Murli du jour du vendredi 14 août 2020

14-08-2020 praatahmurli om shanti "baapdaada"' madhuban

“meethe bachche - baap aaye hain tumhaara gyaan ratnon se shrringaar kar vaapas ghar le jaane, phir raajaai mein bhej denge to apaar khushi mein raho, ek baap se hi pyaar karo''

prashn:- apni dhaarna ko majboot (pakka) banaane ka aadhaar kya hai?

uttar:- apni dhaarna ko majboot banaane ke liye sadaiv yeh pakka karo ki aaj ke din jo paas hua achha hua phir kalpa ke baad hoga। jo kuchh hua kalpa pahle bhi aise hua tha, nothing new। yeh ladaai bhi 5 hazaar varsha pahle lagi thi, phir lagegi zaroor। is bhambhor ka vinaash hona hi hai… aise har pal drama ki smriti mein raho to dhaarna majboot hoti jaaye।

geet:- doordesh ka rahne vaala.........

om shanti। bachche pahle bhi doordesh se paraaye desh mein aaye hain। ab is paraaye desh mein duhkhi hain isliye pukaarte hain apne desh ghar le chalo। tumhaari pukaar hai na। bahut samay se yaad karte aaye ho to baap bhi khushi se aata hai। jaante hain main jaata hoon bachchon ke paas। jo bachche kaam chita par baith jal gaye hain unhon ko apne ghar bhi le aaoon aur phir raajaai mein bhej doon। uske liye gyaan se shrringaar bhi karoon। bachche bhi baap se jaasti khush hone chaahiye। baap jabki aaye hain to unka ban jaana chaahiye। unko bahut lav karna chaahiye। baba roz samjhaate hain, aatma baat karti hai na। baba 5 hazaar varsha baad drama anusaar aap aaye hain, hamko bahut khushi ka khazaana mil raha hai। baba aap hamaari jholi bhar rahe hain, hamko apne ghar shantidham mein le chalte hain phir raajdhaani mein bhej denge। kitni apaar khushi honi chaahiye। baap kehte hain hamko is paraai raajdhaani mein hi aana hai। baap ka bada meetha aur wonderful part hai। khaas jabki is paraaye desh mein aaye hain। yeh baaten tum abhi hi samajhte ho phir yeh gyaan praayah lop ho jaata hai। vahaan darkaar hi nahin rehti। baba kehte hain tum kitne besmajh ban gaye ho। drama ka actor hote hue bhi baap ko nahin jaante! jo baap hi karnakraavanhaar hai, kya karte kya karaate - yeh bhool gaye ho। saari puraani duniya ko heaven banaane aate hain aur gyaan dete hain। woh gyaan ka saagar hai to zaroor gyaan dene ka kartavya karenge na। phir tumse karaate bhi hain ki auron ko bhi message do ki baap sabke liye kehte hain ki ab deh ka bhaan chhod mujhe yaad karo to vikarma vinaash honge। main shreemat deta hoon। paap aatmaayen to sab hain। is samay saara jhaad tamopradhaan, jadajdeebhoot avastha ko paaya hua hai। jaise baans ke jangal ko aag lag jaati hai to ekdam saara hi jalkar khatma ho jaata। jangal mein paani kahaan se aayega jo aag ko bujhaaven। yeh jo bhi puraani duniya hai unko aag lag jaayegi। baap kehte hain - nothing new। baap achhi-achhi points dete rehte hain jo note karni chaahiye। baap ne samjhaaya hai aur dharma sthaapak sirf apna dharma sthaapan karne aate hain, unko paigambar va messenger aadi kuchh bhi nahin kah sakte। yeh bhi bada yukti se likhna hai। shivbaaba bachchon ko samjha rahe hain - bachche to sab hain all brothers। to har ek chitra mein, har ek likhat mein yeh zaroor likhna hai - shivbaaba aise samjhaate hain। baap kehte hain - bachche, main aakar satayugi aadi sanaatan devi-devta dharma ki sthaapna karta hoon, jismen 100 pratishat sukh-shanti-pavitrata sab hai isliye unko heaven kaha jaata hai। vahaan duhkh ka naam nahin hai। baaki jo bhi sab dharma hain un sabka vinaash karaane nimitta banta hoon। satayug mein hota hi ek dharma hai। woh hai nai duniya। puraani duniya ko khatma karaata hoon। aisa dhandha to aur koi nahin karte hain। kaha jaata hai shankar dvaara vinaash। vishnu bhi lakshmi-naaraayan hi hain। prajaapita brahma bhi to yahaan hai। yahi patit se paavan pharishta bante hain isliye phir brahma devta kaha jaata hai। jisse devi-devta dharma sthaapan hota hai। yeh baba bhi devi-devta dharma ka pahla prince banta hai। to brahma dvaara sthaapna, shankar dvaara vinaash। chitra to dene pade na। samjhaane ke liye yeh chitra banaaye hain। inke arth ka koi ko bhi pata nahin hai। svadarshan chakradhaari ka bhi samjhaaya - parampita paramatma srishti ke aadi-madhya-ant ko jaante hain। unmein saara gyaan hai to svadarshan chakradhaari thahre na। jaante hain ham hi yeh gyaan sunaate hain। baba to aise nahin kahenge ki mujhe kamal phool samaan banna hai। satayug mein tum kamal phool samaan hi rehte ho। sanyaasiyon ke liye yeh nahin kahenge। woh to jangal mein chale jaate hain। baap bhi kehte hain pahle woh pavitra satopradhaan hote hain। bhaarat ko thamaate hain, pavitrata ke bal se। bhaarat jaisa pavitra desh koi hota hi nahin। jaise baap ki mahima hai vaise bhaarat ki bhi mahima hai। bhaarat heaven tha, yeh lakshmi-naaraayan raajya karte the phir kahaan gaye। yeh abhi tum jaante ho aur kiski buddhi mein thode hi hoga ki yeh devtaayen hi 84 janma le phir pujaari bante hain। abhi tumko saara gyaan hai, ham abhi poojya devi-devta bante hain phir pujaari manushya banenge। manushya to manushya hi hota hai। yeh jo chitra kisma-kisma ke banaate hain, aise koi manushya hote nahin। yeh sab bhakti maarga ke dher chitra hain। tumhaara gyaan to hai gupta। yeh gyaan sab nahin lenge। jo is devi-devta dharma ke patte honge vahi lenge। baaki jo auron ko maanne vaale hain woh sunenge nahin। jo shiv aur devtaaon ki bhakti karte hain vahi aayenge। pahle-pahle meri bhi pooja karte hain phir pujaari ban apni bhi pooja karte hain। to ab khushi hoti hai ki ham poojya se pujaari bane, ab phir poojya bante hain। kitni khushiyaan manaate hain। yahaan to alpakaal ke liye khushi manaate hain। vahaan to tumko sadaiv khushi rehti hai। deepmaala aadi lakshmi ko bulaane ke liye nahin hoti hai। deepmaala hoti hai coronation par। baaki is samay jo utsav manaaye jaate hain woh vahaan hote nahin। vahaan to sukh hi sukh hai। yeh ek hi samay hai jabki tum aadi-madhya-ant ko jaante ho। yeh sab points likho। sanyaasiyon ka hai hathayog। yeh hai raajayog। baba kehte hain ek-ek pez mein jahaan-tahaan shivbaaba ka naam zaroor ho। shivbaaba ham bachchon ko samjhaate hain। niraakaar aatmaayen ab saakaar mein baithi hain। to baap bhi saakaar mein samjhaayenge na। woh kehte hain apne ko aatma samajh mujhe yaad karo। shiv bhagvaanuvaach bachchon prati। khud yahaan present hai na। mukhya-mukhya point kitaab mein aisi clear likhi hui ho jo padhne se aapehi gyaan aa jaae। shiv bhagvaanuvaach hone se padhne mein maza aa jaayega। yeh buddhi ka kaam hai na। baba bhi shareer ka loan lekar phir sunaate hain na, inki aatma bhi sunti hai। bachchon ko nasha bahut rehna chaahiye। baap par bahut lav hona chaahiye। yeh to unka rath hai, yeh bahut janmon ke ant ka janma hai। inmen pravesh kiya hai। brahma dvaara yeh brahman bante hain phir manushya se devta bante hain। chitra kitna clear hai। bhal apna bhi chitra do oopar mein va baaju mein double sirtaaj vaala। yogbal se ham aise bante hain। oopar mein shivbaaba। unko yaad karte-karte manushya se devta ban jaate hain। bilkul clear hai। rangeen chitra ka kitaab aisa ho jo manushya dekhkar khush ho jaaen। unse phir kuchh halke bhi chhapa sakte ho gareebon ke liye। bade se chhota, chhote se chhota kar sakte ho, rahasya usmein aa jaae। geeta ke bhagwan vaala chitra hai mukhya। us geeta par krishna ka chitra, us geeta par trimoorti ka chitra hone se manushyon ko samjhaane mein sahaj hota hai। prajaapita brahma ke bachche brahman yahaan hain। prajaapita brahma sookshm vatan mein to ho nahin sakta। kehte hain brahma devtaae namah, vishnu devtaae namah ab devta kaun thahre! devtaayen to yahaan raajya karte the। Deityism to hai na। to yeh sab achhi reeti samjhaana padta hai। brahma so vishnu, vishnu so brahma donon yahaan hain। chitra hai to samjhaaya ja sakta hai। pahle-pahle alpha ko siddha karo to sab baaten siddha ho jaayengi। points to bahut hain aur sab dharma sthaapan karne aate hain। baap to sthaapna aur vinaash donon karaate hain। hota hai sab drama anusaar hi। brahma bol sakte, vishnu bol sakte hain? sookshm vatan mein kya bolenge। yeh sab samajhne ki baaten hain। yahaan tum samajhkar phir transfer hote ho, oopar class mein। kamra hi doosra milta hai। mool vatan mein koi baith to nahin jaana hai। phir vahaan se nambarvaar aana hota hai। pahle-pahle mool baat ek hi hai us par zor dena chaahiye। kalpa pahle bhi aise hua tha। yeh seminar aadi bhi aise hi kalpa pahle hue the। aisi points nikli thi। aaj ka din jo paas hua achha hua phir kalpa baad aise hi hoga। aise-aise apni dhaarna karte pakke hote jaao। baba ne kaha tha magazine mein bhi daalo - yeh ladaai lagi, nothing new। 5 hazaar varsha pahle bhi aise hua tha। yeh baaten tum hi samajhte ho। baahar vaale samajh na sake। sirf kahenge baaten to wonderful hain। achha, kabhi jaakar samajh lenge। shiv bhagvaanuvaach bachchon prati। aise-aise akshar honge to aakar samjhenge bhi। naam likha hua hai prajaapita brahmaakumaar-kumaariyaan। prajaapita brahma se hi brahman rachte hain। brahman devi-devta namah kehte hain na। kaun se brahman? tum braahmanon ko bhi samjha sakte ho brahma ki aulaad kaun hain? prajaapita brahma ke itne bachche hain, to zaroor yahaan adopt hote honge। jo apne kul ke honge woh achhi reeti samjhenge। tum to baap ke bachche ho gaye। baap brahma ko bhi adopt karte hain। nahin to shareer vaali cheez aai kahaan se। brahman in baaton ko samjhenge, sanyaasi nahin samjhenge। ajmer mein brahman hote hain aur haridvaar mein sanyaasi hi sanyaasi hain। pande brahman hote hain। parantu woh to bhookhe hote hain। bolo tum abhi jismaani pande ho। ab roohaani pande bano। tumhaara bhi naam panda hai। paandav sena ko bhi samajhte nahin hain। baba hai paandavon ka sirmaur। kehte hain he bachche maamekam yaad karo to vikarma vinaash honge aur chale jaayenge apne ghar। phir badi yaatra hogi amarpuri ki। mool vatan ki kitni badi yaatra hogi। sabki sab aatmaayen jaayengi। jaise makkadon ka jhunda jaata hai na। makkhiyon ki bhi raani bhaagti hai to unke pichhaadi sab bhaagte hain। wonder hai na। sab aatmaayen bhi machchharon misal jaayengi। shiv ki baraat hai na। tum sab ho brides। main bridegroom aaya hoon sabko le jaane। tum chhi-chhi ho gaye ho isliye shrringaar kar saath le jaaoonga। jo shrringaar nahin karenge to saza khaayenge। jaana to hai hi। kaashi kalvat mein bhi manushya marte hain to second mein kitni sazaayen bhog lete hain। manushya chillaate rehte hain। yeh bhi aise hai, samajhte hain ham jaise ki janma-janmaantar ka duhkh saza bhog raha hoon। woh duhkh ki feeling aisi hoti hai। janma-janmaantar ke paapon ki saza milti hai। jitni sazaayen khaayenge utna pad kam ho jaayega isliye baba kehte hain yogbal se hisaab-kitaab chuktu karo। yaad se jama karte jaao। knowledge to bahut sahaj hai। ab har karma gyaanayukta karna hai। daan bhi paatra ko dena hai। paap aatmaon ko dene se phir dene vaale par bhi uska asar pad jaata hai। woh bhi paap aatmaayen ban jaate hain। aise ko kabhi nahin dena chaahiye, jo us paise se jaakar phir koi paap aadi karen। paap aatmaon ko dene vaale to duniya mein bahut baithe hain। ab tumko to aisa nahin karna hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi har karma gyaanayukta karna hai, paatra ko hi daan dena hai। paap aatmaon se ab koi paise aadi ki len-den nahin karni hai। yogbal se sab puraane hisaab-kitaab chuktu karne hain।

2) apaar khushi mein rahne ke liye apne aapse baaten karni hai - baba, aap aaye hain humein apaar khushi ka khazaana dene, aap hamaari jholi bhar rahe hain, aapke saath pahle ham shantidham jaayenge phir apni raajdhaani mein aayenge.......।

vardaan:- kalpa-kalpa ke vijay ki smriti ke aadhaar par maaya dushman ka aahvaan karne vaale mahaaveer vijayi bhav

mahaaveer vijayi bachche paper ko dekhkar ghabraate nahin kyonki trikaaldarshi hone ke kaaran jaante hain ki ham kalpa-kalpa ke vijayi hain। mahaaveer kabhi aise nahin kah sakte ki baba hamaare paas maaya ko na bhejo - kripa karo, aasheervaad karo, shakti do, kya karoon koi raasta do....yeh bhi kamjori hai। mahaaveer to dushman ka aahvaan karte hain ki aao aur ham vijayi banen।

slogan:- samay ki soochna hai - samaan bano sampanna bano।