Murli de Mamma - gyan-sitar-37

२१.९.६२

hamaari baaton ka aadhaar koi ved-shaastra nahin, svayan jaani-jaananhaar beejrup paramatma hai

is samay sabhi insaan andhere mein hain। bhagwan hi kehte hain – sabka uddhaar karne main aata hoon। saadhu-santa sabka uddhaar karne vaala ek hi hai। sabki gati aur sadgati kab aur kaise aakar karte hain- yeh ab hamaari buddhi mein hai jo ham unke dvaara jaante hain। yeh bhi jaante hain ki gati, sadgati alag-alag hain। jab part mein nahin hain to unko mukti athva gati kehte hain। aise ho nahin sakta ki part mein aayen hi nahin। phir to khel ki baat hi nahin rahi। kai to aise maante hain। parantu aise hua nahin hai। dharma sthaapan karne vaalon ko bhi phir paalna karni hai। agar ve na hote to unhon ke dharma hi na hote ।

ab sabki kayaamat hogi। yeh bhi pahle gyaan chaahiye ki manushya ke liye praapti kya hai ? woh bhi paramatma jaani-jaananhaar batlaate hain ki ab ham usi dhaam mein jaate hain, jo phir is kaliyug mein lautte nahin। baaki aise nahin ki jyoti mein jaakar leen hote hain, phir lautte nahin। yeh sangam ki baat hai ki is samay jo mere dhaam mein chalne ka purushaartha karenge woh is duniya mein nahin lautenge। ab ham yeh purushaartha kar rahe hain ki phir is tamopradhaan kaliyugi duniya mein na lauten। aise nahin, corporeal duniya nahin hogi। duniya to rehti hai parantu tamopradhaan duniya nahin hogi। to hamaara is antim janma mein yahi purushaartha hai ki is duniya mein phir janma na len, janma len to nai duniya mein len।

ab yeh buddhi mein knowledge hai ki manushya ke liye vaastavikta kya hai? paramatma sangam par aakar yeh knowledge de raha hai। is sangam ko koi jaante nahin, isliye mujhte hain । paramatma ne kahaan se baat ki- kaliyug se ya satayug se ? yeh nahin jaante hain । isliye vahi aakar batlaate hain ki mainne sangam par aakar baat ki hai taaki phir se tamopradhaan duniya mein nahin lauten। ab hamaare liye yeh sab baaten practical hain। baba bhi practical kehte hain ki bachche, ab mere dhaam chalenge to is duniya mein lautenge nahin। log yeh bhi nahin jaante ki yahi duniya satopradhaan thi, ab yahi duniya tamopradhaan hai। na jaanne ke kaaran kehte hain – duniya mein aana hi nahin hai। ab jis dhaam jaana hai us dhaam jaisa banna hai। isliye woh taiyaari kar rahe hain। is duniya ke sanskaar mita rahe hain। ab ham nahin kah sakte ki ham andhakaar mein hain। apne paas roshni hai। kahaan se aaye hain, kya karna hai, kisko jeetna hai, kaise jeet paani hai - sab roshni hai। oonche te oonche baap ka aadhaar hai। baaki ved-shaastron ka aadhaar nahin hai। kyonki sabko jaanne vaala jaani-jaananhaar mil gaya to phir aadhaar kiska ? poochhte hain na ki kiske aadhaar se bolte ho ? jaani-jaananhaar ke aadhaar se । phir vivek va anubhav mein aaya hua hai। maano na maano, yeh sab sachchi baaten hain। jo srishti ka beejrup niraakaar paramatma hai uske aadhaar se bolte hain। jiske paas manushya srishti ki knowledge hai, vahi aakar purify banaate hain। ab sab baaten apni buddhi mein hain। phir koi maane to jeevanmukta, na maane to maut bhi saamne hai।

ab koi moonjhane ki baat nahin hai। haan, koi bandhan aate hain to phir chillaate hain। parantu yeh bhi jaante hain ki apne karmon se bandhan hain। usko kaatna kaise hai ? yeh bhi samajhkar chalna hai । 'bandhan-bandhan' kehte to anek janma bitaaye। shaktiyon ka bal dikhaaya hai, to bandhan kaate the na। asuron ka vinaash kiya tha । asur koi aise manushya nahin hote । bhanyakar yeh vikaar bhoot hain jo duhkh karte hain । duhkh ka rup aise de diya hai- ek taraph devi kehna, doosre taraph itna bhanyakar banaana। phir asuron ko bhanyakar banaaya hai। yeh hai gudiyon ka khel । gudiyaan banaakar kya khel rach rahe hain? baap aakar batlaate hain। baap ko to kahne ka hak hai ki bachche kya kar rahe hain? ab navraatri mein deviyon ke chitra bahut banaate hain। rachta bhi bante, paalna bhi karte aur phir dubo bhi dete hain।

kharche bahut karte hain। iska nateeja kya hai? kehte hain - parampara se chala aata hai। to in baaton ko sudhaarna hai। koton mein koi aakar sudharte hain। baaki sabka vinaash ho jaata hai। yeh saara drama ka kaisa hisaab-kitaab bana hua hai -- isko ham jaante hain। yeh common satsang nahin hai, school hai। school mein har ek student ka parichay rehta ki kahaan tak padhta aur padhaata hai, kahaan tak buddhi mein dhaarna hai ? sab rekh-dekh rakhni padti hai।