Murli du jour du samedi 4 février 2023

04-02-2023 praatahmurli om shanti "baapdaada"' madhuban

“meethe bachche - baap se sarva sambandhon ka sukh lena hai to aur sabse buddhi ki preet nikaal maamekam yaad karo, yahi manzil hai''

prashn:- tum bachche is samay kaun sa achha karma karte ho, jiske return mein saahookaar ban jaate ho?

uttar:- sabse achhe se achha karma hai - gyaan ratnon ka daan karna। yeh avinaashi gyaan khajaana hi transfer ho 21 janmon ke liye vinaashi dhan ban jaata hai, isse hi maalaamaal ban jaate। jo jitna gyaan ratnon ko dhaaran kar doosron ko dhaaran karaate hain utna saahookaar bante hain। avinaashi gyaan ratnon ka daan karna - yahi hai sarvottam seva।

om shanti। shivbaaba apne saaligraam bachchon ko samjhaate hain। yeh hai paramatma ka apne bachchon, aatmaon prati gyaan। aatma, aatma ko gyaan nahin deti। paramatma shiv baith brahma sarasvati aur tum lucky stars bachchon prati baith samjhaate hain isliye inko parmaatma gyaan kaha jaata hai। paramatma to ek hi hai baaki creation hai creator ki। jaise laukik baap aise nahin kahega ki yeh sab hamaare roop hain। nahin। kahega yeh hamaari rachna hai। to yeh roohaani baap hai jise bhi part mila hua hai। vahi mukhya actor, creator aur director hai। aatma ko creator nahin kahenge। paramatma ke liye kaha jaata hai tumhari gat mat tum hi jaano। un sab gurooon ki to apni-apni alag mat hai isliye paramatma aakar ek mat dete hain। woh hai most beloved। us ek ke saath buddhiyog lagaana hai, aur jinke bhi saath tumhaari preet hai woh sab dhokha dene vaali hai isliye un sabse buddhi nikaalni hai। main tumko sab sambandhon ka sukh doonga sirf maamekam, yeh hai manzil। main sabka dearest daid (pyaara pita) bhi hoon, teacher bhi hoon, guru bhi hoon। tum samajhte ho us dvaara hamko jeevanmukti milti hai। yahi avinaashi gyaan khajaana hai, yeh khajaana transfer ho phir 21 janma ke liye vinaashi dhan ban jaata hai। 21 janma ham bahut maalaamaal ho jaate hain। raajaaon ka raaja bante hain। is avinaashi dhan ka daan karna hai। aage to vinaashi dhan daan karte the to alpakaal kshan bhangur sukh doosre janma mein milta tha। kaha jaata hai past janma mein kuchh daan punya kiya hai jiska phal mila hai। woh phal ek janma ka hi milta hai। janma-janmaantar ki praalabdha nahin kahenge। ham jo ab karenge uski praalabdha hamko janma-janmaantar milegi। to ab yeh hai anek janmon ki baazi। paramatma se behad ka varsa lena hai। sabse achha karma hai avinaashi gyaan khajaana daan karna। jitna dhaaran kar auron ko karaayenge utna khud bhi saahookaar banenge, auron ko bhi banaayenge। yeh hai sarvottam seva, jisse sadgati hoti hai। devtaaon ki rasam-rivaaz dekho kaise sampoorn nirvikaari, ahinsa parmodharma hai। pyooreephikeshan (sampoorn pavitrata) satayug treta mein hi rehti hai। devtaayen hi bahishta mein rahne vaale hain, unhon ko hi oonch gaate hain। jo sooryavanshi satayug mein bante hain vahi sampoorn hain, phir thodi khaad pad jaati hai। ab tum samajhte ho devtaayen kis bahishta ke nivaasi hain। vaikuntha hai wonderful duniya, vahaan doosre dharma vaale ja nahin sakenge। yeh sab dharmo ko rachne vaala oonche te ooncha bhagvat hai। yeh devta dharma koi brahma nahin sthaapan karte hain, yeh to kehte hain main impure tha, mere mein gyaan kahaan se aaya। aur sab pure souls oopar se aati hain apna dharma sthaapan karne। yahaan to paramatma dharma sthaapan karte hain, jab ismen aate hain tab inka naam brahma rakhte hain। kaha jaata hai brahma devtaae namah, vishnu devtaae namah… ab prashn uthta hai ki in devtaaon se manushya srishti rachi gai kya? nahin। paramatma kehte hain main jis saadhaaran tan mein aata hoon, uska naam brahma padta hai। woh sookshm brahma hai, to do brahma ho gaye। inka brahma naam rakha gaya hai kyonki kehte hain saadhaaran tan mein aata hoon। brahma ke mukh kanval se brahman rachta hoon। aadi dev se humanity rachi gai, yeh hua humanity ka pahla baba। phir vriddhi hoti jaati hai।

ab tumko raajaaon ka raaja banaate hain। parantu banenge tab jab deh sahit deh ke sab sambandhon se naata todenge। baba main tumhaara hi hoon, bas। yeh to nishchay hai ham so prince bante hain। chaturbhuj ka saakshaatkaar hota hai na। woh hai hi yugal। chitron mein brahma ko 10-20 bhujaayen dikhaate hain। kaali ko kitni bhujaayen di hain, itne baanhon vaali cheez to hoti nahin। yeh sab astra-shastra hain। apna hai hi pravritti maarga। baaki brahma ki jo itni bhujaayen dikhaate hain, samajhte hain yeh jo brahma ke bachche hain woh jaise inki baanhe hain। baaki yeh kaali aadi kuchh nahin hai, jaise krishna ko kaala kar diya hai vaise kaali ka bhi chitra kaala kar diya hai। yeh jagdamba bhi braahmani hai। ham apne ko bhagwan athva avtaar nahin kehte hain। baba kehte hain sirf maamekam yaad karo। vaastav mein sab shiv kumaar hain saaligraam। phir manushya tan mein aane se tum brahmaakumaar brahmaakumaari kahlaate ho। brahmaakumaar kumaariyaan phir jaakar vishnukumaar kumaariyaan banenge। baap create karte hain phir paalna bhi unko karni padti hai। aise dearest daid ke tum vaaris ho, unse tum sauda karte ho। yeh to beech mein dalaal hai।

baba hai holi government, woh aaye hain is government ko bhi paandav government banaane। yeh hai hamaari oonch service। government ki praja ko ham manushya se devta banaate hain baba ki madad se। to ham unhon ke servant hain na। ham world servant hain, ham baba ke saath aaye hain saari duniya ki service karne। ham kuchh lete nahin hain। vinaashi dhan, mahal aadi ham kya karenge। hamko to sirf 3 pair prithvi chaahiye।

tum bachchon ko abhi sachcha-sachcha gyaan mil raha hai, shaastron ke gyaan ko gyaan nahin kahenge, woh bhakti hai। gyaan maana sadgati। sadgati maana mukti-jeevanmukti। jab tak jeevanmukta nahin hue hain tab tak mukta bhi nahin ho sakte। ham jeevan-mukta hote hain। baaki sab mukta hote hain। tab to kehte hain tumhari gat mat tum hi jaanon। phir ismen bhi sarvavyaapi paramatma hai, yeh baat nahin rehti। yeh to kehte hain kalpa-kalpa main apni mat se sabki sadgati karta hoon। sadgati ke saath gati aa hi jaati hai। nai duniya mein rehte hi thode hain। aage ham kehte the ghat hi mein soorya, ghat hi mein chaand, ghat hi mein 9 lakh taare.... ghat mein soorya is samay hai। ghat mein shiv hai, jiska hi itna vistaar hai। phir ghat mein mama baba aur lucky stars। vivek bhi kehta hai satayug mein zaroor thodi sankhya honi chaahiye। peechhe vriddhi hoti hai। yeh sab samajhne ki baaten hain। jo jitna pure (pavitra) hoga utni dhaarna hogi। impurity se dhaarna kam hogi। purity first। krodh ka bhi bhoot rah jaata hai to maaya se haar kha lete hain। yeh yuddha hai na। ustaad ko poora haath dena hai। nahin to maaya badi prabal hai। jinka haath mein haath hai unke liye hi barsaat hai। jaise baba saakshi ho part bhi bajaate hain, dekhte bhi hain। yeh to samajh sakte ho ki maa baap aur lucky stars jo ananya hain unko hi follow karna hai। yeh to samjhaaya hai murli padhna kabhi nahin chhodna। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

raatri class 23-12-58

dekho, almighty baba ke yeh sab kitne roohaani kaarkhaane (centres) hain। jahaan se har ek ko roohaani ratna milte hain। baba hai sab kaarkhaanon ka seth। managers log sambhaal rahe hain, dukaanen chal rahi hain। dukaan kaho, hostel kaho.... yeh tum braahmanon ki family bhi hai। tumhein apna jeevan banaana hai education se। ismen roohaani aur jismaani donon ikattha hai। donon behad ke hain। aur woh hain roohaani, jismaani donon had ke। guru log jo bhi shaastron aadi ki roohaani shiksha dete hain woh sab hai had ki। ham kisi manushya ko guru nahin maante। hamaara hai ek satguru, jo ek hi rath mein aate hain। ghadi-ghadi unko yaad karenge tab hi vikarma vinaash honge। tumko dhan us grand father se milta hai, isliye unko yaad karna hai। koi bhi karma aisa nahin karna hai jo vikarma ban jaae। satayug mein karma, akarma hote hain, yahaan karma vikarma hote hain kyonki 5 bhoot hain। ham bilkul safe hain। baba kehte hain vikaar daan mein de do phir agar vaapis liya to nuksaan ho jaayega। aise mat samajhna chhipaakar karenge to pata thode hi padega। dharmaraaj ko to pata padega na। is samay hi baba ko antaryaami kaha jaata hai, har ek bachche ka register woh dekh sakte hain। ham bachchon ke andar ko jaanne vaala hai isliye chhipaana nahin chaahiye। aise bhi chitthi likhte hain ki baba hamaare se bhool hui hai maaph karna। dharmaraaj ki darbaar mein saja nahin dena। jaise ki direct shivbaaba ko likhte hain। baba ke naam par is post box mein chitthi daal dete hain। bhool bataane se aadhi saja kam ho jaayegi। yahaan purity bahut chaahiye। sarvagun sampanna, 16 kala sampanna yahaan banna hai। rehearsal yahaan hogi phir vahaan practical part bajaana hai। apni jaanch karni hai - koi vikarma to nahin karte hain? sankalp to bahut aayenge, maaya bahut pareeksha legi, darna mat। bahut nuksaan honge, dhandha nahin chalega, taang toot jaayegi, beemaar ho padenge.... kuchh bhi ho jaae baba ka haath nahin chhodna। anek prakaar ki pareekshaayen aayengi। pahle-pahle baba ke saamne aati hain, isliye baba bataate hain khabardaar rehna। pahalvaan banna hai।

dekho, bhaarat mein jitni sabko chhuttiyaan milti hain itni aur kahaan nahin milti, parantu yahaan hamko ek second bhi chhutti nahin milti kyonki baba kehte hain shvaanson shvaans yaad mein raho। ek ek shvaans amolak hai। to vesta kaise kar sakte। jo vesta karte hain woh pad bhrashta karte hain। is janma ka ek ek shvaans most valuable hai। raat din baba ki service mein rehna chaahiye। tum almighty baba ke oopar aashik ho ya unke rath par? ya donon par? zaroor donon ka aashik hona pade। buddhi mein yeh rahega ki woh is rath mein hai। unke kaaran tum is par aashik hue ho। shiv ke mandir mein bhi bail rakha hua hai। woh bhi pooja jaata hai। kitni guhya baaten hain jo roz nahin sunte to koi koi pvaanitas miss kar dete hain। roz sunne vaale kabhi points mein fail nahin honge। manners bhi achhe rahenge। baba ki yaad mein bahut profit (phaayda) hai। phir hai baba ki knowledge ko yaad karna। yog mein bhi profit, gyaan mein bhi profit। baba ko yaad karna ismen hai most profit kyonki vikarma vinaash hote hain aur pad bhi oonch milta hai। achha!

meethe-meethe sikeeldhe bachchon prati maat-pita baapdaada ka yaadapyaar aur good night, roohaani baap ki roohaani bachchon ko namaste।

dhaarna ke liye mukhya saar:-

1) shvaanson shvaans baap ko yaad karna hai, ek bhi shvaans vyartha nahin gavaana hai। koi bhi karma aisa nahin karna hai jo vikarma ban jaae।

2) ustaad ke haath mein haath de sampoorn paavan banna hai। kabhi krodh ke vasheebhoot hokar maaya se haar nahin khaani hai। pahalvaan banna hai।

vardaan:- samartha sthiti ke aasan par baith vyartha aur samartha ka nirnay karne vaale smriti swaroop bhav

is gyaan ka essence hai smriti swaroop banna। har kaarya karne ke pahle is vardaan dvaara samartha sthiti ke aasan par baith nirnay karo ki yeh vyartha hai va samartha hai phir karma mein aao, karma karne ke baad phir check karo ki karma ka aadi, madhya aur ant teenon kaal samartha raha? yeh samartha sthiti ka aasan hi hans aasan hai, iski visheshta hi nirnay shakti hai। nirnay shakti dvaara sada hi maryaada purushottam sthiti mein aage badhte jaayenge।

slogan:- anek prakaar ke maansik rogon ko door bhagaane ka saadhan hai - silence ki shakti।