Murli du jour du vendredi 21 mars 2025

21-03-2025 praatahmurli om shanti "baapdaada"' madhuban

“meethe bachche - tumhein apne yogbal se saari srishti ko paavan banaana hai, tum yogbal se hi maaya par jeet paakar jagatjeet ban sakte ho''

prashn:- baap ka part kya hai, us part ko tum bachchon ne kis aadhaar par jaana hai?

uttar:- baap ka part hai - sabke duhkh harkar sukh dena, raavan ki janjeeron se chhudaana। jab baap aate hain to bhakti ki raat poori hoti hai। baap tumhein svayan apna aur apni jaaydaad ka parichay dete hain। tum ek baap ko jaanne se hi sab kuchh jaan jaate ho।

geet:- tumheen ho maata pita tumheen ho…

om shanti। bachchon ne om shanti ka arth samjha hai, baap ne samjhaaya hai ham aatma hain, is srishti drama ke andar hamaara mukhya part hai। kiska part hai? aatma shareer dhaaran kar part bajaati hai। to bachchon ko ab aatma-abhimaani bana rahe hain। itna samay deh-abhimaani the। ab apne ko aatma samajh baap ko yaad karna hai। hamaara baba aaya hua hai drama plan anusaar। baap aate bhi hain raatri mein। kab aate hain - uski tithi-taareekh koi nahin hai। tithi-taareekh unki hoti hai jo laukik janma lete hain। yeh to hai paarlaukik baap। inka laukik janma nahin hai। shreekrishna ki tithi, taareekh, samay aadi sab dete hain। inka to kaha jaata hai divya janma। baap inmen pravesh kar bataate hain ki yeh behad ka drama hai। usmein aadhaakalpa hai raat। jab raat arthaat ghor andhiyaara hota hai tab main aata hoon। tithi-taareekh koi nahin। is samay bhakti bhi tamopradhaan hai। aadha kalpa hai behad ka din। baap khud kehte hain mainne inmen pravesh kiya hai। geeta mein hai bhagvaanuvaach, parantu bhagwan manushya ho nahin sakta। shreekrishna bhi daivi gunon vaala hai। yeh manushya lok hai। yeh dev lok nahin hai। gaate bhi hain brahma devtaae namah.... woh hai sookshmavtanvaasi। bachche jaante hain vahaan haddi-maas nahin hota hai। woh hai sookshm saphed chhaaya। jab mool vatan mein hai to aatma ko na sookshm shareer chhaaya vaala hai, na haddi vaala hai। in baaton ko koi bhi manushya maatra nahin jaante hain। baap hi aakar sunaate hain, brahman hi sunte hain, aur koi nahin sunte। brahman varna hota hi hai bhaarat mein, woh bhi tab hota hai jab parampita paramatma prajaapita brahma dvaara brahman dharma ki sthaapna karte hain। ab inko rachta bhi nahin kahenge। nai rachna koi rachte nahin hain। sirf rejuvenate karte hain। bulaate bhi hain - he baba, patit duniya mein aakar hamko paavan banaao। abhi tumko paavan bana rahe hain। tum phir yogbal se is srishti ko paavan bana rahe ho। maaya par tum jeet paakar jagat jeet bante ho। yogbal ko science bal bhi kaha jaata hai। rishi-muni aadi sab shanti chaahte hain parantu shanti ka arth to jaante nahin। yahaan to zaroor part bajaana hai na। shantidham hai sweet silence hom। tum aatmaon ko ab yeh maaloom hai ki hamaara ghar shantidham hai। yahaan ham part bajaane aaye hain। baap ko bhi bulaate hain - he patit-paavan, duhkh harta, sukh karta aao, hamko is raavan ki janjeeron se chhudaao। bhakti hai raat, gyaan hai din। raat murdaabaad hoti hai phir gyaan jindaabaad hota hai। yeh khel hai sukh aur duhkh ka। tum jaante ho pahle ham svarga mein the phir utarte-utarte aakar neeche hell mein pade hain। kaliyug kab khalaas hoga phir satayug kab aayega, yeh koi nahin jaante। tum baap ko jaanne se baap dvaara sab kuchh jaan gaye ho। manushya bhagwan ko dhoondhane ke liye kitna dhakka khaate hain। baap ko jaante hi nahin। jaanen tab jab baap aakar apna aur jaaydaad ka parichay den। varsa baap se hi milta hai, maa se nahin। inko mama bhi kehte hain, parantu inse varsa nahin milta hai, inko yaad bhi nahin karna hai। brahma, vishnu, shankar bhi shiv ke bachche hain - yeh bhi koi nahin jaante। behad ki saari duniya ka rachayita ek hi baap hai। baaki sab hain unki rachna ya had ke rachayita। ab tum bachchon ko baap kehte hain mujhe yaad karo to tumhaare vikarma vinaash hon। manushya baap ko nahin jaante hain to kisko yaad karen? isliye baap kehte hain kitne nidhanke ban pade hain। yeh bhi drama mein noondh hai।

bhakti aur gyaan donon mein sabse shreshtha karma hai - daan karna। bhakti maarga mein eeshvar arth daan karte hain। kislie? koi kaamna to zaroor rehti hai। samajhte hain jaisa karma karenge vaisa phal doosre janma mein paayenge, is janma mein jo karenge uska phal doosre janma mein paayenge। janma-janmaantar nahin paayenge। ek janma ke liye phal milta hai। sabse achhe te achha karma hota hai daan। daani ko punyaatma kaha jaata hai। bhaarat ko mahaadaani kaha jaata hai। bhaarat mein jitna daan hota hai utna aur koi khanda mein nahin। baap bhi aakar bachchon ko daan karte hain, bachche phir baap ko daan karte hain। kehte hain baba aap aayenge to ham apna tan-man-dhan sab aapke havaale kar denge। aap bigar hamaara koi nahin। baap bhi kehte hain mere liye tum bachche hi ho। mujhe kehte hi hain heavenly god father arthaat svarga ki sthaapna karne vaala। main aakar tumko svarga ki baadshaahi deta hoon। bachche mere arth sab kuchh de dete hain - baba sab kuchh aapka hai। bhakti maarga mein bhi kehte the - baba, yeh sab kuchh aapka diya hua hai। phir woh chala jaata hai to duhkhi ho jaate hain। woh hai bhakti ka alpakaal ka sukh। baap samjhaate hain bhakti maarga mein tum mujhe daan-punya karte ho indirect। uska phal to tumko milta rehta hai। ab is samay main tumko karma-akarma-vikarma ka raaz baith samjhaata hoon। bhakti maarga mein tum jaise karma karte ho uska alpakaal sukh bhi mere dvaara tumko milta hai। in baaton ka duniya mein kisko pata nahin hai। baap hi aakar karmon ki gati samjhaate hain। satayug mein kabhi koi bura karma karte hi nahin। sadaiv sukh hi sukh hai। yaad bhi karte hain sukhdhaam, svarga ko। abhi baithe hain narka mein। phir bhi kah dete - phalaana svarga padhaara। aatma ko svarga kitna achha lagta hai। aatma hi kehti hai na - phalaana svarga padhaara। parantu tamopradhaan hone ke kaaran unko kuchh pata nahin padta hai ki svarga kya, narka kya hai? behad ka baap kehte hain tum sab kitne tamopradhaan ban gaye ho। drama ko to jaante nahin। samajhte bhi hain ki srishti ka chakra phirta hai to zaroor hoobhu phirega na। woh sirf kahne maatra kah dete hain। abhi yeh hai sangamayug। is ek hi sangamayug ka gaayan hai। aadhaakalpa devtaaon ka raajya chalta hai phir woh raajya kahaan chala jaata, kaun jeet lete hain? yeh bhi kisko pata nahin। baap kehte hain raavan jeet leta hai। unhonne phir devtaaon aur asuron ki ladaai baith dikhaai hai।

ab baap samjhaate hain - 5 vikaaron roopi raavan se haarte hain phir jeet bhi paate hain raavan par। tum to poojya the phir pujaari patit ban jaate ho to raavan se haare na। yeh tumhaara dushman hone ke kaaran tum sadaiv jalaate aaye ho। parantu tumko pata nahin hai। ab baap samjhaate hain raavan ke kaaran tum patit bane ho। in vikaaron ko hi maaya kaha jaata hai। maaya jeet, jagat jeet। yeh raavan sabse puraana dushman hai। abhi shreemat se tum in 5 vikaaron par jeet paate ho। baap aaye hain jeet pahnaane। yeh khel hai na। maaya te haare haar, maaya te jeete jeet। jeet baap hi pahnaate hain isliye inko sarvashaktimaan kaha jaata hai। raavan bhi kam shaktimaan nahin hai। parantu woh duhkh dete hain isliye gaayan nahin hai। raavan hai bahut dushtar। tumhaari raajaai hi chheen lete hain। abhi tum samajh gaye ho - ham kaise haarte hain phir kaise jeet paate hain? aatma chaahti bhi hai hamko shanti chaahiye। ham apne ghar jaaven। bhakta bhagwan ko yaad karte hain parantu pattharbuddhi hone kaaran samajhte nahin hain। bhagwan baba hai, to baap se zaroor varsa milta hoga। milta bhi zaroor hai parantu kab milta hai phir kaise ganvaate hain, yeh nahin jaante hain। baap kehte hain main is brahma tan dvaara tumko baith samjhaata hoon। mujhe bhi organs chaahiye na। mujhe apni karmendriyaan to hain nahin। sookshm vatan mein bhi karmendriyaan hain। chalte phirte jaise movie bioscope hota hai, yeh movie talkie bioscope nikle hain to baap ko bhi samjhaane mein sahaj hota hai। unhon ka hai baahubal, tumhaara hai yogbal। woh do bhaai bhi agar aapas mein mil jaaen to vishwa par raajya kar sakte hain। parantu abhi to phoot padi hui hai। tum bachchon ko silence ka shuddh ghamanda rehna chaahiye। tum manamnaabhav ke aadhaar se silence dvaara jagatjeet ban jaate ho। woh hai science ghamandi। tum silence ghamandi apne ko aatma samajh baap ko yaad karte ho। yaad se tum satopradhaan ban jaayenge। bahut sahaj upaay bataate hain। tum jaante ho shivbaaba aaye hain ham bachchon ko phir se svarga ka varsa dene। tumhaara jo bhi kaliyugi karmabandhan hai, baap kehte hain unko bhool jaao। 5 vikaar bhi mujhe daan mein de do। tum jo mera-mera karte aaye ho, mera pati, mera phalaana, yeh sab bhoolte jaao। sab dekhte hue bhi unse mamatva mita do। yeh baat bachchon ko hi samjhaate hain। jo baap ko jaante hi nahin, woh to is bhaasha ko bhi samajh na saken। baap aakar manushya se devta banaate hain। devtaayen hote hi satayug mein hain। kaliyug mein hote hain manushya। abhi tak unki nishaaniyaan hain arthaat chitra hain। mujhe kehte hi hain patit-paavan। main to degrade hota nahin hoon। tum kehte ho ham paavan the phir degrade ho patit bane hain। ab aap aakar paavan banaao to ham apne ghar mein jaayen। yeh hai spiritual knowledge। avinaashi gyaan ratna hain na। yeh hai nai knowledge। abhi tumko yeh knowledge sikhaata hoon। rachayita aur rachna ke aadi, madhya, ant ka raaz bataata hoon। abhi yeh to hai puraani duniya। ismen tumhaare jo bhi mitra sambandhi aadi hain, deh sahit sabse mamatva nikaal do।

abhi tum bachche apna sab kuchh baap havaale karte ho। baap phir svarga ki baadshaahi 21 janmon ke liye tumhaare havaale kar dete hain। len-den to hoti hai na। baap tumko 21 janmon ke liye raajya-bhaagya dete hain। 21 janma, 21 peedhi gaaye jaate hain na arthaat 21 janma poori life chalti hai। beech mein kabhi shareer chhoot nahin sakta। akaale mrityu nahin hoti। tum amar ban aur amarpuri ke maalik bante ho। tumko kabhi kaal kha na sake। abhi tum marne ke liye purooshaartha kar rahe ho। baap kehte hain deh sahit deh ke sab sambandh chhod ek baap se sambandh rakhna hai। ab jaana hi hai sukh ke sambandh mein। duhkh ke bandhanon ko bhoolte jaayenge। grihastha vyavhaar mein rehte pavitra banna hai। baap kehte hain maamekam yaad karo, saath-saath daiveegun bhi dhaaran karo। in devtaaon jaisa banna hai। yeh hai em object। yeh lakshmi-naaraayan svarga ke maalik the, inhon ne kaise raajya paaya, phir kahaan gaye, yeh kisko pata nahin hai। abhi tum bachchon ko daivi gun dhaaran karne hain। kisko bhi duhkh nahin dena hai। baap hai hi duhkh harta, sukh karta। to tumko bhi sukh ka raasta sabko bataana hai arthaat andhon ki laathi banna hai। abhi baap ne tumhein gyaan ka teesra netra diya hai। tum jaante ho baap kaise part bajaate hain। abhi baap jo tumko padha rahe hain phir yeh padhaai praayahlop ho jaayegi। devtaaon mein yeh knowledge rehti nahin। tum brahma mukh vanshaavli brahman hi rachta aur rachna ke gyaan ko jaante ho। aur koi jaan nahin sakte। in lakshmi-naaraayan aadi mein bhi agar yeh gyaan hota to parampara chala aata। vahaan gyaan ki darkaar hi nahin rehti kyonki vahaan hai hi sadgati। abhi tum sab kuchh baap ko daan dete ho to phir baap tumko 21 janmon ke liye sab kuchh de dete hain। aisa daan kabhi hota nahin। tum jaante ho ham sarvansha dete hain - baba yeh sab kuchh aapka hai, aap hi hamaare sab kuchh ho। tvamev maataashcha pita ........ part to bajaate hain na। bachchon ko adopt bhi karte hain phir khud hi padhaate hain। phir khud hi guru ban sabko le jaate hain। kehte hain tum mujhe yaad karo to paavan ban jaayenge phir tumko saath le jaaoonga। yeh yagya racha hua hai। yeh hai shiv gyaan yagya, ismen tum tan-man-dhan sab svaaha kar dete ho। khushi se sab arpan ho jaata hai। baaki aatma rah jaati hai। baba, bas ab ham aapki shreemat par hi chalenge। baap kehte hain grihastha vyavhaar mein rehte pavitra banna hai। 60 varsha ki aayu jab hoti hai to vaanaprastha avastha mein jaane ki taiyaari karte hain parantu woh koi vaapis jaane ke liye thode hi taiyaari karte hain। abhi tum satguru ka mantra lete ho manamnaabhav। bhagvaanuvaach - tum mujhe yaad karo to tumhaare vikarma vinaash honge। sabko kaho aap sabki vaanaprastha avastha hai। shivbaaba ko yaad karo, ab jaana hai apne ghar। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kaliyugi sarva karmabandhanon ko buddhi se bhool 5 vikaaron ka daan kar aatma ko satopradhaan banaana hai। ek hi silence ke shuddh ghamanda mein rehna hai।

2) is roodra yagya mein khushi se apna tan-man-dhan sab arpan kar saphal karna hai। is samay sab kuchh baap havaale kar 21 janmon ki baadshaahi baap se le leni hai।

vardaan:- rob ke ansh ka bhi tyaag karne vaale svamaandhaari punya aatma bhav

svamaandhaari bachche sabhi ko maan dene vaale daata hote hain। daata arthaat merciful। unmein kabhi kisi bhi aatma ke prati sankalp maatra bhi rob nahin rehta। yeh aisa kyon? aisa nahin karna chaahiye, hona nahin chaahiye, gyaan yeh kehta hai kya...yeh bhi sookshm rob ka ansh hai। lekin svamaandhaari punya aatmaayen gire hue ko uthaayengi, sahayogi banaayengi woh kabhi yeh sankalp bhi nahin kar sakti ki yeh to apne karmo ka phal bhog rahe hain, karenge to zaroor paayenge.. inhen girna hi chaahiye...। aise sankalp aap bachchon ke nahin ho sakte।

slogan:- santushtata aur prasannata ki visheshta hi udti kala ka anubhav karaati hai।

avyakt ishaare - satyata aur sabhyata roopi culture ko apnaao

satyata ke shakti ki nishaani hai “nirbhayta''। kaha jaata hai ‘sach to bitho nach' arthaat satyata ki shakti vaala sada bephikar nishchinta hone ke kaaran, nirbhay hone ke kaaran khushi mein naachta rahega। yadi apne sanskaar va sankalp kamjor hain to woh kamjori hi man ki sthiti ko halchal mein laati hai isliye pahle apni sookshm kamjoriyon ko avinaashi roodra yagya mein svaaha karo।