja vaale hote hain। aur koi change aadi nahin hoti hai। baaki koi loole-langade hote hain, woh to hai karmon ki baat। bhagwan ne bhi ahinsa ki yukti sikhlaai hai। ahinsa maana ५ vikaaron ko jeetna hai। ham vikaaron ke vash hain to jaise hamaari roj hinsa ho rahi hai। paap hone se aatma ke ghaatak bante hain। isko hi jeev-hinsa kahenge । isliye paramatma ne kaha ki yeh shatru tumhaari hinsa kar rahe hain, inhon ko jeeto to ahinsak banoge । phir sva ka raajya milega। self ke oopar, karma ke oopar apna raajya chaahiye। to baap kehte hain- main aisa college kholta hoon jismen yeh lakshmi- naaraayan, sooryavanshi-chandravanshi raajdhaani taiyaar ho rahi hai। lakshmi-naaraayan bhi apni raajdhaani sahit ooncha pad praapta karne yahaan padh rahe hain। is reeti Christ aadi bhi yahaan hi apna part baja rahe hain। ham to sab dharma vaalon se milte hain। unhon ke contact mein aate hain। hamaara dhandha hi yeh hai। yeh dhandha sabse shreshtha hai। isse karma shreshtha bante hain। karma jo hamaara saamna karte hain, kyon na un par jeet paayen । karma se svatantra hona ya jeet paana ek hi baat hai। to ab mukhya cheej yeh hai ।

paramatma aate hain puraani se nai duniya banaane। bhagwan ke kartavya karne-karaane mein nai-navaai hai। knowledgeful gyaan ka saagar woh hai। bhagwan ne hi aakar geeta sunaai hai। agar pahle se hi woh kaam ho raha hota to bhagwan ko aane ki kya jarurat hai ? jarur kuchh ulte kaam ho rahe hain, tab kaha hai ki "in saadhuon aadi ka bhi uddhaar karne main aata hoon, mera janma divya alaukik hai। main kya hoon, krishna kya hai? geeta mein god ke badle krishna ka naam hone ke kaaran geeta bhi had mein aa gai hai।" Bible mein Christ ke versions hain। woh god nahin tha lekin san aaph god tha। parantu geeta mein to paramatma ke versions hain। kuraan aadi mein bhi god ke versions nahin hain। bhagwan ke jo versions hain woh to sab dharma vaalon ko maanne chaahien। god hai hi ek parantu yeh jaante nahin hain। baap kehte hain – “manushyon ne sab ulta-pulta kar diya hai। sansaar ko hi jhootha bana diya hai ।" geeta-paathi bhal geeta aadi sunaate hain, phal aadi rakhte hain aur pitron ko paani dete hain lekin bhagwan ne jo original sunaaya tha woh to unke dvaara hi ab sun rahe hain।

baap kehte hain ki “ab svarga aane vaala hai। isliye chalne ki taiyaari karo।” ab dhandhe-dhori, desh aadi sab nashta hone vaale hain, tab baap bachchon ko kehte hain ki “ab bahut kharaab haalten aani hain, behtar hai ki jitni poonji hai saphal kar lo।” aise nahin ki itna kamaaven jo hamaari vanshaavli bhi khaati rahe। baap kehte hain – “ab yeh sab kuchh chalna nahin hai। phir bhi bhaarat hi kuchh safe rahega।” koi phir kehte hain ki baahar mein itne mandir aadi bhi nahin hain aur rehte bhi aaraam se hain, aur bhaarat mein jitni yeh sab baaten hain utna hi bhaarat duhkhi hua hai। lekin yeh bhi to samajhne ki baat hai ki woh sab aaye hi peechhe hain। to usi hisaab se hi sukh-duhkh dekhenge na। gyaan se phir bhi safety hai। to pahle se hi taiyaar ho jaana chaahiye। yeh hai baap ki bhavishyavaani । aisa koi manushya authority se nahin bol sakta। lekin jo jaani-jaananhaar hai woh batla rahe hain। samajhte hain -- daada ne yeh sanstha rachi hai। parantu daada se bhi kaun kara rahe hain -- yeh bhi to samajhne ki baat hai। sabka part apna-apna chal raha hai। sab part ek jaisa nahin baja sakte। achha ।