Mamma's Murli - gyan-sitar-49
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
२६.७.६३
yeh asaar sansaar hai, aasakti chhod nai saar vaali duniya ko yaad karo
om shanti । jaise had ke din aur raat roz hote hain, aise is srishti-chakra mein behad ka bhi din aur raat hai jisko geeta mein shukla paksha aur krishna paksha kaha hua hai। raat poori ho din hone ka bhi abhi samay hai। raat poori hogi to din aayega। aise nahin ki raat aur din iktthe honge। had ki raat aur din bhi iktthe nahin hote hain। srishti-chakra mein bhi aise hai। aise nahin ki sukh-duhkh ikttha hai। andhiyaare ko duhkh, roshni ko sukh kahenge। duhkh ka samay alag, sukh ka samay alag ho gaya।
kai samajhte hain - "sukh-duhkh chale aaye hain bhal aage duhkh kam tha, abhi jaasti hai।” parantu yeh nahin samajhte ki duhkh tha hi nahin। woh sukh ki duniya thi, yeh duhkh ki duniya hai। kam jaasti par contrast nahin hai, contrast hai - haan aur na par । duhkh tha hi nahin। yaad us cheej ko kiya jaata hai jo hai hi nahin। agar sukh hota to phir unki chaahna kyon hoti ? bhal dhanvaan hai, martabe vaale hain, woh bhi sukh ko yaad karte hain। to jarur woh cheej abhi nahin hai jisko sab chaahte hain। present woh hoti to chaahna kyon rakhte ? ab apna purushaartha us cheej ke liye hai jo cheej is duniya mein hai nahin। is duniya se kinaara kar liya hai kyonki yeh hai hi puraani tamopradhaan narka ki duniya। woh sukh ki duniya hi aur hai।
ab hai raat । din aur raat ki to raunak hi apni-apni hai। to ham uske peechhe lage hue hain - aisi duniya ke sukh ko praapta karen । isliye puraani duniya se kinaara kiya hai। yeh to hai hi asaar sansaar । saar vaala sansaar hi doosra hai। is duniya mein jo kuchh hai uski aasakti chhodni hai। maan, martaba, dhan aadi koi bhi cheej mein ichchha nahin rakhni hai। pahle to yeh contrast buddhi mein rehna chaahiye । manushya samajhte hain- yeh duhkh-sukh sab parampara se chala aaya hai। parantu parampara se jo chala aaya hai woh puraani duniya ki chaal chali aai hai। nai duniya ki to chaal hi niraali hai। baap kehte hain - "is duniya mein jo kuchh karte aaye ho, unka phal bhi yahaan hi paaya hai। is duniya ki pavitrata tamoguni hai। main tumko satopradhaan pavitrata sikhlaata hoon ।” to tum rajo, tamoguni pavitrata se bhent kyon karte ho। puraani duniya ki ab end hai। ab nai duniya ke liye purushaartha karenge to uska phal nai duniya mein mil jaayega । vinaash to hona hi hai। parantu tum pahle se hi karenge to woh karne ka phaayda tumko milega । achha ।