Mamma's Murli - gyan-sitar-31
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
११.९.६२
srishti ki kahaani – do yug hain pavitra pravritti ke aur do yug hain apvitra pravritti ke
omshaanti । is manushya srishti ko hi kahne mein aata hai ki yeh variety manushya srishti hai। anek dharma hain। lekin inke hote bhi is srishti ki kahaani ek hi kahenge jo hai hi pravritti maarga ki। pahle pavitra pravritti maarga kaha jaata, phir apvitra pravritti hoti hai । jab pahle-pahle srishti ki rachna rachi to pavitra pravritti ki rachna rachi thi। vahi pavitra pravritti vaale vaam - maarga mein aaye to phir maaya ka vikaari raajya shuru hua। vahi pavitra pravritti vaale apvitra pravritti mein aa gaye । phir paramatma aakar patit se paavan banaate hain। sabko liberate karne vaala woh hai। maaya ke bandhan se chhudaate hain। phir paavan pravritti shuru hoti hai। pravritti anaadi hai। pahle-pahle aadha kalpa pavitra pravritti thi, apvitrata ki baat nahin thi ।
to paramatma aakar jab maaya ke bandhan se chhudaave tab to pavitra duniya sthaapan ho । sabko maaya ke bandhan se chhudaae pavitra duniya sthaapan karte hain। to jo pavitra pravritti vaale the unko hi phir chaaron varnon mein aana hai। devtaaon ke hi yeh varna kahe jaayenge। kehte hain- main aata hoon apne bachchon ka uddhaar karne । saari duniya ko maaya ke bandhan se chhudaate hain। to is saare khel ki ek hi kahaani hai। aadi se lekar ant tak chaaron varnon mein kiska kya part chala – so ab jaante hain। pavitrata ke bhi poore do yug hain aur phir apvitrata ke bhi do yug hain। usmein bhi phir stages hain - satopradhaan, sato, rajo, tamo । phir ant mein baap ko aakar nai duniya banaani padti hai। jab maaya ka raajya aata hai to phir devtaaon ki praalabdha poori ho jaati hai। woh jab vaam-maarga mein aaye tab phir doosre dharma vaalon ka aana aarambha hua। unhonne to dekhi hi vikaari duniya hai। baikuntha mein pavitra pravritti ki praalabdha to jinhonne paai unhonne hi dekhi, unhonne hi bhogi। pavitra pravritti vaalon ne apni praalabdha bhog poori ki to phir vaam-maarga shuru hua । to ab jaante hain-- ham hi pavitra devta the, phir sato, rajo, tamo mein aaye । ab phir pavitra pravritti ko dhaaran kar rahe hain । sanyaasiyon ka nivriti maarga peechhe hota hai । in cheejon ko jaan vahi sakte hain jinhonne praalabdha paai । baap samjhaate hain- ab main phir aaya hoon tumko vahi praapti karaane । to yeh khel bhi ek hi kahaani mein hai । jo paavan the vahi patit bane । paavan banaane vaala alag hai । jo paavan bane unhon ki history alag hai, banaane vaale ki history alag hai ।