Murli de Mamma - gyan-sitar-22

३०.८.५९

२१ janmon ki praalabdha ka aadhaar is antim ek janma ka purushaartha

geet:- bachpan ke din bhula na dena…।

paramatma ke saath yeh hamaare bachpan ke din hain jiska hi gaayan hai। jeevan ki chhoti aayu – woh bachpan to common baat hai। mahima to koi uttam cheej ki gaai jaati hai na। jab paramatma practical mein aate hain tab ham unke bachche ban janmasiddha adhikaar lete hain। in bachpan ke dinon mein hi dekho, ham २१ janmon ki kamaai kar lete hain ! aise bachpan ke dinon ka gaayan hai, jis par hi saare chakra ka madaar hai। unka hokar jitna ab hak lene ka purushaartha karenge to woh hamaari praalabdha kai janmon tak chalti rahegi। yeh hai paramatma se direct varsa lena, unki paalna lena। hak lekar phir unki paalna se khaate rahenge। २१ janma - २५०० varsha ham us baap ka varsa khaate hain। laukik baap ka to khaate aaye hain, ab paarlaukik baap ka varsa ham lete hain। abhi ke purushaartha se hi २१ janmon ki praalabdha banti hai। lakshmi-naaraayan ko bhi is purushaartha ki praalabdha mili hai। saari vanshaavli to ab banti hai na। to saara hak abhi ham jamaate hain। itne janmon ka varsa paarlaukik baap se abhi hamko is janma mein milta hai। us paalna mein duhkh-ashaanti ho nahin sakti। abhi to karma-bandhaaymaani ke hisaab se chalte hain। phir ham paarlaukik baap ka khaate hain। २१ janmon tak unka varsa paate hain। yeh hai hamaara bachpan। abhi unka ban hak lene ka daanv laga rahe hain। yeh hai sabse shreshtha praalabdha। aise baap ki god lena hi shreshtha hai। unki hi balihaari hai na। abhi yeh bachpan us baap ke saath ham bita rahe hain। abhi unka nahin banenge to daanv lagega hi nahin। iski hi balihaari hai। iske aadhaar par ham anek janmon ki praalabdha banaate hain। woh hai hamaara paarlaukik baap। aise baap ki paalna bhi to oonchi hogi na jismen koi apraapta vastu nahin। to itna nasha rakhna hai ! itni oonch praapti ke liye apna daanv poora lagaate rehna, ismen hi phaayda hai।

is saari rachna ki knowledge ko jaankar abhi samajh sakte hain ki gyaan athva agyaan -- yeh baaten hi is samay ki hain jabki is saare khel ke ant ka samay hai। paramatma dvaara hi yeh knowledge milti hai jisse phir nai duniya sthaapan hoti hai। knowledge dene ka samay ant ka hi ho sakta hai। kyonki satayug mein bhi devtaayen hain, us samay gyaan ki aavashyakta nahin। peechhe to duniya ko poora neeche aana hi hai, to gyaan ki darkaar hi nahin hai। manushya aatmaayen jab agyaan mein hon tab gyaan dene ke liye phir paramatma ki aavashyakta hai। devtaaon ke liye kehte hain ki woh is dharni par paanv nahin rakhte । to phir gyaan kaise denge ? haan, paramatma aate hain। knowledgeful bhi woh hain। kehte hain - jab-jab dharma glaani hoti hai tab main aata hoon। paramatma ka karttavya gaaya hua hai। devtaayen bhi manushya the। woh is prithvi par aakar gyaan nahin dete hain। to ham jaante hain ek hi samay par ek paramatma hi aakar gyaan dete hain। durgati ho tab sadgati ke liye gyaan ki aavashyakta rahe । sadgati-daata bhi paramatma ko kaha jaata hai। paramatma dvaara hi ham saari knowledge jaante ja rahe hain। jinko trikaaldarshi rishi-muni kaha jaata hai, woh bhi paramatma ke baare mein beanta kehte the । aaj ki duniya phir kehti ki paramatma sarvavyaapi hai athva aham shivoham । to phir beanta ki baat hi nahin rehti। jarur kuchh bhool hai । tab to aisi oonch buddhi vaalon ne bhi beanta kaha hai। yeh knowledge mil hi unse sakti hai jiske paas sabka knowledge hai। jab manushya ki poori durgati hoti hai tab paramatma aakar gyaan dete hai jo khud sada samartha hain।