Murli de Mamma - gyan-sitar-41

१४.१०.६२

sabko maaya ke bandhanon se mukta karna - yeh paramatma ka hi niraala part hai

geet- aakhir woh din aaya aaj… ।

om shanti। behad ke baap ne ab apni buddhi ko behad mein athva behad ki knowledge mein phaila diya hai kyonki apni buddhi ab behad mein sthit hai। bhal ham dekhte shareeron ki taraph hain lekin is shareer mein dekhte hain aatma ko, jo aatma phir us behad baap ki santaan hai। to hamaari buddhi mein dhaarna kya rahi ? sunne vaali, dekhne vaali aatma hai। isko kaha jaata hai soul-conscious । hamaari buddhi mein hai ki ham aatma in kaanon ke aadhaar se sunti hain aur aatma jo sunaati hai, woh param-aatma se jo suna hai vahi sunaati hai। buddhi mein yaad hai ki ham param-aatma ki santaan hain। to yeh ek hi satsang va school hai jismen ham sunne aur sunaane ke samay paramatma ko hi yaad karte hain। baaki jo bhi hain woh shaastron ko ya shaastra sunaane vaalon ko yaad karte hain। parantu hamaari buddhi behad ke baap mein rehti hai kyonki hamko sunaane vaala vahi hai। phir chaahe kisi dvaara sunen, chaahe woh sunaave ।

hamko padhaane vaala svayan god hai jo knowledgeful hai। is knowledge ko padha bhi vahi sakta hai jo is chakra ke aadi-madhya-ant ko jaanta hai। knowledgeful vahi hai aur ham bhi master knowledgeful hain। ham unka sunkar sunaate hain। vahi jaagti jyot hai jo kab bujhta nahin hai। gati-sadgati-daata, patit ko paavan karne vaala – yeh mahima unki hai। baba ke gun va shiphten koi manushya apne oopar rakha nahin sakte। yeh mahima ek ki hai, lekin yeh mahima manushya apne par le aaye hain। isliye ab kehte hain ki ham, tum, sab mein paramatma hai। lekin paramatma ki shiphten hi alag hain aur manushya ki shiphten bhi alag hain। phir manushya ke kartavya bhi bhinna-bhinna hain, ek na mile doosre se। sab dharma-sthaapkon ka bhi part alag-alag hai। sabki rasma-rivaaj alag-alag hai। messengers to sab kehte hain lekin sabka message ek nahin ho sakta hai।

jaise ham aatmaayen part bajaane aati hain, vaise paramatma bhi is stage par ek baar part bajaane aata hai। god ko muphta mein oonche te ooncha nahin kaha jaata lekin usne act ki hai। sarva aatmaon ko vaapas le jaana, gati-sadgati karna, nai duniya ko create karna – yeh unka special kaarya hai। jaise ham aatmaayen yadi oonche karma karti hain to baap ke paas bhi oonchi hain aur corporeal duniya mein bhi itna ooncha bante hain। jaise gaandhi ki bhi kartavya par mahima chalti hai। paramatma ne bhi jabardasta part bajaaya hai jismen sabka sambandh aa jaata hai। sabhi aatmaon ko bhejne vaala aur phir vaapas le jaane vaala vahi hai। maaya ke bandhanon se chhudaane vaala liberator - yeh kaam koi manushya nahin kar sakta ।

ibraahim, buddha, Christ, gurunaanak ji aadi sabko dharma ke bandhan mein jarur aana hai। nahin to, vriddhi kaise ho ? paramatma aata hai hamko bandhan-mukta karne । to unka part niraala ho gaya। ham jaate hain to phir vaapas bhi aate hain। sabke aane ka time apna-apna hai jisse phir vriddhi hoti rehti hai। to kya vriddhi hi hoti jaayegi ya kabhi end bhi hogi ? end karne vaala to vahi paramatma hai jiska har ek aatma ke saath sambandh hai। vahi aakar maaya ke bandhan se chhudaate hain। ek to hai yeh gyaan-yog ki tarkeeb, doosri hain sajaayen। sajaaon se poorn jeevanmukti ka sukh nahin paayenge। sabko maaya se bandhanmukta to karte hi hain, phir sabko varsa va property bhi dete hain। sabse shreshtha part woh hai jismen sada sukh hai। jo special cheej baap se milti hai, jo ek hi tareeke se milti hai। baaki aise nahin ki anek yogi, anek gyaani hain। yog unko nahin kahenge jo taange-baanhe uthaakar yog karen। yog karke jisma ko beemaariyon se sapha dete hain। woh to aur baat hai। lekin ruhaani sapha dene vaala ek hai। unka raasta bhi ek hai। bhal kiski bhaavna poorn karne ke liye koi ka bhi saakshaatkaar kara dete hain।

lekin baap jo hai, jaisa hai - use original samajhna hai। to yathaartha jaanne se yathaartha result paayenge । ham yog aur gyaan unse hi seekh rahe hain aur unko jaanna bhi jaruri hai। yeh hai saara rachta aur rachna ka gyaan jo nutshell mein buddhi mein rehna chaahiye, jisko svadarshan-chakra kaha jaata hai, jo chalta hi rahe। yeh svadarshan-chakra chalta rahega to vikaaron ke sir katte rahenge। baat to itni hai lekin vistaar bahut hai। parantu saar buddhi mein bithaane ke liye vistaar samjhaana pade । jab tak yeh padhaai hai to padhte rehna hai। phir yeh course poora ho jaayega। jahaan ji, vahaan pi। baap aakar time hi aisa lete hain। chhote bachche ko bhi kahenge - jahaan ji, tahaan pi। kyonki is samay bade-chhote sab ek jaise hain।

ab to duniya ki end hai। agar koi ki buddhi mein aa jaae ki ab end hai aur aadi kya hone vaali hai- to kitna takdeervaan ban jaae ! ab duniya ki iron ej hai। iron ej ke baad phir mrityu hogi। mrityu maana hi destruction । phir mrityu ke baad naye honge। ab is duniya mein akaale mrityu hoti hai। isliye chhota bachcha bhi mar jaata hai। eeshvareey kaanoon hai baal-yuva-vriddha hona hai । parantu abhi sab dis-order mein chal rahe hain। to is school mein yeh sab padhaaiyaan hain। isse hamaare karmon mein bal aata hai jisse ham karmakshetra par double crown bante hain। light aur ratna-jadit – donon power aati hain। woh power baap de rahe hain jo aatma dhaaran kar rahi hai। phir aatma aakar shareer ke saath sukh paati hai। ab baap se will le rahe hain। jo jitna spiritual father se sambandh jodenge utna will-power milegi। jab buddhi mein yeh baaten hon tab behad ki khushi rahe । inse oonchi padhaai aur koi nahin।