Murli du jour du lundi 7 février 2022

07-02-2022 praatahmurli om shanti "baapdaada"' madhuban

“meethe bachche - yeh padhaai bahut oonchi hai, ismen maaya raavan hi vighna daalta hai, usse apni sambhaal karo''

prashn:- tumhaari service vriddhi ko kab praapta hogi?

uttar:- jab tum service karne vaale bachche pakke nashtomoha, yogayukta banenge tab tumhaari service vriddhi ko paayegi। tum sabka uddhaar karne ke nimitta ban jaayenge। 2- jab poora nishchaybuddhi banenge, baap ke har direction ko amal mein laayenge tab service mein saphalta milegi।

geet:- main ek nanha sa bachcha hoon…

om shanti। baba aakar chhote-chhote bachchon ko hi samjhaate hain। koi chhote hain, koi medium hain, koi bade hain। bade unko kaha jaata hai jo gyaan ko achhi reeti samajh aur samjha sakte hain। jo nahin samjha sakte unko chhote bachche kaha jaata hai। chhota bachcha to phir pad bhi chhota, yeh to samajhne ki baat hai। manushya paani mein snaan karte hain, kumbha mela manaate hain। abhi kumbha maana sangam। sangam ka mela to hai hi ek bade te bada, jisko gyaan saagar aur gyaan nadi ka mela kehte hain। paani ki nadiyaan to bahut hain। woh bhi sab saagar mein hi padti hain। parantu unka itna mela nahin hota, brahmaputra nadi hai badi, jo kalkatte taraph saagar mein jaakar milti hai। aise to sarasvati, ganga aadi bahut nadiyaan hain, jo saagar mein jaati hain। nadiyon se phir talaab aadi bante hain। to bachche jaante hain gyaan saagar ek shivbaaba hai। yeh brahma bhi gyaan nadi thahri। inka aur gyaan saagar ka mela hai, vaastav mein inko hi sachcha kumbha kaha jaata hai। sabse bada mela hai yahaan gyaan saagar ke paas aana। yeh brahmaputra bade te badi nadi hai। pahle-pahle yeh nikli hai। inka hai sangam। pichhaadi mein jaakar mile hain to zaroor pahle unse nikle hain। to gyaan saagar se pahle nikla yeh brahma। phir satayug mein pahle number mein bhi yeh jaate hain। sarasvati aur brahma ka mela nahin hai। brahmaputra aur saagar ka mela hai। manushya kumbha ke mele par jaate hain, vahaan jaakar snaan karte hain। nadiyaan to bahut milti hain। yahaan kitni gyaan gangaayen aakar milti hain। baba ne samjhaaya bahut achha hai। yeh jo nadiyon par roz snaan karte rehte hain ab unse bachaave kaun? baap kehte hain yeh koi gyaan gangaayen nahin hain, inmen to kachchha machchha sab snaan karte hain। jo roz snaan karne jaate hain unhon ko samjhaana chaahiye ki tum yeh karte-karte kangaal ban pade ho, teertho par manushya bahut kharcha karte hain। yahaan kharche ki to baat nahin। jab mai aata hoon to aakar sabki sadgati karta hoon। knowledge deta hoon। kaun si knowledge? manamnaabhav। mujhe yaad karo to is yaad ki yog agni se tumhaare vikarma vinaash honge। tum paavan banenge। yog se hi tum paavan ban sakte ho, na ki paani ke snaan se। vaastav mein yeh gyaan snaan hai। woh paani ki nadiyaan, yeh gyaan nadiyaan ismen sirf baba ko yaad karna hai। isko snaan bhi nahin kaha jaae। yeh to baap mat dete hain। gyaan se sadgati hoti hai। tum 21 janmon ke liye sadgati mein jaakar phir durgati mein aate ho। satopradhaan se sato rajo tamo mein zaroor aana hai। yeh sab baaten tum bachche hi samajhte ho aur yahaan bachche hi aate hain refresh hone ke liye aur naya to koi aa na sake।

baap kehte hain - main bachchon ke aage hi aata hoon। yeh to gupta maa ho gai। tum bachche koi se pradarshani mele ka udghaatan karaate ho to unko kuchh samjhaakar phir karaana chaahiye। aisa na ho kuchh ulta sulta bol de। yeh to laachaari karaana padta hai uthaane ke liye। kuchh samjhen to kah saken - yeh sanstha bahut achhi hai। manushya se devta banaane vaali hai। parantu itna koi samjhaate nahin hain, na kiski buddhi mein baithta hai। jin-jin se udghaatan karaaya hai, unhon ne koi baat samjhi nahin hai। koi ko bhi nishchay nahin hua, itne jo aaye unhon mein bhi kisko semi nishchay kahenge। jo phir aakar kuchh na kuchh samajhne ki koshish karte hain। hajaaron samajhne ke liye aate hain, unmein se 5-7 nikalte hain tab kaha jaata hai koton mein koi। jab koi pradarshani mela aadi karte hain to 5-6 nikal aate hain। nahin to mushkil kabhi koi aata hai। aksar karke puraane hi aate rehte hain। usmein bhi koi ko aadha nishchay, koi ko chautha, koi ko 10 percent। vaastav mein school mein poore nishchay bigar to koi baith nahin sakta। nishchay ho to samjhe, barrister banna hai to imtihaan zaroor paas karna hai। yahaan to sanshaybuddhi bhi baith jaate hain। samajhte hain dheere-dheere nishchay ho jaayega ki manushya se devta bante hain। yahaan nishchay hone ke liye baithte hain। phir chalte-chalte toot bhi padte hain। 4-5 varsha padhte-padhte phir sanshay aa jaata hai to nikal jaate hain। yeh padhaai hai bahut oonchi aur ismen maaya raavan ke vighna padte hain। maaya samajhne nahin deti। maaya bachchon ki padhaai mein vighna bhi daalti hai। yeh school bada wonderful hai। delvaada mandir bhi kitna achha yaadgaar bana hua hai, woh hai jad mandir, jo svarga sthaapan arth hokar gaye hain - jagat amba, jagat pita, aur unke bachche unhon ke hi jad yaadgaar bante hain। jaise shivaaji aadi sab chaitanya mein the, ab unhon ka yaadgaar hai। ab jagat amba aur jagat pita chaitanya mein aaye hain। 5 hajaar varsha ke baad phir vahi act karenge jo unke chitra niklenge। pahle to zaroor chitra nahin honge। yeh sab chitra aadi khatma ho jaayenge phir pahle chitra banne shuru honge। yaadgaar bhi to pahle-pahle shivbaaba ka hi banega phir unke baad trimoorti brahma vishnu shankar ke, phir jo tum abhi seva kar rahe ho, unke bhi niklenge। sab patit-paavan ko yaad karte hain - parantu samajhte nahin ki ham patit hain। vaastav mein sachcha-sachcha gyaan yeh hai jisse sadgati milti hai। gyaan to guru dvaara milta hai। paani ki nadiyaan koi guru thode hi hain। yeh sab andhashraddha hai। occupation samajhne ke bigar kuchh bhi pa nahin sakte। aise nahin darshan karoon... yeh sab phaaltu hai। darshan ki koi baat nahin। yeh to koi naye se milna padta hai kyonki bade ka bada aavaaj nikalta hai। parantu dekha gaya hai bade log aavaaz nahin kar sakte। gareeb kar sakte hain। haan koi gyaan dhan mein bhi saahookaar ho jaae to aavaaj kar sakte hain। yeh paani ki nadiyon mein to snaan karte hi aaye hain। is ganga snaan se sadgati nahin mil sakti hai। patit-paavan sadgati daata to ek hi baap hai, woh aakar sarva ki sadgati karte hain। baap kehte hain sadgati to ek second mein mil sakti hai। shreemat kehti hai mujhe yaad karo to ant mati so gati ho jaayegi। isko yog agni kaha jaata hai, jisse vikarma vinaash honge isliye baap kehte hain mujhe yaad karo to ever healthy banenge phir main hoon hi svarga sthaapan karne vaala। is chakra ko yaad karne se tum chakravarti raaja ban jaayenge। baap aur varse ko yaad karo। abhi hamko vaapis jaana hai baba ke paas। kalpa-kalpa baap ek hi baar aakar sadgati karte hain। woh sarva ke sadgati daata hain। tum kiski sadgati nahin kar sakte। to shivbaaba se yeh sachchi-sachchi gyaan gangaayen nikli hain। shiv kaashi vishvanaath ganga। woh phir paani ki ganga samajh lete hain। unko samjhaana chaahiye। tum yogayukta honge to service bhi kar sakenge। nashtomoha, achhi yogin jo hogi woh poori service kar sakegi। pichhaadi mein tumhaari bahut service hogi। saadhuon aadi ka bhi tumhein uddhaar karna hai। unhon ko samjhaana hai - sadgati daata ek hi hai। vahi kehte hain ab tum mere ko yaad karo to mere paas chale aayenge। mukti to ek second mein mil sakti hai। mukti ke baad jeevanmukti to hai hi। yeh badi samajhne ki baaten hain। aise nahin sabko ek jaisi dhaarna ho sakti hai। nambarvaar purushaartha anusaar dhaarna hoti hai। points bahut achhi-achhi hain। points bhi dhaaran ho to nasha bhi chadhe।

baba bahut sahaj te sahaj tareeka bataate hain phir bhi koi-koi likhte hain baba kripa karo। baba shakti do। to baba samajh jaate hain yeh bhagat buddhi hai। bhagat to dher hain aur sab gaate hain - patit-paavan aao। yaad to sab karte hain, kehte hain O god father parantu samajhte nahin hain to mercy, kripa phir kaise hogi। vaastav mein trimoorti hai yeh। oopar mein shivbaaba phir brahmaakumaar kumaariyaan to yahaan maujood hain, stri purush donon kehte hain ham brahmaakumaar kumaari hain। to donon bhaai-behen ho gaye। tum bhi prajaapita brahma ki santaan the parantu abhi nahin ho। jaante nahin ho। gaate to hain ki parampita paramatma prajaapita brahma dvaara manushya srishti rachte hain to zaroor pahle-pahle brahman dharma hoga। jab srishti rachi jaati hai tab brahmaakumaar kumaariyaan hote hain। phir us dharma ki sthaapna ho aur anek adharmon ka vinaash ho jaata hai। is samay tum brahmaakumaar aur kumaariyaan ho phir banenge daiveekumaar-kumaariyaan। phir kabhi vishnu kumaar, kabhi kya, kabhi kya janma lete aur bante rehte ho। abhi ho tum eeshvareey kumaar phir daivi kumaar.... baad mein dekho naam bhi kaise-kaise rakhte hain - basarmal, baiganmal aadi। satayug mein aise naam nahin hote। ab tumhaare naam kitne ramneek baba ne bheje। tum bachchon ko abhi baba ke direction par amal karna chaahiye। tumhaari saudaagri bhi behad ki hai। bada sauda karenge to bada pad milega - 21 janmon ke liye। bahut karke gareeb ablaayen hi achha varsa paati hain। dhanvaan nahin paate। dhanvaanon mein phir bhi striyaan kuchh paati hain। purooshon ka to paise mein mamatva rehta hai। mera-mera karte rehte hain। laukik baap ke vaaris to bachche hi bante hain। yahaan to baap kehte hain - mel, chaahe female donon hi varsa pa sakte hain। dekha jaata hai - maataayen jaasti varsa paati hain, isliye shakti naam gaaya hua hai। kanyaayen maataayen achha pad paati hain isliye baap ko kanhaiya bhi kaha jaata hai।

yeh delvaada mandir tumhaara poora yaadgaar hai। samjhaane se bada nasha chadhna chaahiye। teertho par aur hi jaasti service ho sakti hai। abhi to points bahut mili hui hain। sadgati to gyaan saagar se hi hogi, na ki paani se। sadgati daata, geeta ka bhagwan hi hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan dhan mein saahookaar ban baap ka naam baala karne ki seva karni hai। poora nishchaybuddhi banna hai। kisi bhi baat mein sanshay nahin laana hai।

2) baap se poora varsa lene ke liye “mere-mere'' mein jo mamatva hai use chhod dena hai। laukik varse ka nasha nahin rakhna hai।

vardaan:- duaaon ke rocket dvaara teevragti se udne vaale vighna proof bhav

maat-pita aur sarva ke sambandh mein aate hue duaaon ke khajaane se svayan ko sampanna karo to kabhi bhi purooshaartha mein mehnat nahin karni padegi। jaise science mein sabse teevragti rocket ki hoti hai aise sangamayug par sabse teevragti se aage udne ka yantra athva usse bhi shreshtha rocket “sabki duaayen'' hain, jise koi bhi vighna jara bhi sparsha nahin kar sakta, isse vighna proof ban jaayenge, yuddha nahin karni padegi।

slogan:- paropkaar ki bhaavna se sampanna banna hi shreshthata ka aadhaar hai।